Genesis 50:17 - Ohiatonhseratokénti

¹⁷ ‘Tshisewènhahs ne Só꞉se: konʼnekén꞉nis, sasheʼnikónhrhenʼs ne sewatatekoʼokón꞉ʼahs tsi naʼtehonaterienʼtawenrié꞉ʼon tsi niiesaierá꞉se.’ Ó꞉nen ká꞉tiʼ saskwaʼnikónhrenʼs tsi nikarihwáksen tsi nikwaierá꞉se, Í꞉i ne raohnhaʼtsheraʼó꞉konʼs ne Raoní꞉io ne iaʼníha.” Ne Só꞉se waʼthahséntho nó꞉nen shahonwahtháhrhahse.

Genesis 50:17 ပူးပေါင်းရင်းမြစ်များ

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 45:8

Katíʼ iáh í꞉se kén꞉ʼen tetehskwatenniéhton, ók Rawenni꞉io; Ráonha wahakónnien ne kaʼníhsera aká꞉ton raonhá꞉ke ne Pharaoh, tánon atiá꞉nehr akénhake akwé꞉kon ne raonónhskon ó꞉ni nakkó꞉rahsteʼ akwé꞉kon tsi niwatonhóntsa ne Egypt.

Genesis 49:25

Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

Genesis 50:16

Sók kiʼ iahonwateriʼwaniéhten ne Só꞉se, rón꞉ton, “Nohén꞉ton sahrénheie ne tshitewaʼníha rotenhnhá꞉ʼon,

Genesis 50:18

Eʼthó꞉ne ó꞉ni ne ráonha rontateʼkoʼokón꞉ʼahs tahón꞉ne raohén꞉ton waʼthontshá꞉kete, tánon wahonní꞉ron, “Tsi kén꞉ʼen iákweʼs ne nahskwatenahskónniaʼte.”

Genesis 50:20

Eʼthó sá꞉ne wesewatenʼnikonhrón꞉ni nahskwakaré꞉wahte, ne Rawenni꞉io ne ne rotenʼnikonhrón꞉ni ne ioiánere tsi nahá꞉iere, ne ne iakentiohkowá꞉nen ahanónhstate tsi iakónhnhe, tsi kiʼ nón꞉wa nihoierenhátie nón꞉wa wenhniserá꞉te.

Psalms 21:11

Nahontenikonrón꞉ni, tánon aiesateristaiénhase; tó꞉ka othènen ahontenikonronniánion nahonwakaré꞉wate iáh kíʼ tahonateríhwathentsiase.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Matthew 10:42

Nok oni ne skaȣisa ok onekanos aonȣanekanonten saiatat nakitiokȣa; oriȣiio tsi kȣarori tsi iatekakonte tenhoteriȣaserakȣase.

Matthew 18:35

Etho oni nene nentsiseȣaierase ne Rakeniha Karonhiake thenteron, nʼiah seȣeriasakȣekon tataonseseȣatatenikonrhensere tsi nateseȣatatenikonraksata ne seȣatatekenokonha.

Matthew 25:40

Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Matthew 6:12

Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

St. Mark 10:41

Ȣahotiriȣaksase noieri nihati tsinahoten ȣaniron ne Sak tanon ne San.

Galatians 6:10

Ne káti, tsi niʼioriwáke enhionkwatesennaiéntane, kwáh ioianeréhak tsi naietʼthihiatiérase nakorénson, kwáh ó꞉ni sénha tsi niháti neh nón nihatiʼiátare non kwentiókwakon ne tewetákwen.

Galatians 6:16

Nók tsi niháti ne neh rathíʼsere kí꞉ken nakaianerenseróten ne tsi ronónnhe, aiáwens ne skénnen ó꞉ni nataniténron ahathikwekónhake—skátʼke rathikwekónhak ne Rawenni꞉io rahonkwetaʼsónha!

Ephesians 4:32

Kék, tasariwaiérik ó꞉ni seriasihióhak tsi naʼtesewátere, tánon ó꞉ni tonsasewatatenikónrens, tsi ní꞉ioht ne Rawenni꞉io tsi sianikónrense thóh rahonháke ne Kerístos.

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.