Genesis 49:10 - Ohiatonhseratokénti

¹⁰ Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

Genesis 49:10 ပူးပေါင်းရင်းမြစ်များ

2 Samuel 7:13

Kwáh raón꞉ha enhakenonsónhnien nononsatokentiʼkówa, tánon kwáh oriwí꞉io enkónhni ne raonakerá꞉sera tsi nènhwe enkathá꞉tse.

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

1 Chronicles 12:39

Ásen nón꞉ta skát꞉ke wahónton ne Táwit. Tehonaskáhon rotinekíren né꞉ne rontáʼtenons rotiweienhnentáʼhon né rahotiríhwaʼke.

Psalms 108:8

Né Gilead Í꞉i nenhné꞉e akáwenk; Manasseh ó꞉ni; né Ephraim né nakanón꞉waʼrohre í꞉ken; né Judah né nakénia í꞉ken.

Psalms 60:7

Né Gilead Í꞉i nenhné꞉e akáwenk; Manasseh ó꞉ni; né Ephraim né nakanón꞉waʼrohre í꞉ken; né Judah né nakénia í꞉ken.

Psalms 60:9

Ónhka ienhiontiathénhawe ne tsi tetkanatanát꞉ton ne kanatowaʼkénke? Ónhka ienhionkasárihne ne Edomke?

Psalms 78:68

Ók ne waʼsakohiataráko tsi ratitáraien ne Judah, tánon ne tsi ionónte ne Zion, tsi nikáien ne kwáh ranorónhkwa.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Isaiah 60:1

Téstann, tesaswát꞉tek; asèken né saswathetsheraʼónhwe, tánon ne raoʼiatanerakwáhtshera ne Roiá꞉ner thontʼkétsko shonháke.

Isaiah 62:11

Né Roiá꞉ner teoteriwareniáton né tsi iehiotonhontiotʼtaníhon nió꞉re: Sewènhas nakoiénha Zion, “Satʼkátho, né sahiaʼtakenhátshera taiawenonhátie; né raoʼrihwasehrakwáhsera nikweʼkonhátie né rahónha, tánon né raóʼwenk kakaʼrihátshera raohénton ká꞉ien.”

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 30:21

Ne Shaʼkohéntenʼse raoʼthinenhráhkon nónhwe nénhkʼre, ne shaʼkohenténhse raotiʼtiókwahkon nónhwe nénhkʼre. Enhatiaʼtó꞉renʼne nónenh enhihonkáhron, asèken ónhka ahionteʼniénten nahontáhien ne iáh tehiontatʼthonkaráhwi? Ne náhkwah akonkwetaʼshón꞉a, Í꞉i, ne Watiá꞉ner, wakatáti.”

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Ezekiel 19:11

Nahonenhrahsónhas kashástsʼtekwe tánon tsi onhtehiáron ne iahónton ne ronnonhtí꞉io raónia. Ne watenenharísehres tsi nióre tsi onhtehiáron kwáh ahónton ne iakanihárahne tsi tsiotsikerahrónhnion; onhkwetakwékonh wahontkátho tsi nihioteʼnerahthaʼkáte tánon tsi níhions.

Ezekiel 19:14

Ahonáh꞉tahke ne watenenharísehres wahótehke; nótsire onhtsáhate nahonenhrahsónhas ó꞉ni ne aohikshónhas. Nahonenhrahshónhas iáh nonhwénhton shé꞉kon tahonsakonhtishástsʼtehke, iáh nonhwénhton ronnonhtí꞉io rahónia tsahónhton. Ne kí꞉ken ne karénhna ne kanikonhratsénhtsera; wéso ónenh tethewaknahnéten tsi tekariwáhkwen.

Ezekiel 21:27

Ioriwaiesáhon, ioriwaiesáhon! Hén, ne Enkónhniate ne kanatowáhnen nakariwaié꞉sa. Ók iáh kíʼ kí꞉ken éhtho taiáwenhne tsi nióre énrahwe tsi nikáien rihiataráhkwen naharéwahthe ne kanatowáhnenh. Tsi kwáh rahónʼa entʼthíhion.

Ezekiel 21:32

Kwáh ótsire ensáhthonte. Ensehnékʼkwah ní꞉se sanahkerahsehráhkon, tánon iáh ónhka nonhwénhton tahonsaiesehiárahke.’” Ne Roiá꞉ner wahatáti.

Daniel 9:25

Satenʼnikón꞉raren kí꞉ken tánon saʼnikonhraiéntaʼn tsi nikahá꞉wi naontontáhsawake naonsakahserónnike ne Jerusalem tsi niió꞉re iénrawe tsi niká꞉ien ne Rawenni꞉io roiataráhkwen, tsá꞉ta niiorì꞉wake ne tsá꞉ta niiohserá꞉ke enwatóhetste. Eʼthó꞉ne enskakwatákwen ne Jerusalem tsi tekanatokenhá꞉tons ó꞉ni enhatiʼshátsteke naontahontaténhe, ó꞉ni eʼtho nenióhton né ne tsá꞉ta niiorí꞉wake ne iá꞉iaʼk niwáhsen tékeni niiohserá꞉ke, ók né ne entkáhawe ne taionʼnikonrhá꞉ren.

Hosea 11:12

Ne Ephraim kwáh ne tewakatsathá꞉ton nonó꞉wens, tánon nonkweshón꞉as Nisraeró꞉nonke né꞉ne ratinikonráhtha; ók ne Judah shé꞉kon ki nenhné꞉e Rawenni꞉io skátne tehiatekhahákwa, tánon iorihwató꞉ken rahonhà꞉ke ne Rohiatatokénhti í꞉ken.

Micah 5:1

Ó꞉nen shewanitsiokwahró꞉rok í꞉se ne sewaterí꞉ios; tekanenríhson nahontaionkhiiatsatón꞉ti; kániah wahonwaʼiente ne rarihwéntha Nisraeró꞉nonke ranó꞉kwahke nón꞉we.

Haggai 2:7

tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons.

Zechariah 10:11

Nó꞉nenh thóh nón꞉we nenhontó꞉hetsthe ne kaniatarakeʼkó꞉wa ne tekanihkónhrare, Í꞉i ne Watiá꞉ner, enkenonhwáhrehke ne iononhthakwahronhthónties, tánon tsi nihionótes ne Nile kwáh enwastátʼten. Tsi niwahthatón꞉ni ne Assyria kwáh tenkonhwenhtsó꞉ten, tánon tsi nihioshatstenhserowá꞉nen ne Egypt kwáh enhiothónse nahoshatsténhsera.

Zechariah 2:11

Ne thóh nenhkahá꞉wike iakotiohkowá꞉nen rahonhà꞉ke ne Roiá꞉ner niénhien tánon rahonkwè꞉tah enhiónton. Skátke entewenterontake, tánon ensehwaterienʼtá꞉rahne tsi raónha thakató꞉rion ne tionhá꞉ke.

Numbers 21:18

Ne ionaweró꞉te ronhnonhtí꞉io ronawerónhni Tánon ó꞉ni ne sakotihenténhse nonhkweshón꞉ás, Né hiosonhiónhni ne ronhnonhtí꞉io rahó꞉nia Tánon ne kenikwékon ne rahoténhnits.” Karahkhonkówa thontahonténhti tá꞉non Mattanah niahónhne,

Numbers 24:17

Katkáthos tsi niahawenonhátie, Tánon khékens ne rahotitiókwa ne Israerʼró꞉nons. Ne ronhnonhtíio, kwáh tsi ní꞉ioht ne tehiotsistokwaswát꞉the, tsi entewatkétsko nètho kentiókwahien. Kwáh tsi ní꞉ioht ne katsisthokowánen Israerʼró꞉nonke nénhtewe. Enshakóienhte ne sakotihenténhse ne Moab Tánon enshakononhwenhserário ratikwékon nonhkweshón꞉ʼas ne Seth nónhwe.

Numbers 24:19

Nonhkweshón꞉ʼas NʼIsraerʼronónke kwáh tenhshaʼkonaskwáhseron Tánon ienhatíshaʼhate nonakènhka ne niatehonathaténhron.”

Matthew 1:21

Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Matthew 21:9

Akȣekon ok oni iontonhakȣe: Ronȣasennaien ne David Roienha! ahonȣanenton ne tare raosennakon ne Raȣenniio! ahonȣasennaien Karonhiake.

Matthew 25:32

Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinnhetien tanon ne Kontitsinn.

John 12:32

Nok nii nonen enseȣakateratakȣen ne kentho ionȣentsiate, akȣekon nonkȣe akonhake entekeiatatihentho.

John 18:31

Tontasakaȣenhase ne Pilat: ise ki hetsiseȣaiena nok tetsiseȣaiatoret tsini seȣaianerenseroten. Tontahonniron kati ne Sitaeronon: iah teionkȣateriȣaienni nonka kiok aiakhiionnhiake.

John 19:12

Eh nontahatasaȣen ne Pilat ȣahaskennha nahoniakente; nok ne Sitaeronon tehotihenreta ronton: toka hentseniakente kehiken, iah ki tetsiatenro ne Cesar: aseken onka iontenontiiosta iah ki teiatenro ne Cesar.

John 19:15

Tontahotihenrete: ehren, ehren ehtsiatenhaȣit! testshientannharen! tontahenron ne Pilat: Tenhiientannharen kenh ne kenh ne Etsiseȣanontiio? tontahonniron ne ratitsihenstoȣanens: iah sekon noiah teionkȣanontiiotseraien neok enskat ne Cesar.

John 9:7

Nok ȣahaȣenhase: ȣas, nok ionsasatkonsohare tsi tionaȣerote ne Siloeʼ (nehneh sakah naiahiron teȣatennieton) eh kati niiahare nok ionsahatkonsohare, nok shaken nonen etho satontare.

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Hebrews 7:14

Kwáh íken tsi kaienteréʼon thóh nónwe nihonakeráton ne rahotiʼtiókwahkon ne Judah; tánon ne Mahís iáh teshakotaráhkwen kí꞉ken kentiókwah shasakothárakwe ne ratiʼtsihénstatsis.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”