Genesis 48:15 - Ohiatonhseratokénti

¹⁵ Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Genesis 48:15 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 24:20

Kwáh waʼtiohsteríhen waʼkahnekakahrhaté꞉ni naótshe tsi ionateniaró꞉taien ne kontihnekirà꞉tha ne katshé꞉nenʼs ó꞉ni ionsonhkwísron tsi tiohnáwerote shé꞉kon ionsakahnekótsenhte, tánon kwáh kontikwé꞉kon waʼakohné꞉kanonte ne raotshenenʼó꞉kons oniaʼkwáhere.

Genesis 24:40

Ók wahakènhahse, ‘Ne Roiá꞉ner, tsi niká꞉ien ne raohén꞉ton í꞉keh enthoténniehte ne raoronhiaʼkehró꞉non naetsatenró꞉shen ne enhshaiánerahste tsi niènhse. Entehsheiaʼténhawe ne iakón꞉kwe nahotíniake ne riièn꞉ʼa ne ne Í꞉i iakwatátenonhkwe non néntien, ne ne rakeʼníha nokwá raohwá꞉tsire.

Genesis 27:27

Sók kíʼ ákta niahá꞉re tánon waʼthoʼnoronhkwánion; tánon wahatéswahte tsi nihaonseró꞉ten ne raotsherónniaʼt, tánon wahoiaʼtaté꞉rihste, tánon wahén꞉ron, “Ah tsi nihronseró꞉ten ne riièn꞉ʼa kwáh thóh nihiaonseró꞉ten tsi ní꞉ioht ne kahentà꞉ke neʼthó Roiá꞉ner roiaʼtateríhston!

Genesis 27:4

Eʼthó꞉ne takekhwahsehrónnien ne kakhwákon, ne ne wakekhwá꞉kaʼs, tánon taskekhwahawíhten ne takatská꞉hon; ne naón꞉ton akoniaʼtaté꞉rihste nohén꞉ton akíheie.”

Genesis 28:20

Ethó꞉ne ne Jacob wahahrhá꞉ratste ratónnions, “Tókaʼ ne Rawenni꞉io eniakenikwekónhake, tánon enhatiaʼtanónhstate tsi nikathahí꞉ne, tánon enthá꞉kon ne kaná꞉taro ná꞉keke tánon natsherónnia nakatsherónnia꞉te,

Genesis 28:22

Tánon kí꞉ken onén꞉ia tsi wakenen꞉iote ne ne kanawaʼahteʼ akénhake, kenh nón꞉we nenhonwahsennaientáhkhwake né Rawenni꞉io; tánon nakwe꞉kon tsi nentéhskon kwáh kíʼ orihwiioʼón꞉we noieríhaton tsi entkón꞉ion.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:3

eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

Genesis 49:22

“Ne Só꞉se kwáh ne ne ákta iorón꞉tote tsi nón꞉we niwathnekí꞉ne; Ne tsi roteʼnhahton꞉tonʼs iotahsontawenhrá꞉ton tsi naʼteiorénion.

Genesis 49:24

Nek kiʼk shá꞉ka ne raoʼén꞉na iáh kiʼ thateiowèn꞉tonʼs, Tánon ronentshahnirá꞉ton, Ne ne rahtsaʼnà꞉ke nitiawé꞉non ne kwáh Thoʼshatstenhserowá꞉nen ne ne Jacob raoní꞉io í꞉ken, ne ne raohsèn꞉na ne shakó꞉nonhne, ne Tehshakóhnhes ne Israerʼró꞉nons.

Genesis 49:28

Ratikwé꞉kon kí꞉ken ne ne tékeni iawén꞉re nihotitióhkwakeʼs ne Israerʼró꞉nons, tánon kenʼ nahó꞉ten wahshakawènhahse ne ronwaʼníha nó꞉nen sahshakoiaʼtaté꞉rihsteʼ, shatiiaʼtátshonʼs ne raonekenhteronʼtsheraʼshón꞉ʼa tahshaká꞉wen ne tkawennaié꞉riʼs kaiaʼtateríhtshera.

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

1 Kings 3:6

Solomon watharihwasehráko, “Tiókonte sés kowánen kanoronhkwáhtsera senéston tsi nòkwah ne rakeʼníha Táwit, ne sanhátsera, tánon thorihwaiérihkwe, rorihwató꞉kenhne, tánon roʼrihwakwahríhshonhne tsi naʼtetsaterihwasónhteraʼkwe. Tánon kíʼ iaskónhthaʼkwe waʼtsenathónhase ne kowánen iorihwató꞉ken kanoronhkwáhtsera tsi thá꞉tion wahonekenteronhtseraʼiéntaʼne tsi rahónha nónhwa wenhniseráte rotkoráston ne rahonákʼthaʼke.

1 Chronicles 5:1

Né kí꞉ken tsi nihawatsiraʼtátse ne Reuben, né꞉ne takowánen í꞉ken ne Jacob raonekenteronhtseraʼsónhas. (Tsioríhwa tsi né skát꞉ke ronaratonhne né roʼníha raonhátshera, wahóti kíʼ tsi nihoianerenhseraʼiéntaʼkwe nenhtewatsérenhte enrenhnákeraʼte ne roskenrakéte, tánon kíʼ nètho nikarióten Só꞉se tetonhwáhwi.

Psalms 16:8

Káh tiókonte ne kanontónhnions ne Roiá꞉ner tsi tiókonte thóh í꞉res; tánon tsi keweientetákwen í꞉res tánon iáh ki nonwénhton tahionkoriá꞉neron.

Psalms 23:1

Roiá꞉ner sèh raʼkenonhʼnáties; iáh thahóten thatesewakatonhontsió꞉ni

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Exodus 3:16

Wáhs sehiaʼtaró꞉rok ne ohénton iehonʼnèton ne lsraeró꞉nonke tánon sehró꞉ri tsi Í꞉i, ne Watiá꞉ner, ne RaotiʼNí꞉io ne sakotiʼsotthonkonhkènʼen, ne RaotiʼNí꞉io ne Abraham, lsaac, tánon ne Jacob, wahiaʼthoʼtáshien. Sehró꞉ri tsi táh꞉ke tánon wakatʼkáton tsi niʼhonwatiʼiérahse ne Egyptró꞉nons.

Exodus 4:5

Ne Roiá꞉ner wahénron, “Tó꞉ki náhtsier noriwí꞉io ahonatónhnien ne lsraeró꞉nons nètho Roiá꞉ner, né SakoNí꞉io ne sakotisotʼthonkonhkènʼen, ne Raotí꞉io ne Abraham, lsaac, tánon ne Jacob, tsi wahiaʼtotáshiase.”

Ecclesiastes 5:12

Né rathináhtsheras tó꞉ka nónhwa tó꞉ka ni ó꞉ni iáh tsiatekaiéri tsi nihothiʼkhwáhien ne tahonskáhon, ók thókʼkik níkon enhatiʼkwéni kasehrentí꞉io tsi ahothítawe. Ók né rothikwá꞉tshes, tsi né nihiótha, tsi niwéso rothíʼien iáh tewátons nahotí꞉tawe tehonahnikónhrahre.

Ecclesiastes 5:18

Kén nahó꞉ten wahkeriwaʼtshénri: né kwáh tsiohiá꞉nere né꞉ne tahitewaskáhon tánon tewanekíra tánon tewahthonnáh꞉ren tsi nahó꞉ten hionkwahioténʼen tsi nikaríwes khók tesonkwáhwi ne Rawenni꞉io nahitiónnheke; né kí꞉ken ne tenhionkwahteriwahsehráhkwahse.

Ecclesiastes 6:7

Tewahkwékon hionkwahiótens nonhkwahioténsehra kwáh nék khók né knahótenk ahitewáhke, ók iáh kíʼ nonhwénhton tsiatehionkwahiérise.

Isaiah 30:21

Nó꞉nenh sehseweientetákwen nòkwahti nienhése khés ne sehsenokwáhti, tsi tesahontakáronhte enkawenhnáronhke ne sahnáken, watónhnions, “Kén nónh꞉we nihiohá꞉te; ne sathahíta.”

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Jeremiah 8:2

Tsi ní꞉ioht nakaró꞉ronhke tánon akahiathátenhke, ne raotiʼstienhokónhas thóh nenhʼhiothónhake tsi ní꞉ioht ne óhtha iakonhonsahresensthákwah onhwenhtsiáke kahkéhron. Tánon tsi tenhwahrehniáthonke thóh tsi iohráhkhothe, tánon ne asontʼténhnekhe karáhkwah, tánon ne tsi iotsistokwahrónʼnions, né kí꞉ken nonhkwehshón꞉a ienonhrónhkwahkwe tánon ne tahieriwásniehʼne, tánon ne konhwaterihwaiénhnisʼkwe ó꞉ni konhwathisénhnaiensʼkwe.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

Deuteronomy 33:1

Ne kí꞉ken ne kaiataterí꞉tsheras ne Mahís, ne Rawenni꞉io rahonkwè꞉ta, wasakorihowanáten nonhkweshón꞉as ne Israerʼró꞉nonhke nohénton sharenhéie.

Colossians 2:6

Tsi ó꞉nen tieriwahnirá꞉ti ne Kerístos Ié꞉sos tsi raónha ne Roiá꞉ner, tiónhnet tsi tetiateriwahsóntere.

1 Thessalonians 2:12

Wahʼkwáhʼnikonráhreke, wahkwáhʼnikonrahnirate, tánon iahakwahkóntakwe wakwahʼretsiáron thóh ní꞉ioht tsi tsiónnhek tsi nitanón꞉wes ne Rawenni꞉io, tsi nikáien ne iehianátons nashatiátaren ne Raonakerahserákon ó꞉ni ne raohiatanerahkwatsherákon.

Hebrews 11:21

Tewehtákwen seh wahahónien ne Jacob wahsakohiatatéristhe ne sahtihiatátʼtions ne Só꞉se sakoienokónhas nohénton narénheie. Raʼoténnits wahatiénawaste tánon wahtononweráhton Rawenni꞉io.