Genesis 50:23 - Ohiatonhseratokénti

²³ Ne Só꞉se wahshakó꞉ken ne Ephraim shakoioʼókón꞉ʼahs ne ne ahsénhaton naʼtewatereʼserá꞉sere; ne shakoioʼokón꞉ʼahs ne Machir ne ne roién꞉ʼa ne Manasseh ronnónha ó꞉ni Só꞉se rakwitshà꞉ke ronennakerá꞉ton.

Genesis 50:23 ပူးပေါင်းရင်းမြစ်များ

Genesis 30:3

Eʼthó꞉ne wakén꞉ron, “Ken í꞉ienʼs nakehnhá꞉tshera Bilhah: skátne tsá꞉rat, ne naón꞉ton naiowiraièn꞉taʼne nakerihwá꞉ke. ʼEh naontá꞉we aonhá꞉ke kaʼnisténhsera aká꞉ton.”

Genesis 48:19

Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.”

Genesis 49:12

Ne rakahrà꞉ke sénha ne teiotenekwénhtaronte tsi ní꞉ioht noʼnenharákeri, tánon ne ranawirà꞉keʼs sénha karà꞉ken ní꞉ioht nonòn꞉ta.

Genesis 50:22

Ne Só꞉se iahakón꞉tahkwe Egypt nón꞉we nihanákerehkwe, ráonha tánon ne roʼníha raohwá꞉tsire; ne Só꞉se énska tewenʼniáwe tánon oié꞉ri niiohserá꞉ke rónhnhehkweʼ.

1 Chronicles 7:14

Ahónha ne Aramró꞉non raonhatserakénʼen, né Manasseh tékeni teonekenteronhtseraiéntaʼkwe, né꞉ne Asriel tánon Machir. Né Machir né꞉ne ieshoiénha ne Gilead.

Job Tánon ne Raoronhiakensera 42:16

Né ken waʼhó꞉tsete ne Job énska tewenhniá꞉we tánon kaié꞉ri-niwáhsen nihioserá꞉ke nikaʼrises sironnekwe, tánon waʼshá꞉koken ne sakohiookonhas, tánon ne sakoteréhokonhas, né꞉ne kaié꞉ri natatereserasenhren.

Psalms 128:6

Aiáwenhs ashé꞉ken ne shehiaterehokónhas. Skénnenk thikénhak Nisraeroʼnónhke!

Proverbs 17:6

Kahsótshera ratiná꞉ie tsi nonkwá ne shakonatereʼokón꞉ʼa, ne shá꞉ka ne eksaʼokón꞉ʼa ratiná꞉ie tsi rotiʼnisténhsen tánon rotiʼníhsen.

Numbers 32:33

Káti ne Mahís thaʼshakáwenh ne raotiʼtiókwa ne Gad tánon ne Reuben tánon asénhnon ne raotiʼtiókwa ne Manasseh kanakerasehrakwékon ne Ronhnonhtí꞉io Sihon rahonakerásehra né꞉ne Amorʼró꞉nons tánon ne Ronhnonhtí꞉io Og né꞉ne Bashan nónhwe, ehʼhí꞉kare ne kanataiéntons ó꞉ni naktóntsies kanakerasehráiens.

Numbers 32:39

Ne rahotára ne Machir né roʼní꞉ha né꞉ne Manasseh wahanénhrenhthe ne tsi ionhontsáien ne Gilead, et wahonhtatíteron, tánon washakotirékwahthe ne Amorʼró꞉nons né ratinákerekwe.

Joshua 17:1

Ostónha nohóntsa ne tsi iaʼtewatséntos nokwá꞉ti ne Jordan ne thonwaná꞉wi ne tó꞉kara nihatiwatsirá꞉kes ne tsi nitotwatsirí꞉nonh ne Só꞉se roiénha thakowá꞉nen Manasseh. Machir, ne roiénha ne Gilead, ne totsténhakwe ne Manasseh roiénha tánon né꞉ne é꞉tsinn í꞉ken ne tsi waterí꞉io, káti ne Gilead ó꞉ni ne Bashan, ne tsitkarahkwí꞉nekens nokwá꞉ti ne Jordan, raónha thonwá꞉wi.