Genesis 49:6 - Ohiatonhseratokénti

⁶ Aiá꞉wens tóhsa nonwén꞉ton akheiatiaʼtáhrhahse; Iáh ó꞉ni thakheiatiaʼtáhrhahse ne tsi rontkennisaʼáhtha— Aseʼkénh raotinaʼkwahtsherá꞉kon tsi shakonaʼwénthohs nonkwehshón꞉ʼa, tánon atswaʼtahtsherá꞉kon tsi tenhatitsinonhiáhtiaʼke nohná꞉ken ratihsinà꞉keʼs ne tehotiná꞉kareʼs tiohnhónskwaronʼs ratí꞉tsiʼn ne nahatiiaʼtakénheie.

Genesis 49:6 ပူးပေါင်းရင်းမြစ်များ

Genesis 34:30

Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

2 Samuel 8:4

Ne Táwit washakoienenháton énska tewenhniawehetsheráhsen tánon tsá꞉ta tehonhnienhniáwe nihá꞉ti ne rotisátens, tánon tewáhsen tehonhnienhniawehetsheráhsen niháti ne thakésons tsi ronterí꞉ios. Ne Táwit waharehniá꞉nion ne raotiʼtsinonhiátons ne ratiʼtsirahokwáhkes ratiʼkwékon ne kosátens ronwatiʼiatanihiónt꞉tha notsiónkwas, ók washakáwenhre iatekaiéri tsi nihá꞉ti nénska tewenhniáwe nikaseréhtakes notsiónkwas.

1 Chronicles 18:4

Né Táwit énska tewenniawehretsheráhsen nikaseréthakes wahaiéna ne rahotíseres otsónkwahs, tsáta tewenniawehetserásen nihá꞉ti ne rotisátens tsi ronhterí꞉ios, tánon tewá꞉senh tewenniawehetsherásen nihá꞉ti ne takhéson niehonnétha tsi ronhterí꞉ios. Iatekaiéri tsi nihá꞉ti ne koshá꞉tens washakotiénawasʼte né enskatewenhniá꞉we nikasheráthakes otsónkwahs ahonwatiʼiatanihiónhten tánon onerhóʼkwah washakahónhni ne ronátiakes.

Psalms 1:1

Iakotáskat tsi nihiákon iáh né tehiésehre tsi nishakonatenikonráhwis ne ronhnonkwetahétkens, khés né꞉ne ahiontʼthaítha né rotirihwáneren raonaháha, khés ó꞉ni nahonwanahtiatárahse tsi nihiákon ne kaierónhsera ronhiónhnis ne Rawenni꞉io.

Psalms 103:1

Kwáh thenhinonhweráton ne Roiá꞉ner, Ó akwahtón꞉nhets! Tánon kwáh akwatonnhetsheraʼkwékon, tsi thenkatenonhweráton ne raosenhnatokénti!

Psalms 139:19

Ó né nasehnonhwarhiákon ne ionhwetahétkens, Ó Sewenní꞉io, tánon nètho ratinekwenhsanónhwe éhren ahónhnete ne tsatákʼta—

Psalms 16:9

Káti nakweriáne iotsenhnónhni, kwáh tiatakwékon tsi iotonhnáhere. Tánon ne tierón꞉ke kwáh skénen kówak thíken.

Psalms 26:9

Tó꞉sa skát꞉ne tsi takónhef ne rotirihwáʼnerens, khés ne tsi kónnhe skát꞉ne ne ratinekwenhsanón꞉waks,

Psalms 28:3

Tó꞉sa iataʼtiatíser skát꞉ne ne ronhnonkwetahét꞉kens, né꞉ne tsi niháti roʼtihiótenhs ne kariwák꞉sen, né꞉ne roʼnón꞉ha skénnon tsi sakothiʼtharáni ne tehonhnonsanekʼkhánions, ók kaʼrihwaʼhetkénhsera í꞉wa ne raonerhiáne.

Psalms 30:12

Né ká꞉ti nakatónnhets nahón꞉ton taisanonweráton tánon iáh thatahonthóthate. Ó Saiá꞉ner akeNí꞉io, kwáh thenkonnonweratónhsehke tsi nénhwe enkénhake.

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 42:5

Tsi nió꞉re tsi waʼkenikonráksens, Ó akwahtón꞉nhets, tsi nió꞉re tsi tewaʼkanikónhrare? Kwáh rawenní꞉ioke nón꞉we nénhtsen nakwararát꞉tsera, asèken shé꞉kon kíʼ thenhshiʼnonhweráton, rahón꞉ha natienawaʼséhtsera í꞉ken

Psalms 43:5

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewaʼkenikonhrénhʼen? Kwáh Rawenniʼióke nón꞉we nénhtsen nakwarahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 5:10

Shehiónhnien nahontháwa ne raotinhí꞉tshera Ó Sewení꞉io; sheríhon né꞉ne ahontahotiʼhiáthenhte tsi nihonthenikonhrónh꞉nis ne kariwahét꞉ken; sehiatèkwat tsioríhwa tsi niwéso rotí꞉ien ne karihwahetkénsera; asèken wahesaterahiatákwen.

Psalms 57:8

Satateweienénhtan, akwahtón꞉nhets! Tsatateweienénhtan, Ó karenhsotarókʼkons onowaʼkówa tánon ne iehonrawáts꞉tha! Nohénton nahontawénhtene enkatkétsko.

Psalms 64:2

Táskene tsi nihontenikonrónhnis ne ronhnonkwetaʼhétkens tsi nòkwah í꞉i, tsi nòkwah ne kén tsiokwátʼsenhs ne ronhnonkwetaʼhétkens raotiʼtsiókwahs,

Proverbs 1:11

Tókaʼ shí꞉ken ahonní꞉ron, “Kenh nontá꞉se; tánon tewé꞉sak ónhka aiethinonwarhiakhon! Káton eniethiié꞉na ne iáh oʼthé꞉nen tehotirì꞉waien kwáh nek ne tsi niionʼwé꞉sen!

Proverbs 12:5

Nón꞉kwe iakorihwakwaríhshion ioiánere tsi teniesarihwáhshnieʼse; nónhka iáh tetiakorihwaié꞉ri nek ne aiesaʼnikonhrhá꞉ten.

Jeremiah 15:17

Iáh tewahkatiesáhthon ne tsi nikawistáheks nakóren ahiakwakwekhonhatiésehke, ahionkwahieshón꞉hake tánon ahionkwatenikonhróh꞉rike. Tsi wakatewénhnarahkwe tsi niskhenáhon akonhatsíwak tsi wahkatahtíteron tánon wahkatenahkwawenhráhti.

Jeremiah 4:19

Ne karonhiakénsehra! Iáh tatkwéni nakathakátsthate ne karonhiakénsehra! Nakwéri! Nakwéri kwáh iosthóre tsi ní꞉ioht tsi tehiahonrhiákwa! Iáh tatkwéni ne thatakahtó꞉thaʼte; Wakátʼthonte ne iehonrahwátstha tánon tsi nihioronkwénhsthare ne wahtherí꞉io.

Luke 12:19

Nok entkenhase nakatonnhests: Akatonnhests, onen ȣahi eso ioserake tsinikon satateroroki; Satorissen kati onen, tesastskaon, snekira, satekkonni tanonnonȣa onen.

2 Corinthians 6:14

É꞉ren ísewet tsi nón꞉we nihón꞉nes ne iáh tethonehtáhkwen tsi nihaweiennò꞉ten ne Rawenni꞉io! Enwá꞉ton kenʼ ne tiakonkweʼtaié꞉ri skátne ahonné꞉sheke ne ronnonkweʼtáksens? Né꞉ʼe kenʼ shá꞉ka ne teioswáthe tánon tetióʼkaras?

Deuteronomy 27:24

“‘Rawenni꞉io shakorewátha nónhka nataséhtonhke ahiontathásete.’ “Tánon onkweʼtakwé꞉kon teieriwaʼserá꞉ko, ‘É꞉tho niʼiá:wen!’

Joshua 11:9

Ne Joshua thóh nashakoié꞉raʼse tsi ki nihotró꞉ri ne Roiá꞉ner: washakokarewathánion ne raotitshenenhó꞉kons koshá꞉tens tánon wahontsáhathe ne rahotisereʼshón꞉as otsónhkwas.

Judges 5:21

Né wahenhnó꞉ton ne Kishon nónhwe né iahakohiaténhawe— né tsi nihionekashástsʼte ne Kishon kaniatarátatse. Ónenk tsi enkenenhrasehrónhni, enkenenhrasehrónhni, kashastsʼtensehrákon!