Genesis 49:9 - Ohiatonhseratokénti

⁹ Judah tho nihshiaʼtó꞉ten tsi ní꞉ioht ne kèn꞉riks nithoión꞉ha; Shakoriohátie ne raʼorió꞉ta tánon raohshón꞉wakon nienhènhsre, Waʼthanòn꞉saien, ratiaʼtakwarihshiónkwas tsi ní꞉ioht ne kèn꞉riks, Tsi ní꞉ioht ne oʼnhéhtien kèn꞉riks—iáh ónhka thá꞉wehre ne takonwaʼnikonhrhá꞉ren.

Genesis 49:9 ပူးပေါင်းရင်းမြစ်များ

2 Chronicles 9:18

Iáh-iak nihioterenhthéntseronte tsi nieʼiawénon ne tsi tewanitskwahrahtseró꞉te, tánon tehionrahsitaráhkwah thóh iorahnenhtákon, owistanóron karohrókʼton. Tehionnenhtsaráhkwah iohiénhton ne skatísonh nanitskwáhra, tánon kénreks kaiatonhniserónhni né í꞉rahte ne sewanitskwahratserátis.

Ezekiel 19:5

Onhteráhrate tsi nióre ne akwékon nahrahrátʼtsera ónhton. Ethòne ó꞉ia ne roiénha sahawehhiáron, tánon tsi wahatehiáron kwáh í꞉ken tsi wahasehró꞉henʼne.

Hosea 5:14

Asè꞉ken thóh nentiatoténhake tsi ní꞉ioht ne kénreks tsi nokwáh ne Ephraim, tánon kwáh né꞉ne kenhnitohiónha kénreks tsi nokwáh nonkweshón꞉as ne Judah. Iathenwatsátiste tsi enkhehiaʼtaratiónko tánon ethò꞉ne é꞉ren enskéte; kwáh ienkhehiaʼthénhawe, tánon iáh tahonsaieniá꞉kenhne.

Hosea 5:4

Tsi nihatiweienó꞉tens iáh tehotihianerenhserá꞉ien niahonsahónhne raohénton ne raotiní꞉io. Asè꞉ken naonikónhra ne kanakwaieshátshera rononhà꞉ke ká꞉ien, tánon iáh tehonwaienté꞉ri ne Roiá꞉ner.

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Numbers 23:24

Tsi ratiʼtiókwahien Israerʼronónke thóh ní꞉ioht tsi shí꞉ken ní꞉ioht ne roʼshatstenserowánen kénreks: Iáh thaʼhatoríhsen tsit enharatsiónhko tánon enshakowèntho, tsi nióre enhanekíra ne rahotinekwénhsa ne ronhwatinonhwariákhon.”

Numbers 24:9

Ne rahotiʼtiókwah kwáh né꞉ne rashátste kénreks; Né nónen rótas, iáh ónhka tháʼienre nahonwáiete. Ónhka akénhake nahonwatiʼhiatatériste Israerʼró꞉nons kwáh kíʼ entionhtatiatatéristhe, Tánon ónhka nenhonwatihiésate enhtionhtatiésate kíʼ.”

1 Corinthians 15:24

Ehʼthóhʼne ne tsi iehiotótʼthe énwahwe; Kerístos tsienshakowenhní꞉ioke ratikwékon ne kariwiʼiostóntshera ronsárine, ratikoráhsons, ó꞉ni kashatsʼténseras, tánon entʼtháwenh ne kanahkeráhshera ne Rawenni꞉io ne Kanísera.

Deuteronomy 33:20

Tsi nokwáh tsi ratiʼtá꞉raiens ne Gad wahèn꞉ron: “Tehonwanonhwerá꞉ton ne Rawenni꞉io, tsi raónha wahakowanáhthe ne rahotinakeráhsera. Ne Gad thóh ní꞉ioht tsi tehionénraien tsi ní꞉ioht ne kénreks Nashakonenʼtsióskare tó꞉ka óni ashakononhonrahráko.

Revelation 5:5

Ethò꞉ne saiá꞉ta ne rarehtsá꞉rons wahakénhase, “Tó꞉sa teshaséntʼto. Satkáto, ítsken ne raothitárah ne kén꞉reks né꞉tho nón꞉we Judah, ne naotéra ne Táwit, ne roʼtesénhnion, káti ne enhakwé꞉ni tahaiatonhseraʼkhási tánon ne tsá꞉ta ní꞉kon kanakentó꞉ron.”