Genesis 49:23 - Ohiatonhseratokénti

²³ Ne ronʼennénhawe teionatenonhianíhton tsi niehonwatiaʼtóntieʼs; ronwaienkwiró꞉iaʼks tánon kwáh í꞉ken tsi teiotenonhianíhton ronwatonhnhoʼktahkwèn꞉ni.

Genesis 49:23 ပူးပေါင်းရင်းမြစ်များ

Genesis 37:18

Wahonwá꞉ken shé꞉kon ók í꞉non niió꞉re shontá꞉re, tánon nohén꞉ton niá꞉rawe ne ratiiaʼtákta, wahonteʼnikonhrísa nahonwanonhwariá꞉kon.

Genesis 37:24

iahonwaiaʼténhawe tánon tsi tioshonwaká꞉ronte iahonwaiaʼtón꞉ti. Ne iohontsaká꞉ronte ohshonióhskonʼk thikén꞉ne; iáh tekahné꞉kohkwe.

Genesis 37:28

Nó꞉nen ne Midianró꞉nons rontké꞉rons ronatohetstonhátie, tontahonwaiaʼtaráthenhste ne Só꞉se ne tsi iohontsaká꞉ronte, tánon ne ne Ishmaelró꞉nons wahonwaiaʼtahní꞉non tewáhsen nikahwístake kahwistarà꞉ke wahatikáriaʼke. Tánon Egypt niahonwaiaʼténhawe ne Só꞉se.

Genesis 37:4

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Genesis 42:21

Waʼthontatènhahse, “Átskwiʼ, ionkwakariaʼkonhátie ne ionkwahnhí꞉kon tsi nitshitewaierá꞉se ne tewatateʼkén꞉ʼa; wetewáttoke tsi niió꞉re tsi tehotateʼnikonhrhá꞉rhakwe nó꞉nen wahshonkwaniténhtaʼse, ók iáh kiʼ teionkwatahonhsatá꞉ton. Ne kiʼ aorí꞉wa ó꞉nen waʼtionkwaʼnikonhrhá꞉rhen.”

Genesis 49:22

“Ne Só꞉se kwáh ne ne ákta iorón꞉tote tsi nón꞉we niwathnekí꞉ne; Ne tsi roteʼnhahton꞉tonʼs iotahsontawenhrá꞉ton tsi naʼteiorénion.

Genesis 49:24

Nek kiʼk shá꞉ka ne raoʼén꞉na iáh kiʼ thateiowèn꞉tonʼs, Tánon ronentshahnirá꞉ton, Ne ne rahtsaʼnà꞉ke nitiawé꞉non ne kwáh Thoʼshatstenhserowá꞉nen ne ne Jacob raoní꞉io í꞉ken, ne ne raohsèn꞉na ne shakó꞉nonhne, ne Tehshakóhnhes ne Israerʼró꞉nons.

Psalms 118:13

Ioshástsʼte tsi ní꞉ioht tsi iahóntreʼke óʼnenh thó꞉wa sahionkesénhni, ók kíʼ Roiá꞉ner waʼhatiénawahse.

Psalms 64:3

Né ronhnasáke thóh niiohiotí꞉ie tsi ní꞉ioht nasarekówa, thóh ní꞉ioht tsi thatiwenhnínekens ne kawenhnákʼsenhs tsi ní꞉ioht ne ahionrón꞉thate ne kanonkwahtsherák꞉sen iehióhare ne kaienkwirakénhiate,

John 16:33

Aseken iakenikȣekon ne Rakeniha.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”