Genesis 48:11 - Ohiatonhseratokénti

¹¹ NʼIsrael wahawènhahse ne Só꞉se, “Iáh tewakehrhá꞉rehkwe nakonkónhsaken; tánon kén꞉ʼen ne Rawenni꞉io wahakeríhon nakhé꞉ken ó꞉ni ne sheioʼokón꞉ʼa.”

Genesis 48:11 ပူးပေါင်းရင်းမြစ်များ

Genesis 37:33

Sahaièn꞉tereʼne, tánon wahén꞉ron, “Ne ne riién꞉ʼa raotiá꞉tawi í꞉ken! Kário ronwaʼwahrá꞉kon; ne Só꞉se kwáh kíʼ iáh ó꞉ia té꞉ken tsi ronwaiaʼtaratsónkwen.”

Genesis 37:35

Ratikwé꞉kon ne raonekenhteronʼtsheraʼshón꞉ʼahs ó꞉ni ne tsonathonwí꞉senʼs shakoioʼokón꞉ʼahs wahonteʼnién꞉ten nahonwaʼnikonhrahní꞉rate; ók iáh tehothontá꞉ton nahonwaʼnikonhrahnirá꞉ton, tánon wahén꞉ron, “Iáh, kwáh ienkátsnenhte ne Sheol nón꞉we tsítreʼs ne riién꞉ʼa, enwakatshonniónhkwen.” Káti ne roʼníha tehohsenthó꞉se.

Genesis 42:36

Tánon ne ronwaʼníha Jacob wahshakawènhahse, “Í꞉ʼi ne wahskwahtón꞉ten ne ratiksaʼokón꞉ʼa: Só꞉se ó꞉nen iáh kén꞉ʼen tésreʼs, tánon ne Simeon ó꞉ni iáh kén꞉ʼen tésreʼs, kiʼ ó꞉nen ientshisewaiaʼténhawe ne Benjamin. Akwé꞉kon kí꞉ken eʼthó niwatiaʼtawén꞉ʼen!”

Genesis 45:26

Tánon wahonwahró꞉ri, “Ne Só꞉se shé꞉kon nihrónhnhe! Kwáh ó꞉ni ráonha rakó꞉ra í꞉ken akwé꞉kon tsi niwatonhóntsa ne Egypt.” Tsi ní꞉ioht ne ostón꞉ha wahaiaʼtakénheie; iáh tehokwénion naontahshakawehtákwen.

Genesis 48:10

Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa.

Genesis 48:12

Eʼthó꞉ne ne Só꞉se sahshakotskwahrá꞉ko ne roʼníha rakwitshà꞉ke, tánon ne ráonha waʼthatshá꞉kete ohontsà꞉ke iaʼtehaká꞉nere.

Psalms 128:6

Aiáwenhs ashé꞉ken ne shehiaterehokónhas. Skénnenk thikénhak Nisraeroʼnónhke!

Proverbs 17:6

Kahsótshera ratiná꞉ie tsi nonkwá ne shakonatereʼokón꞉ʼa, ne shá꞉ka ne eksaʼokón꞉ʼa ratiná꞉ie tsi rotiʼnisténhsen tánon rotiʼníhsen.

Ephesians 3:20

Rahonháke nónwe nitewètha ne kasatsʼténsera tsi hionkwakwenionhátie tsi niwéso hionkwahiotátie iáh sénha tahitewakwéni nísiʼnon nahitewariwanónton, tóhkaʼ ó꞉ni sénha wéso ahitewanonthónnionwe.