Genesis 49:3 - Ohiatonhseratokénti

³ “Reuben, í꞉se tisatierénhton sanakerá꞉ton, nakeʼshatsténhsera tánon ne tiohén꞉ton wakewiraientá꞉ʼon tsi rón꞉kwe naʼtiaʼtó꞉ten, satohetstén꞉ni ne tiotshèn꞉nateʼs ó꞉ni ne kaʼshatsténhsera.

Genesis 49:3 ပူးပေါင်းရင်းမြစ်များ

Genesis 29:32

Leah iowiraientá꞉sere tánon roskenʼrakéhte ne wahonákeratste, tánon Reuben wahoná꞉tonhkwe, “Aseʼkénh,” wakén꞉ron, “Tiorí꞉wa ne Roiá꞉ner rotkáhton nakeʼnikonhranonhwáktshera; orihwiioʼón꞉we tsi ó꞉nen ne teiakení꞉teron enhakenó꞉ronhkwe.”

Genesis 35:22

Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho. Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien.

Genesis 35:23

Ne kí꞉ken ne Leah akoioʼokón꞉ʼahs Reuben (ne ne thakowá꞉nen ne ne Jacob roièn꞉ʼa), Simeon, Levi, Judah, Issachar, tánon ne Zebulun.

Genesis 46:8

Ne kiʼ tsi nihotihsennoʼtén꞉shonʼs ne Israerʼró꞉nons, ne ne Jacob tánon ne shakoioʼokón꞉ʼahs, ne Egypt niehoné꞉non, ne ne Reuben, ne ne kwáh thokstén꞉ha ne Jacob roién꞉ʼa,

Genesis 48:18

Ne Só꞉se wahawènhahse ne roʼníha, “Iáh tho té꞉ioht, rákeni! Aseʼkénh ne kí꞉ken thotierénhton rawennakerá꞉ton, tetshanihsnonhsá꞉ren ne sehseweientehtáhkwen.”

1 Chronicles 2:1

Né Jacob tékeni iawénhre nihá꞉tiʼkwe ronekenteronhtsheraiéntaʼkwe: né꞉ne Reuben, Simeon, Levi, Judah, Issachar, Zebulun,

1 Chronicles 5:1

Né kí꞉ken tsi nihawatsiraʼtátse ne Reuben, né꞉ne takowánen í꞉ken ne Jacob raonekenteronhtseraʼsónhas. (Tsioríhwa tsi né skát꞉ke ronaratonhne né roʼníha raonhátshera, wahóti kíʼ tsi nihoianerenhseraʼiéntaʼkwe nenhtewatsérenhte enrenhnákeraʼte ne roskenrakéte, tánon kíʼ nètho nikarióten Só꞉se tetonhwáhwi.

1 Chronicles 5:3

Né Reuben, né toksténhaʼkwe tsi nihátiʼkwe ne Jacob sakoiohokónhas, kaiéri nionekenteronhtseraiéntaʼkwe: né꞉ne Hanoch, Pallu, Hezron, tánon ne Carmi.

Psalms 105:36

Ratikwé꞉kon wasakótonte ne thonatierénhton ronanakeráton rotiskenrakéte ne tsi iohontsáte, kwáh ratiwaʼtsirakwé꞉kon ne Egypt tsi thóh nashakoiéraʼse.

Psalms 78:51

Ratikwékon waʼsakononhwarhiakónhnion ne tonatserénhton ronanakeráton ne rotiskenrákete ne tsi ratiwaʼtsiráiens ne Egypt nón꞉we, tánon tsi niehotwatsiríhnon ne Ham.

Numbers 1:20

Ne ronhnónhkwe né tewásenh naʼtehonosehrihiákons tánon ne ronatawenhraton tsi nikáien nahónton nahontsoʼtharónhni wahonwatiʼsenhnaʼrónhnion né tsi nihotisenhnótens tahioianénhawe tsi nihothitarótens ó꞉ni tsi nihatiwatsiró꞉tens, né tahontiérenhte tsi rathiʼtáraien ne Reuben, né꞉ne Jacob kwáh tokʼsténha roiénha. Ne tsokwéktons tsi nihotiʼtiókwahkes ken kahiatónhnion: Ne Raotitsióhkwas Tsi nihotiʼtsiókwah Reuben 46,500 Simeon 59,300 Gad 45,650 Judah 74,600 Issachar 54,400 Zebulun 57,400 Ephraim 40,500 Manasseh 32,200 Benjamin 35,400 Dan 62,700 Asher 41,500 Naphtali 53,400 Tsiokwékton: 603,550

Numbers 26:5

Ne tsi ratiʼtiokwáhien ne Reuben (Reuben ne toksténhakwe ne Jacob roiénha): né tsi ratiʼtáraien ne Hanoch, Pallu,

Deuteronomy 21:17

Ó꞉nenk tsi tenhaià꞉seren tsi nentháwen ne rahoientà꞉tshera ne thotierénton rawenhnakerá꞉ton roiénha, iawerohátien tsi iáh ne tehonwaiénha ne shakonónhwes ró꞉ne. Ne rónhkwe ó꞉nenk tsi enhorihwaní꞉ratse ne thakowá꞉nen roiénha tánon tháwen tsi nihioterihwí꞉son nahaié꞉na.

Deuteronomy 27:13

Tánon ne ratiʼtaraiéntons tsi tionónhte ne Ebal ienhón꞉ne tsi nió꞉re ne karewatà꞉tshera ienkarihowaná꞉tonhke: Reuben, Gad, Asher, Zebulun, Dan, tánon ne Naphtali.

Deuteronomy 33:6

Ne Mahís tsi washakotháhraʼse ne tsi ratiʼtá꞉raien ne Reuben: “Aiá꞉wens ne Reuben tó꞉sa nonhwénton ahonhnitiohkwátonse, Iawerohátien nahonkweʼtashón꞉a tsi kenhnihatí꞉ha.”

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion: