Genesis 50:18 - Ohiatonhseratokénti

¹⁸ Eʼthó꞉ne ó꞉ni ne ráonha rontateʼkoʼokón꞉ʼahs tahón꞉ne raohén꞉ton waʼthontshá꞉kete, tánon wahonní꞉ron, “Tsi kén꞉ʼen iákweʼs ne nahskwatenahskónniaʼte.”

Genesis 50:18 ပူးပေါင်းရင်းမြစ်များ

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 41:43

Ne wahoʼseréhton nahohonwiʼseré꞉sheke ne tekeníhaton ié꞉kate noʼtsónhkwa; tánon waʼthotihén꞉rehte ne raohén꞉ton, “Tesewatentshó꞉ten!” Tánon katiʼ ráonha wahorihón꞉ten ohontsakwé꞉kon ne Egypt.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 44:14

Judah tánon ne rontateʼkoʼoʼkón꞉ʼahs Só꞉se tsi thonónhsote nontahón꞉ne shé꞉kon eʼthó sihenʼterón꞉tahkwe; tánon ohontsà꞉ke wahatiiaʼtaièn꞉taʼne ne raohén꞉ton.

Genesis 45:3

Ne Só꞉se wahshakawènhahse ne rontatekoʼokón꞉ʼahs, “Í꞉i ne Só꞉se. Ne rakeʼníha shé꞉kon kenh nihrónhnhe?” Ók ne sakohtsiʼokón꞉ʼahs iáh tehotikwénion ne tahonwarihwaʼserakwén꞉ni, tsi nihonateronhienhtén꞉ni tsi raohén꞉ton rón꞉nete.

Genesis 50:17

‘Tshisewènhahs ne Só꞉se: konʼnekén꞉nis, sasheʼnikónhrhenʼs ne sewatatekoʼokón꞉ʼahs tsi naʼtehonaterienʼtawenrié꞉ʼon tsi niiesaierá꞉se.’ Ó꞉nen ká꞉tiʼ saskwaʼnikónhrenʼs tsi nikarihwáksen tsi nikwaierá꞉se, Í꞉i ne raohnhaʼtsheraʼó꞉konʼs ne Raoní꞉io ne iaʼníha.” Ne Só꞉se waʼthahséntho nó꞉nen shahonwahtháhrhahse.

Genesis 50:19

Nok ne Só꞉se wahshakawènhahse, “Tóhsa sewáhteronʼn! Iáh thakkwé꞉ni ne Í꞉i thóh takatáttahsteʼ ne Rawenni꞉io raonaktà꞉ke.