Genesis 50:10 - Ohiatonhseratokénti

¹⁰ Shiahón꞉newe ne tsi ietheʼtáhkwa ne Atad nón꞉we ne ne ieiotohétston ne Jordan, thóh nón꞉we kwáh í꞉ken tsi waʼtewatenón꞉ianihteʼ onttsiʼtó꞉ko tsi naʼakoʼnikonhraksèn꞉seron; tánon ne Só꞉se ne wahateriwahténtiaʼte nahotshón꞉nionʼse ne roʼníha tsi niioterihwíson naiontshón꞉nion ne ne tsá꞉ta nón꞉ta nikarí꞉wes.

Genesis 50:10 ပူးပေါင်းရင်းမြစ်များ

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 50:11

Nó꞉nen ne ratinákere ne Canaanró꞉non wahontkáhtho nonkwehshón꞉ʼa tsi ronatshonʼniónhkwen ne tsi ietheʼtáhkhwa ionhontsá꞉ien ne ne Atad nón꞉we, wahonní꞉ron, “Tsi niiotatitèn꞉rat tsi ní꞉ioht tsi ronaterihwahtentiá꞉ton ne Egyptró꞉non tsi nihonatshón꞉nion.” Ne aorí꞉wa neʼthó nón꞉we ne skonwanaʼtónhkhwa ne Abel Mizraim; ne ne ieiotohétston ne Jordan.

Genesis 50:3

kaié꞉ri niwenhniseráhsen ne wahonterihwahténtiaʼte, aseʼkénh tho nikarí꞉wes naiakenheionʼtahserón꞉ni. Tánon ne Egyptró꞉non tsá꞉tak niwáhsen niwenhniserá꞉ke waʼthonhsénthoh ne raorihwá꞉ke.

Genesis 50:4

Shontóhetste tsi rotshonʼniónhkwen, ne Só꞉se wahshakohtháhrhahse ne Pharaoh raonkweʼtaʼshón꞉ʼa, “Tókaʼ ó꞉nen ioiánere tsi ní꞉ioht tsi takwanonhtonnión꞉se, aesewathontátsheke kenʼ ní꞉ioht tsi ahtshisewahró꞉ri ne Pharaoh:

Genesis 50:9

Ne ronnón꞉kwe oʼtsónhkwa rotihonwí꞉sere, ó꞉ni kohsá꞉tens rotihsaténtie ne rahónha. Kwáh í꞉ken tsi kentiokowánen.

2 Samuel 1:17

Ne Táwit watahrihwaʼkwáhnion kí꞉ken kanikonraksénhtshera ne ne Saul raorihwáke tánon ne roién꞉ha Jonathan.

2 Samuel 11:26

Nó꞉nen ne Uriah ró꞉ne sakariwáronhke ne ró꞉ne tsi rawenhé꞉ion, nahón꞉ha wahotiónhnionse.

1 Chronicles 10:12

né kwáh thotinikonratʼtsáni ronhnón꞉kwe iahónhne tánon iahatíko ne rahoierónhta ne Saul ó꞉ni ne sakohiohokónhas tánon Jabesh niahatíhaʼwe. Karíhton kaʼronthó꞉kon nón꞉we nahonwaʼiatháta tánon tsáta nón꞉ta nikaʼríh꞉wes waʼhonnentón꞉tieʼte.

Job Tánon ne Raoronhiakensera 2:13

Sát꞉ne wahonnitskwénhtare nonwenhtsà꞉ke tsáta nón꞉ta nikarì꞉weskwe tánon tsá꞉ta niiokaratserákekwe, tánon iáh ónhka ne tiowénhna tehonwathará꞉ni, asè꞉ken ne tsi wahonkátho ne raoronhiakénhsera tsi natehiotenonhianì꞉ton.

Ecclesiastes 12:5

Kwáh kíʼ enshetsanísehke kanónhwe ne é꞉neken tiótʼtes, tánon enhiotʼteronhthónhake ne thakésons niáse. Tsi sanonhkwísehrothe karáhken nenhiá꞉wenhne; kwáh tensnhióten sheronhkenéhak tsi nisaktsinhokátha, tánon akwékon naskanéktshera kenkʼtshiénwe. Thóh nón꞉we niahonkwenonhátie nonahkénka iéken naetewatoríhsen, tánon ehthò꞉ne kwáh enwatsiónhnionke ne kanatakónsons.

Numbers 19:11

Tsi nihiákon nienhieiéna nawenheiónhtha kwáh tenhiakohiataʼtsionhtónhake né꞉ne tsáta nónhta nikaríhwes.

Numbers 20:29

Kaná꞉keraserakwékon waherihwáronhke ne Aaron tsi warénheie, tánon tatikwékon wahontsiónhnion né꞉ne áhsenh-niwáhsen niwenhniseráke nikaríhwes.

Acts 8:2

Tóhka niháti ne rohtiriwiʼióstons ronʼnónkwe wahonwahiatátha ne Stephen, kwáh rothitsithówas tánon tsehotiwenʼnakethótha tsi nihonwanátens.

Deuteronomy 1:1

Né kén꞉en kahiatónhsera né rowenhnasónhas ne Mahís shakotharáhni nonkweʼshón꞉a ne Israerʼró꞉nonhke nó꞉nen ionwenhtsiathèn꞉ke shehónhnes né꞉ne tsitkarahkwí꞉nekens nokwá꞉ti ne Jordan kaniatarahtátie. Ahonráhkwakon ne Jordan ákta ne Suph rónhneskwe, tsi naʼtetiátere ne tsi kanátaien ne Paran né꞉ne skáti nó꞉kwah ne tsi kanátaien ne Tophel, Laban, Hazeroth, tánon ne Dizahab né nakʼtenókwah. (

Deuteronomy 34:8

Nonhkweshón꞉as NʼIsraerʼró꞉nonske wahonwatsiónhnionhs né꞉ne áhsen niwáhsen niwenhniserá꞉ke nikarì꞉wes ne tsi iohontsakwénhrare ne Moab.

1 Samuel 31:13

Ehʼthóhʼne iahatíhawe ne raotistienshón꞉ʼahs tánon wakonwatiʼiatáhta karontókon ne Tamarisk thóh nón꞉we Jabesh, tánon wahonentóntsete tsá꞉ta nón꞉ta nikaríwes.