Genesis 48:14 - Ohiatonhseratokénti

¹⁴ Ók ne Israel iaʼthanèntshehste ne shaweientehtáhkwen tánon thóh waʼthahtsaʼnà꞉ren ne Ephraim ranontsì꞉ne, ne ne kenʼnithoión꞉ha, tánon ne shanekwá꞉ti nahanèntshati Manasseh ranontsì꞉ne waʼthahtsaʼná꞉saren, kwáh kiʼ tehonentshá꞉sere, aseʼkénh Manasseh ne thotierénhton rawennakerá꞉ton.

Genesis 48:14 ပူးပေါင်းရင်းမြစ်များ

Genesis 41:51

Ne Só꞉se ne thakowá꞉ren roièn꞉a Manasseh wahoná꞉tonhkwe, “Aseʼkénh,” wahén꞉ron, “Rawenni꞉io wahakónnien naonʼkenikónhren akwé꞉kon nakeronhiakénhtshera ó꞉ni akwé꞉kon ne tsi ronónhsote ne rakeʼníha.”

Genesis 41:52

Ne tekeníhaton Ephraim ne wahoná꞉tonhkwe, “Aseʼkénh Rawenni꞉io wahakónnien naonkewiraién꞉taʼne kén꞉ʼen ne tsi ionhontsá꞉ien nón꞉we niwakeronhiá꞉ken.”

Genesis 46:20

Ne Só꞉se Egypt tsi watonhontsá꞉ien nón꞉we, nihonanakerá꞉ton ne Manasseh tánon ne Ephraim, ne ne Asenath konʼwanisténha né sakoién꞉ʼa ne Potiphera, ne ratsihenhstatsiʼ kén꞉ʼen ne On, nón꞉we.

Genesis 48:13

Ne Só꞉se tehnitsá꞉ron iahshakoiaʼténhawe, ne Ephraim shaweientehtáhkwen nonkwá꞉ti ronentshawá꞉kon ne ne shanekwá꞉ti nonkwá꞉ti ne Israel, tánon ne Manasseh shanekwá꞉ti neʼ nonkwá꞉ti ronentshawá꞉kon ne shaweientehtáhkwen nonkwá꞉ti ne Israel, tánon raiaʼtákta niahshakoiaʼténhawe.

Genesis 48:17

Nó꞉nen ne Só꞉se sahatkáhtho nétho roʼníha ne shaweientehtáhkwen waʼthohtsaʼnà꞉ren ranontsì꞉ne ne Ephraim, wá꞉rehre nenʼ ne ʼeh iáh kiʼ tetkarihwaié꞉ri; sók kiʼ iahhohtsà꞉na ne roʼníha, ne ne taonsahohtsaʼnahrá꞉ko ne Ephraim ranontsì꞉ne tánon Manasseh ranontsì꞉ne taonsahohtsaʼnà꞉ren.

Genesis 48:18

Ne Só꞉se wahawènhahse ne roʼníha, “Iáh tho té꞉ioht, rákeni! Aseʼkénh ne kí꞉ken thotierénhton rawennakerá꞉ton, tetshanihsnonhsá꞉ren ne sehseweientehtáhkwen.”

Psalms 110:1

Ne Roiá꞉ner roró꞉ris natiá꞉ner né, “Kénʼen shátien tsi keweientetákwen tsi nió꞉re ne iesháswens enkheiatakéron ne shashitókon tsi ní꞉ioht ne teshashitaráh꞉kwa.”

Psalms 118:16

ne saweientethákwen nahanentʼtsáti ne Roiá꞉ner ronenhtsakaraʼtáton; ne saweientetákwen nahanentʼtsáti ne Roiá꞉ner ne iakosénhnies.”

Exodus 15:6

“Né sehseweienteʼtáhkwen, Saiá꞉ner, ioneráhkwat tsi nihioshatsʼtenserowáhnen; ononwénhseri iakahónhnis tsi tehiakohiataʼríhtha ne tehontátʼtshons.

Numbers 2:18

Ne tsi iatewatʼtshénhthos nokwáhti, tsi niháti né thóh ratíteron tsi nónhwe nihonateniataróhare ne Ephraim rahotiʼtiókwas skát꞉ke kíʼ tsi enhontenáthaien ne rahotiʼtiókwas, skát꞉ke ne shaʼkotihéntense, ken ní꞉ioht, Ne Raotitsióhkwas Shaʼkotihéntense Tsi nihá꞉ti Ephraim Elishama né roʼníha né꞉ne Ammihud 40,500 niháti Manasseh Gamaliel né roʼníha né꞉ne Pedahzur 32,200 niháti Benjamin Abidan né roʼníha né꞉ne Gideoni 35,400 niháti Ne tiokwékton tsi nihá꞉ti: 108,100 Ne sohtiʼnenhrátʼtshons ne Ephraim né nasénhaton ienhonnéthake tsi enhatiʼnenhraserónhni.

Numbers 8:10

Nonhkweshón꞉ʼas NÍsraerʼró꞉nonhke ratinonhtsíne ne Levites tenhonhnisnonhsáren,

Numbers 8:18

Ónenh kíʼ Levites shaʼkathonkwetaráko tsi ní꞉ioht ne thóh natierénhton ronanakeráton NʼIsraerʼró꞉nons,

Matthew 16:18

Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

Matthew 19:13

Ethone are onen etho ȣahontatiatheȣe eksaokonha, neh ok oni niasakoiena, nok ne raotiokȣa ok tiiesesakotirektakȣe.

Matthew 19:15

Ȣatesakonisnonsaronnionhase, nok sahatenti.

Matthew 6:5

Nok nʼonen ensaterennaien; tosa shenakeren ne kaianeren rona tkonȣarorokton, ratinonȣe nahatitake nʼonen ronaterennaien, aontonkȣeneste oni tsi tekanatokenhaton ahonȣatiken nonkȣesonha. Oriȣiio tsi kȣarori tsi iah othenon teshotirhare nʼonakenke.

Luke 13:13

Iathonisnonsaerhase; sontiatakȣarisi oni sakaieȣentane, nok tehononȣeronnionskȣe ne Niio.

Luke 4:40

Nok nonen siiateȣatsothosere eh iontatiatheskȣe tsiniiakon ne niatekannrake iakononȣaktanithakȣe; neok ne skastson iatesakonisnonsaerhase nok saieieȣentane.

Acts 13:3

Wahonnenthóntiete ó꞉ni wahonterénʼnaien, wathonwaʼnanisnonsahéraʼse, tánon iahonwanaténieʼthe.

Acts 6:6

Ne kentiókwa watonwanateróseron ne ratikweʼkónʼne, wahonterénʼnaien tánon wathonwananisnónsaren.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

1 Timothy 4:14

Tóhsa sewahkénron tsi nisewahriwiʼióston ne tionháke, thóhne nitietsihiáwi ne sahontáti ne rotitokenséhakwe tánon ne rathiretsárons sahtiesanisnonsáren.

1 Timothy 5:22

Kwáh tóhsa tesasteríhen ne tasehianisnonsahérase nónkwe nasehiataráko nahothihióten ne Roiá꞉ner rahohioténsera. Tóhsa ken nátier nakóren akorihwaneráktseras; kwáh iekénhak tsi satatennikonráhrak.