Genesis 49:25 - Ohiatonhseratokénti

²⁵ Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

Genesis 49:25 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 27:28

Aiá꞉wens ne Rawenni꞉io aontá꞉ion tsi niioʼhaweiastha karonhiá꞉ke naontá꞉we, tánon naoreʼsènhtsheraʼs ne tsi ionhwenhtsá꞉te, tánon aiaweʼtowanénhake ne onátsa tánon ne otsí꞉tsa.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 28:21

né káti né skén꞉nonʼk tshiaonsá꞉kewe tsi thonónhsote ne rakeʼníha, eʼthó꞉ne kíʼ né Roiá꞉ner kwáh ráonha nakení꞉io enkénhake.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 32:9

Eʼthó꞉ne ne Jacob wahaterén꞉naien, “O Tshewenni꞉io ne rakeʼníha Abraham tánon Tshewenní꞉io ne rakeʼníha Isaac, O Saiá꞉ner í꞉se takhró꞉ri, ‘Tho nón꞉we niaonsá꞉ke tsi nón꞉we tewakenakerahserá꞉ien tánon tsi tekwatsí꞉raien, tánon kwáh ioiánere tsi nenkoniatié꞉raʼse.’

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 35:3

eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

Genesis 43:23

Waʼtharihwaʼserá꞉ko, “Skén꞉non sewakwekónhak, tóhsa sewáhteronʼn; ne Sewaní꞉io tánon ne ehtshisewaʼníha Raoní꞉io kwáh shóten nohwístaʼs ne sewaiá꞉rakonʼs ne sewarihwá꞉ke; watiená꞉ʼon ne sewakariá꞉kon.” Eʼthó꞉ne Simeon tahoiaʼténhawe tsi nón꞉we nihón꞉neʼs.

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 85:12

Né Roiá꞉ner kwáh nenhné꞉e ne entʼtháhawe nahó꞉ten ne kaiatateríhtshera í꞉ken, tánon nontsionhóntsa kwáh nenhné꞉e enhiokwáts꞉thonke tsi enkaientʼwákwen.

Exodus 18:4

Rawènhʼne ó꞉ni, “Ne Raoní꞉io ne rakeníha wahaʼtiénawaʼse ó꞉ni wahaʼtiaʼtanónsthate tsi iáh tehakenonwarhiákon ne Egypt ronhnonhtí꞉io”; káti ne saiáta roiénha ne nenʼné꞉e wahonáhtonkwe Eliezer. Ne Hebrew ne nènʼneʼe kéntons “Rawenni꞉io ratiénawaʼse.”)

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Deuteronomy 33:1

Ne kí꞉ken ne kaiataterí꞉tsheras ne Mahís, ne Rawenni꞉io rahonkwè꞉ta, wasakorihowanáten nonhkweshón꞉as ne Israerʼró꞉nonhke nohénton sharenhéie.

Deuteronomy 8:17

Ethóh káti, kwáh tó꞉sa nonhwénton né꞉ne ahisewanonhtón꞉nionʼwe ne í꞉se kók sewashatsténhsera ó꞉ni tsi wesewahiò꞉ten tsi wesehwakwaʼtshéne.

Philippians 4:19

Nakatherénnaient neh Rawenni꞉io ahontháhion akwékon tsi natesathonwentió꞉ni neh akenikwékon ne kahiatanerakwátshera ne Kerístos Ié꞉sos tatʼkáwas.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.