Genesis 48:16 - Ohiatonhseratokénti

¹⁶ Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

Genesis 48:16 ပူးပေါင်းရင်းမြစ်များ

Genesis 22:11

Thontaiawénhstsi ne Roiá꞉ner raoronhiaʼkeró꞉non karonhià꞉ke nontá꞉we tahonà꞉ton, “Abraham, Abraham!” Waʼtharihwaʼserá꞉ko ne Abraham, “Kén꞉ʼen í꞉keʼs.”

Genesis 22:15

Ne Roiá꞉ner raoronhiaʼkeró꞉non shé꞉kon karonhiá꞉ke naʼtontá꞉we ionsahoná꞉ton ne Abraham ne tekeníhaton ionsónteratste,

Genesis 32:28

Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Genesis 46:3

Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

Genesis 48:5

Eʼthó katiʼ ne tehniiáhse sheioʼokón꞉ʼa, ne shenakerátston tsi ionhontsá꞉ien ne Egypt ne nohén꞉ton tsi tehsí꞉teron ne Egypt shiahá꞉ke, ó꞉nenh kiʼ í꞉ʼi akhwá꞉tsire ronatón꞉ʼon; ne Ephraim tánon ne Manasseh kwáh kiʼ Í꞉i kheioʼokón꞉ʼahs enkénhake, kwáh kiʼ tsi ní꞉ioht ne Reuben tánon ne Simeon.

Genesis 49:22

“Ne Só꞉se kwáh ne ne ákta iorón꞉tote tsi nón꞉we niwathnekí꞉ne; Ne tsi roteʼnhahton꞉tonʼs iotahsontawenhrá꞉ton tsi naʼteiorénion.

2 Samuel 4:9

Ne Táwit watoriwaserákwahse ne Rechab ó꞉ni ne iathatekénha Baanah, ne sakoiohʼokónʼahs ne Rimmon ne ne Beerothró꞉non, “Tsi kíʼ ne Roiá꞉ner tsi nirón꞉nhe, raón꞉ha shononstáhton ne tsi kón꞉nhe kwáh tsi niʼiorihwákes noiót꞉terons,

1 Kings 1:29

Ethòne ónenh waharó꞉ri, “Wakonhiaráratsʼthe tsi nirónnhe ne Roiá꞉ner, tsi nikáien né sakeniakénton tsi nòkwah norihwakwékon tsi naʼtewakenikonhrárahkwe,

2 Chronicles 7:14

tó꞉ka akonhake enhonterénhnaien tánon enshontatréwaʼte tánon tenhshontkaraténi tsi nòkwah ne karihwahetkénseras tsi nihonhtiérahkwe, ethòne kíʼ entekhehiatʼthónteke ne karonhiáke, enhshekhenikónhrenhse ne raotirihwanerahákʼtsheras, tánon né enskónhniaʼte ne raononhóntsa nahonsahkaiáneraste.

Psalms 121:7

Ne Roiá꞉ner kwáh kí enhiaiatanónhstate tsi nòkwah norihwahkwékon karihwahétkens í꞉ken, kwáh kí enhanónsthate ne tsi sónnhe.

Psalms 34:2

Kwáh thenhinonhweráton tsi nahothénsons tsi nihoierán꞉nion; aiáwenhs tsi niiákon ne ionthateronhiakéntha ahiontahónsathate tánon ahiontʼtsenhnónhni.

Psalms 34:22

Né Roiá꞉ner sahniakéntha ne tsi ronhnón꞉nhe ne raonhatserashónha; kwáh iáh ónhka tsi niiákon ne rahonháke nón꞉we nihiakoniahesáhon iáh kíʼ taʼhiontréwaʼte.

Psalms 34:7

Ne raoronhiakerónon ne Roiá꞉ner thensakotsiatáton tsi nihiákon ne ronwaʼsénhnaiens, tánon sahkoniakéntha.

Psalms 34:8

Sewaʼrihwaienhtérat tánon sewatkátho nètho Roiá꞉ner tsi nioiánere; iakotáskats tsi nihiákon ne rahonháke nón꞉we nenhiontaséhthakwe.

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Isaiah 47:4

Né sheʼshonkwahiatákwen—né꞉ne Sakoiá꞉ner ne ratiʼronhiaʼkeró꞉nons né ronwá꞉iast— Rahonhatsíwaʼkhok ne Roiatatokénti í꞉ken NʼIsraerʼronónke.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 14:9

Onhnihiotiéren tsi ehnishá꞉thatieren tsi shí꞉ken ní꞉ioht nónhkak tahionthathonhnékten, tsi ní꞉ioht ne raterí꞉ios iáh othènenh tehoshastsʼtenseráien nahatsniénon? Oriwiʼiohónwe, Saiá꞉ner, tsi tewahkwékon! Í꞉i ne shonkwetahshon꞉a; tó꞉sa takwahtewénhtet.’”

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Amos 9:12

ne nahónton nahatiié꞉na ne niatehonathaténhron ne Edom tánon nakahontsakwé꞉kon ne ienhiená꞉ton natsénhna, rá꞉ton ne Roiá꞉ner tsi raónha kí꞉ken thóh nihaié꞉ra.

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

John 17:15

Iah neh tekonnekennitha ne taonsaseiatakȣe nonȣentsiake, seiatanonstat tanon tsini iakokaronniatha.

Acts 15:17

Tánon akwékon ne thiʼhiakotiokwaténion nonkwesónhas akonháke nentʼthónne, rathikwékon ne iáh tehatiʼsitaeʼró꞉nons neh iekhenáton I꞉i akonkwéta enhónton.

Romans 8:23

Nók iáh kíʼ nek khók tèken tsi nahoténsons ne kashahánion; onhtionháke nón nikénteron nonikónra, neh tewatierénta tesonkwáwis ne Rawenni꞉io káti ó꞉ni skát꞉ke tsi ionkwanikonranónwaks, tsi nihionkwárare ne Rawenni꞉io thoʼní꞉ioht tsi ahsonkwakenhénion tsi síken ní꞉ioht neh rahónha sonkwaiohokónhas íken, tánon ó꞉ni kwáh tewahiatakwékon tsi ahonsontatewenní꞉ioʼne.

1 Corinthians 10:4

Tánon né shakané꞉ka wahathinekírah ne karonhiakhéka. Né wahathinekírahthe ne tionékote nosténrahke ne karonhiakhéka ne wahakohiatanónʼnha; tánon nètho osténrah né꞉ne Kerístos rahonhatsíwah.

1 Corinthians 10:9

Iáh tehiówenk nahtsitewahtheniénten ne Kerístos, tsi né nihotiʼiéren ne ronáhtiakes—tánon óniare wahakohnonwahriákon.

Deuteronomy 28:10

Ethò꞉ne ki kwáh ohontsakwé꞉kon enhiontkátho né꞉tho Roiá꞉ner tsi í꞉se tsisewahiaʼtarákwen ne rahonkwè꞉ta ahisewá꞉ton, tánon káti enietsitshaʼní꞉sheke.

Deuteronomy 33:17

Ne tewenhniaweheʼtseráhsens niháti ronhterí꞉ios ne tsi ratiʼtá꞉raiens ne Ephraim ó꞉ni ne Manasseh ratikowá꞉nens tánon ratiʼshátstes tsi ní꞉ioht ne tionhnónskwaron rátsinn. Kwáh tsi ní꞉ioht ne karahkónha tehonakáres rahonakáre rátstha tsi tenshakotenakarotsiénthe ne tehontà꞉tsons, káti kwáh tenshakotinakarotsiénthe ne tehontà꞉tsons tánon ienshakotí꞉reke ne tsi iehiontohontsiokʼthaní꞉hon.”

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 11:21

Tewehtákwen seh wahahónien ne Jacob wahsakohiatatéristhe ne sahtihiatátʼtions ne Só꞉se sakoienokónhas nohénton narénheie. Raʼoténnits wahatiénawaste tánon wahtononweráhton Rawenni꞉io.

Joshua 17:17

Ne Joshua washakawénhase ne kentióhkwas ne Ephraimke ó꞉ni ne tsi iʼtewatséntos nokwá꞉ti ne Manasseh, “Kwáh kí꞉ken tsi sewentiohkowá꞉nen, tánon kwáh tokén꞉en tsi sewaʼshátste. Ó꞉nenk ki tsi sénha wé꞉so ensewaié꞉na tsi ní꞉ioht ne énska khók tsi nahónske.