Genesis 49:24 - Ohiatonhseratokénti

²⁴ Nek kiʼk shá꞉ka ne raoʼén꞉na iáh kiʼ thateiowèn꞉tonʼs, Tánon ronentshahnirá꞉ton, Ne ne rahtsaʼnà꞉ke nitiawé꞉non ne kwáh Thoʼshatstenhserowá꞉nen ne ne Jacob raoní꞉io í꞉ken, ne ne raohsèn꞉na ne shakó꞉nonhne, ne Tehshakóhnhes ne Israerʼró꞉nons.

Genesis 49:24 ပူးပေါင်းရင်းမြစ်များ

Genesis 45:11

Kwáh entkoniatká꞉wen ne kákhwa neh nón꞉we—aseʼkénh shé꞉kon wísk niiohserá꞉ke iotatén꞉ron natonhkariá꞉kon—ne katíʼ ní꞉se tánon ne sahwá꞉tsire, tánon akwé꞉kon tsi naesaièn꞉take, kwáh tóhsa oh thé꞉nen aesanorónhsten.’

Genesis 45:5

Tánon kiʼ tóhsa nón꞉wa sewaʼnikonhráksen, khehs naesewatatená꞉khwaʼse, tiorí꞉wa tsi kén꞉ʼen nón꞉we niskwatenhní꞉non; aseʼkénh Rawenni꞉io ohén꞉ton tahakató꞉ri ní꞉se sewarihwá꞉ke nakenónhstate tsi iakónhnhe.

Genesis 45:7

Rawenni꞉io ohén꞉ton tahakaténniehte ní꞉se sewarihwá꞉ke ne nakwanónhstate niaʼtaesewatá꞉tenre tsi ionhontsá꞉te, tánon nakanonhstátonke ne tsi iakónhnhe ne naón꞉ton iakentiohkowá꞉nen aieʼniá꞉kenʼne.

Genesis 47:12

Tánon ne Só꞉se tahotká꞉wen ne roʼníha, ó꞉ni ne rontateʼkoʼokón꞉ʼa ne kákhwa, tánon ratikwé꞉kon ne roʼníha raonónhskon ratí꞉teron, tekaiaʼtoréhton ó꞉ni tsi naʼtahonatonhontsó꞉nike ne ratiksaʼokón꞉ʼa.

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Genesis 49:23

Ne ronʼennénhawe teionatenonhianíhton tsi niehonwatiaʼtóntieʼs; ronwaienkwiró꞉iaʼks tánon kwáh í꞉ken tsi teiotenonhianíhton ronwatonhnhoʼktahkwèn꞉ni.

Genesis 50:21

Katíʼ tóhsa oh thé꞉nen sewáhteronʼn; Í꞉i tenkwáhshnieʼne ó꞉ni ne ietshiioʼokón꞉ʼa.” Tho katíʼ ní꞉ioht tsi wahshakohrharátsten, kwáh tehowennatsikhé꞉tare tsi shakohthará꞉ni.

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

2 Kings 13:16

tánon ne Elisha wahathateweienénhtaʼne naharónhthaʼte. Né nòn꞉ne sáʼka ne ronnontí꞉io, tánon ne Elisha ronnontí꞉io ratshaná꞉ke iathatsanáren.

Nehemiah 6:9

Aseʼken ratikwé꞉kon wahón꞉khiionhnien nahionkwahterón꞉ne, rontón꞉nionʼs, “Ne rontsá꞉nakes kwáh kíʼ enhiotsiiohá꞉ne tsi nòkwah ne raotiiotensera tánon iáh thóh thá꞉iawenhne.” Ó꞉nenh kíʼseshaststenseron ne katsá꞉nake.

Job Tánon ne Raoronhiakensera 29:20

natiatanerakwáhtshera áh꞉se ís꞉ken nakónhake, tánon nakenhén꞉na sénha áh꞉se ís꞉ken ne katiá꞉nake.’

Psalms 118:22

Nonénhia ne ratinonsónhnis rotikenronhníhon né kanenhiakwení꞉io iahónton ne tsi tekahiósaien.

Psalms 132:1

O Saiá꞉ner, tó꞉sa tsiatanikónhren ne Táwit ó꞉ni norihwaʼkwékon tsi nihoronhiaʼkénhon tsi nihotakáts꞉taton.

Psalms 132:2

O tsi niʼiorihwaʼníron rorihwanirá꞉ton rahonháke ne Roiá꞉ner tánon rorahratsʼthénhni, ne Roshaststenhserowánen ne Raoní꞉io Jacob:

Psalms 132:5

tsi nió꞉re ienhinakʼtatsiénhriaʼse ne Roiá꞉ner, tsi nón꞉we nenhenhterónhtake ne Raoní꞉io Jacob.”

Psalms 18:1

Konhnorónhkwa, Ó Saiá꞉ner í꞉se nakeshatsténhsera í꞉ken.

Psalms 18:30

Kí꞉ken Ní꞉io—ne raoweién꞉na kwáh tkarihwaiéri; ne raorarát꞉tsera ne Roiá꞉ner kariwanírats tsi iotokenskeʼónwe; rahón꞉a ne iontrenhostákwah í꞉ken ratikwé꞉kon ne rahonháke nón꞉we nenhiotaséhtakwe.

Psalms 23:1

Roiá꞉ner sèh raʼkenonhʼnáties; iáh thahóten thatesewakatonhontsió꞉ni

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 28:8

Né Roiá꞉ner rahónha ne kashaststénhsera í꞉ken tsi nòkwah ne rahonkwetaʼshón꞉ha; thó꞉nes tánon roʼnónstats ne roʼhiataráhkwen ronhnontí꞉io.

Psalms 44:7

Ók í꞉se waskwaʼnóns꞉thate tsi nòkwah ne ionkhíshons, tánon waʼtesehianitonniáten tsi niháti ne ionkhíshons.

Psalms 73:23

Ók kíʼ shé꞉kon tsatákʼta í꞉kes, tánon takenentʼtsawáʼkon.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 89:1

Kwáh thenkeríhwaʼkwe né tsi niwatróris tsi ní꞉ioht tsi tiókonte sehnorón꞉kwah ne shonkwetaʼshónhas; sénha kíʼ isiʼnónhwe níken; Kwáh tsi nénhwe enkatroríheʼke tsi nisarihwaʼtó꞉ken tsi nòkwah ne shonkwetaʼshónhas.

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Isaiah 1:24

Né Ká꞉ti aoríhwa rá꞉ton ne roʼshatstenhserowánen ne Sakoiá꞉ner ne ratiʼronhiakeró꞉nons, ne rahonhaha tashatstekówa ne Israerʼronónke: Ók, kwáh kí entkáweron nakenakwáhtshera rononháke ne ióntsions, tánon kwáh Í꞉i enkheronʼhiákente ne iónkʼshons!

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Isaiah 29:24

Tánon tsi niʼiákon ne tenhionterientawénhrie ne tsi iakónnhe kwáh kí ienhotiʼnikonraiéntaʼne, tánon tsi niʼiákon ne iakorihwakaténhen kwáh kí enhieiéna ne karihonhnienhnítshera.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 49:26

Kwáh I꞉i enkhehiónhnien ne teieshonnaríkʼkhons né꞉ne ahónhneke né kwáh roʼnónha raotiwá꞉ronhne, tánon kwáh kí né enhotiʼnonwaráthonʼte ne roʼnónha raoʼtinekwénhsa tsi shí꞉ken ní꞉ioht nonenhará꞉keri. Eʼthó꞉ne onhkweʼtakwékon enhiakotó꞉kenhse tsi I꞉i ne Watiá꞉ner í꞉ken né꞉ne shiaʼiatákwen, tánon né꞉ne shiaʼiathotaríshions, né꞉ne Roshatsʼtenhserowaʼnenhkówa né Énska í꞉ken ne Jacob.

Isaiah 60:16

Ní꞉se kwáh ensehnonkèra ne raotiʼnón꞉ta ne rononhontsaʼkeró꞉nons, kwáh ensehnonkèra ne ronhnenskwená꞉kes ne ronhtiʼnontí꞉ios; tánon kwáh ensateriéntaraʼne tsi Í꞉i, ne Watiá꞉ner, Í꞉i skonhniaʼkénton tánon skonhiatákwen, né꞉ne Iatetiá꞉ti khók Wakeshatstenhserowáne tsi nó꞉kwah ne Jacob.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Zechariah 3:9

Rahohénton ne Joshua skanénhia éntien né꞉ne tsá꞉ta nateiohiosohkéronte. É꞉tho entierón꞉nitste enkʼkhiáton, tánon tókok sewenhní꞉sera ahé꞉ren entkhá꞉withe ne karihwáneren ne kén꞉en iowenhtsá꞉te.

Matthew 21:42

Tontahenron ne Iesos, iah ken nonȣenton teseȣaȣennanote ne Kaiatonseratokenti; tsi ȣaton: neneh rotineniasȣenhon ne tehatiststenrotha neh ȣakanenhiakȣeniione tsi tekaiosaien: neh kehiken nʼakȣa Roianer eh nihokȣatakȣen, oni ok tiionerakȣat tsi teȣatkattos?

St. Mark 12:10

Iah oni kenh naha nonȣenton teseȣaȣennanote nʼOiatonseratokenti tsinikaiaton, ȣaton: Neh sakanenhiakȣeniione tsi tekaiosaien ne rotinenhiasȣenhon ne ratinonsonni?

Luke 20:17

Ȣasakotkathoseron, nok ȣahenron: nahoten kati nehne kenton tsini kaiaton: Neh ne rotineniasȣenhon ne ratinonsonni, neh ȣakanenhiakȣeniione tsi tekaiosaien?

Acts 4:11

Ié꞉sos rahónwa noriwatokénti rohtarákwen, ‘Nonénhia ne ratinonsónhnis rotikenronhníhon né kanenhiakwení꞉io iahónton ne tsi tekahiósaien.’

Romans 14:4

Iáh tesateriwaiénʼni ne taseiatórete nakorénson rahothinhátsera? Neh꞉ne ronwáhnhas iatenhotiriwaiéntase tóhkaʼ ken iatenhonnótʼten tóhkaʼ ó꞉ni enhothiʼriwanóron. Tánon kíʼ ó꞉ni enhonateriwaténtsiaʼse, neh tsi rokwénion ne Roiá꞉ner nasakohahónnien niatahonnhótʼten.

Ephesians 2:20

Í꞉se, ó꞉ni, sewaiátare ne tsi kanónhshote tsi ní꞉ioht tsi teʼthotitsténrote ne ratikweʼkón꞉ne ó꞉ni ne iehatirihwákensʼkwe, ne tsi tekahió꞉saien nonén꞉hia ne wátston né꞉ne kwáh rahonhatsíʼwa Ié꞉sos Kerístos í꞉ken.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 33:27

Ne Rawenni꞉io kwáh tsi tió꞉konhte raónha thiá꞉nes; ne ionheón꞉we ranenhtià꞉kes ne tiahánes. Washakotekwáhthe ne ieshá꞉sons tsi niahí꞉sewe, tánon watsisewahró꞉ri ne ratikwé꞉kon aieʼtsihiatónhthe.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

Joshua 17:18

Ne tsi iononhtaʼrónhnions kananeráhseras í꞉se ensewahiataʼkwení꞉ioke. Iawerohátien tsi kará꞉kon í꞉ken, ensewathonhontsaserón꞉ni tánon ensewatiaʼthakwehní꞉ioste énska tsi nón꞉we entewatáshawen tsi nió꞉re iaʼtenhiókten nó꞉ia. Ók ne Canaanró꞉nons, í꞉se ki nénhʼne enietsihiaʼtí꞉nekenhwe, iawerohátien tsi rotisehretaiéntons ne karístatsis ioniátons ne otsónhkwas tánon kwáh í꞉ken tsi ratiʼshátstes.”

Judges 1:22

Né tsi kentsiókwahiens ne Ephraim ó꞉ni ne Manasseh iahónhne tánon iakonhwatsathónhti ne tsi kanatowanénhke ne Bethel, ehʼshiʼkaháwiskwe né konwáiatsʼkwe ne Luz. Ne Roiá꞉ner washakoiénawaʼse. Ronhteriwató꞉rats iahonhwanaténieʼte ne kanatowanénhke.