Genesis 49:21 - Ohiatonhseratokénti

²¹ “Ne Naphtali ne ne noskenón꞉ton watatewenní꞉io tsik nón꞉we niaʼkatákhe nenwatewí꞉raien kanahskwí꞉ioʼs oskenón꞉ton owí꞉ra.

Genesis 49:21 ပူးပေါင်းရင်းမြစ်များ

Genesis 30:8

Eʼthó꞉ne ne Rachel wakén꞉ron, “Kwáh í꞉ken tsi teiotenonhianíhton tsi ní꞉ioht tsi waʼatiaterí꞉io ne iatiatateʼkén꞉ʼa Leah, nok waʼkatkwé꞉ni”; sók kíʼ Naphtali wahoná꞉tonhkwe ne roièn꞉ʼa.

Genesis 46:24

Ne Naphtali raonekenhteronʼtsheraʼshón꞉ʼahs: ne ne Jahzeel, Guni, Jezer, tánon Shillem

2 Chronicles 10:7

Waʼthatirihwaseráko, “Tasarihwaiéri tsi nòkwah kí꞉ken onhkweʼshón꞉a tánon sateniénhten nahontasenikonraiérihte nahontaséhion ne tekahiatoréton tekarihwaʼsehrákwen, kwáh kíʼ tiókonhte tsi enhotirihwatokénhake tsi eniesahiótenhse.”

Proverbs 5:19

iakonkweʼtí꞉io tánon iakoiaʼtáhskats tsi ní꞉ioht ne ohskenón꞉ton, nó꞉nen iotoriahnerónkwas. Sheríhon nakowén꞉na aonté꞉son atshennónnia; tsheríio ká꞉ti ne taiesahwaʼná꞉ke nakonoronhkhwáhtshera.

Song of Songs 2:7

Kwaniténtahse, O tsisewathonwísens ne Jerusalem, thóh aotisénnakon ne kahentakéhas oskenóntons khéhs ne kontirahkonró꞉nons kontitshénens: tó꞉sa teskeninikonráhren nonkeninoronkwátshera Tsi niʼió꞉re ne kwáh enionkenerientí꞉io!

Jeremiah 14:5

Tánon ne kahentáhke ne oskenón꞉ton osténʼha wahothewénhtehthe nónhwak iotewíhrahien tsioríhwa tsi iáh othènenh tehiotʼthontónni.

Deuteronomy 33:23

Tsi nokwáh ne Naphtali wahèn꞉ron: “Ne Naphtali kwáh í꞉ken tsi iokwáts tsi shakohiaʼthateríston ne Roiá꞉ner, ioiáneres; Ne rahononhóntsas iéwas ne entiè꞉ne né꞉ne Galilee nón꞉we tsiothásawe.”

Judges 4:10

Né Barak iashakónonhke ne tsi ratitsiókwahien ne Zebulun tánon ne Naphtali Kedesh niahónhne, tánon oiéri tewenhniawehetsherásen niháti ronhnónhkwe wahonwásehre. Deborah ó꞉ni wahonteró꞉sen.

Judges 4:6

Énska wenhniseráteʼkwe iahoterihwaniéhthase ne Barak né roiénha ne Abinoam né꞉ne tsi kanatowánenke ne Kedesh né Naphtali nónhwe nihaná꞉kereʼkwe tánon wahawénhase, “Né Roiá꞉ner, ne Sakoní꞉io Nisraerró꞉nonhke, thiá꞉wi kí꞉ken karihwatátʼtshera: ‘Hiasehiaténhaf oiéri tewenhniawehetserásen niháti ne tsi rathitsiókwahien ne Naphtali tánon ne Zebulun tánon hiasehéntens tsi tsionónhte ne Tabor.

Judges 5:18

Ók nonhkweshón꞉as ne Zebulun tánon ne Naphtali thóh nènhne ronhnonʼnáraʼkwe tsi waterí꞉io.