Genesis 49:8 - Ohiatonhseratokénti

⁸ “Judah, ne sewatateʼkoʼokón꞉ʼa teniesanonhwerá꞉ton. Entehsheniarotáhrhoke ne iesáhswenhs. Ne iaʼníha raonekenhteronʼtsheraʼshón꞉ʼa sahén꞉ton tenhontshá꞉ke.

Genesis 49:8 ပူးပေါင်းရင်းမြစ်များ

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 29:35

Sók kíʼ á꞉reʼ shé꞉kon tsowiraientá꞉sere tánon roskenʼrakéhte sahonákeratste, tánon waʼkén꞉ron, “Nón꞉wa Roiá꞉ner tenhinonhwerá꞉ton”; sók kiʼ Judah wahoná꞉tonhkwe. Eʼthó꞉ne katíʼ iáh ó꞉nen ó꞉ia tetsowiraientá꞉ʼon.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 46:12

Ne Judah raonekenhteronʼtsheraʼshón꞉ʼahs: ne ne Er, Onan, Shelah, Perez, tánon ne Zerah (ók ne Er, tánon ne Onan tsi watonhontsá꞉ien ne Canaan nón꞉we nihonenhé꞉ion); tánon ne raonekenhteronʼtsheraʼshón꞉ʼahs ne Perez ne ne Hezron tánon ne Hamul.

2 Samuel 22:41

Í꞉se washeiónhnien ne iónstshons naionhkatswaténien, tsi nihiá꞉kon ne iónsshonkwe, wakheiá꞉tonhte.

2 Samuel 24:9

Ne Joab wahoronhkáten ne ronnontí꞉io tsi nihiá꞉kon wahonwatisenhnarónhnion: ne Israerʼronónke shatékon tewenhniáwe tehonhnenhniaʼwehetsheráhsen nihá꞉ti ronterí꞉ios ne ne roʼtikwénion ne tahonsárakwe, tánon ne Judah nón꞉we wísk tewenhniáwe tehonnenhniawehetsheráhsen.

2 Samuel 5:3

Káti ratikwé꞉kon ne thoʼtíions NÍsraerʼronónke tahón꞉ne raohén꞉ton ne ronnontí꞉io ne Hebron nón꞉we; tánon ne Ronnontí꞉io wahrón꞉ni ne kaianerénhsera skátne ne ronónhsa thóh nón꞉we ne Hebron raohén꞉ton ne Roiá꞉ner, tánon wahonwaiataráko Táwit nahonontí꞉ioke kanakeraserakwé꞉kon Israerʼronónke.

1 Chronicles 28:4

Né Roiá꞉ner sakoNí꞉io Nisraeʼró꞉nonhke, wahatiataráhko tánon tsi nienhkatwatsírihne nahiakwatʼró꞉raste Nisraeʼró꞉nonhke tsi nénhwe. Né washakoiataráhko ne Judahró꞉nons nahontahóntkaʼwe nashakotihéntenhse, tánon thóh nón꞉we ne Judahró꞉nonhke waʼsakoiataráhko ne rakeníha rahowátsire. Thóh ne rathiwatsirahkwé꞉kon kwáh rahotsionhniatsherákon tsi iahatsaténhaʼwe tánon wahakenontí꞉ioste tsi niwatenáskwah Nisraeʼró꞉nonke.

1 Chronicles 5:2

Né꞉ne raotiʼtsiókwahkon ne Judahró꞉nons, ethohʼsáne, né iahónton ne kwáh kaianerenhserashátsʼte tánon wahonwaiataráko ne rakóra ne kanenhrakwé꞉kon raotirihwáke ne raotiʼtsiókwahs.)

2 Chronicles 14:8

Né Ronnontí꞉io Asa 300,000 nihá꞉tikwe rahonkwetaiénthakwe ne ronhterí꞉iokwe né꞉ne Judahró꞉nons nahatiʼiatótens, né ratihawánions ne tehioniatasthákwah ó꞉ni ashí꞉kwahras, tánon 280,000 nihá꞉tikwe né꞉ne Benjaminró꞉nons nihatihiatótens, né nonʼné꞉e ratihawánions ne tehioniatasthákwa ó꞉ni nahénhnas. Kwáh ratikwékon tsi rotinikonhratʼtsanítonhne, kwáh í꞉ken tsi kaweiensténhni.

2 Chronicles 15:9

Iakotsiokowánen Asa tahonwarihwáwahse né Ephraim nitsakawénon, tánon ne Manasseh, ó꞉ni ne Simeonró꞉nons, tánon ne raonakeraserákon ratinákere, tsioríhwa tsi wahontkátho ne Roiá꞉ner tsi nikwékonh. Ne Asa ratikwékon wasakohiatarohró꞉ke ó꞉ni ne Judahró꞉nons tánon ne Benjaminró꞉nons.

2 Chronicles 17:2

Thóh nón꞉we nashakóteron ne ronhterí꞉ios tsi naʼtekanathanátʼtons ne tsi kanatowánens ne Judah, né꞉ne Judean kahé꞉thake nón꞉we, tánon ne tsi kanatowánens tsi nikáien ne Asa roienáhon ne tsi kanakeraseráien ne Ephraim.

2 Chronicles 30:11

Shé꞉kon kí ó꞉ni, thóh ká꞉rah nihá꞉tikwe tsi ratitiókwahiens ne Asher, Manasseh, tánon ne Zebulun ronnhérahkwe ne Jerusalem nahontahónhne.

Psalms 76:1

Né Judah nón꞉we ronhwaʼientérih ne Rawenni꞉io, tánon tsi nihasenhnowánen ne Israeronónke.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Ezekiel 21:29

Ne iotasahtharónhnion satʼkáthos iáh toskeʼtèken, tánon ne iekariwáhken sonhniánions oʼnhówenh í꞉ken. Shonkwetaheksʼsénhskwa tánon senhtátsen, tánon ne senhnísehra táhwe, né nenhnísehra ne nohnahkènhkha ne karewahthá꞉tshera. Nasarekówah sehwaniárahke entewáhsenhne.

Numbers 10:14

tánon tsi nihiorihwáke ne tenhontekháhaʼkwe kwáh kíʼ ne sáka tsi ní꞉ioht tsi rónhne. Tsi niháti ne tsi waʼniataróhare nonhnihatíteron né wahatihénte né꞉ne rahotitiókwah ne Judah tahontiérenhte wahaʼtihiákenhne, skenhtiokwáhtshons kenhá꞉tie, né꞉ne Nahshon né roʼní꞉ha né꞉ne Amminadab né ohénton hièrate.

Numbers 26:22

Kí꞉ken kentáras 76,500 nihátikwe ronhnónhkwe.

Deuteronomy 33:7

Tsi nokwáh tsi ratiʼtá꞉raien ne Judah wahèn꞉ron: “Saiá꞉ner, satahónsatat tsi natehonsèn꞉thos nahonwatihiaʼthakéhna; Iathonshaséiest shé꞉kon nó꞉hia kentaraʼshón꞉as. Sehiaterí꞉ios, Saiá꞉ner, Tánon taséhne tsi nokwáh ne tehontà꞉tsons.”

Hebrews 10:13

Étho nónwe thóh ráh꞉re tsi nió꞉re ne Rawenni꞉io teionrahsitaráhkwah enshahkahón꞉ni ne ronwáhshons.

Hebrews 7:14

Kwáh íken tsi kaienteréʼon thóh nónwe nihonakeráton ne rahotiʼtiókwahkon ne Judah; tánon ne Mahís iáh teshakotaráhkwen kí꞉ken kentiókwah shasakothárakwe ne ratiʼtsihénstatsis.

Joshua 10:24

tánon tsítres ne Joshua niahonwatihiaʼténhawe. Joshua ethò꞉ne ratikwé꞉kon ne ronhnónhkwe ne Israerʼró꞉nonke iashakó꞉nonhke tánon washakò꞉nahne ne ronaterihóntons ne raónha teshakohiaʼténha nahonthahón꞉ne tánon rathiniaráhkes ne ronhtinonhtí꞉ios tehonrashì꞉tharen. Thóh ki nahatí꞉iere.

Joshua 15:20

Ne kí꞉ken ne iohontsá꞉iens né꞉tho kahwá꞉tsires ne rahothitióhkwas ne Judah rotiienà꞉seron nahontiaʼthakwehní꞉ioste.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 5:5

Ethò꞉ne saiá꞉ta ne rarehtsá꞉rons wahakénhase, “Tó꞉sa teshaséntʼto. Satkáto, ítsken ne raothitárah ne kén꞉reks né꞉tho nón꞉we Judah, ne naotéra ne Táwit, ne roʼtesénhnion, káti ne enhakwé꞉ni tahaiatonhseraʼkhási tánon ne tsá꞉ta ní꞉kon kanakentó꞉ron.”

Judges 20:18

NʼIsraerʼró꞉nons tsi tsonhterenhnaienthákwah niahónhne né꞉ne Bethel nónhwe, tánon thóh nónhwe nahonwariwanónhtonse ne Rawenni꞉io, “Onhnaʼkentsiokóten enthontsérenhte niahonwanatsathónhti ne Benjaminró꞉nons?” Ne Roiá꞉ner watharihwasehráko, “Né꞉ne Judah rahothitsiókwah.”