Genesis 48:10 - Ohiatonhseratokénti

¹⁰ Ó꞉nen ne Israel iáh teshakahrí꞉io só꞉tsi ó꞉nen thó꞉ion. Sók kiʼ ne Só꞉se raiaʼtákta ne roʼníha niahshakoiaʼténhawe; tánon waʼtehshakonoronhkwánion tánon iaʼthanèntshehste iahshakohnià꞉sa.

Genesis 48:10 ပူးပေါင်းရင်းမြစ်များ

Genesis 27:1

Ó꞉nen NʼIsaac sihokstén꞉ha tánon iáh teshakarí꞉iohkwe skanó꞉ronʼs taharòn꞉weke, iahó꞉nonke ne thakowá꞉nen roièn꞉ʼa Esau tánon wahawènhahse, “Konièn꞉ʼa”; tánon waʼtharihwaʼser꞉ko, “Kén꞉ʼen í꞉keʼs.”

Genesis 27:27

Sók kíʼ ákta niahá꞉re tánon waʼthoʼnoronhkwánion; tánon wahatéswahte tsi nihaonseró꞉ten ne raotsherónniaʼt, tánon wahoiaʼtaté꞉rihste, tánon wahén꞉ron, “Ah tsi nihronseró꞉ten ne riièn꞉ʼa kwáh thóh nihiaonseró꞉ten tsi ní꞉ioht ne kahentà꞉ke neʼthó Roiá꞉ner roiaʼtateríhston!

Genesis 31:55

Kwáh siiohrhonʼkéhstsi ne Laban wahatkétsko, waʼtehshakonoronhkwánion ne shakotereʼokón꞉aʼhs ó꞉ni ne shakoioʼokón꞉ʼa kontiiá꞉taseʼs tánon wahshakoiaʼtaté꞉riste; eʼthó꞉ne tonsahontetkháhsi tánon sahahtén꞉ti.

Genesis 45:15

Tánon ratikwé꞉kon waʼtehshakonoronhkwánion ne rontateʼkoʼokón꞉ʼahs tánon tethahsénthos; eʼthó꞉neʼ khók ó꞉nen ne rontateʼkoʼoʼkón꞉ʼahs wahatikwé꞉ni waʼthatihthá꞉ren ne ráonha.

Genesis 48:11

NʼIsrael wahawènhahse ne Só꞉se, “Iáh tewakehrhá꞉rehkwe nakonkónhsaken; tánon kén꞉ʼen ne Rawenni꞉io wahakeríhon nakhé꞉ken ó꞉ni ne sheioʼokón꞉ʼa.”

Genesis 48:8

Ne nó꞉nen ne Israel sahshakó꞉ken ne Só꞉se raonekenhteronʼtsheraʼshón꞉ʼa, wahén꞉ron, “Ónhka neʼ kí꞉kenʼs?”

1 Kings 19:20

Ethòne ne Elisha ehʼiékeneʼthe ne tehiotinákares, Elijah wahó꞉sere, tánon wahénron, “Takeríhon niáreʼkwe iatesetʼkhenoronhkwáhnion ne rakeʼníha ó꞉ni nakenisténha tsi kaʼthenhtiónhen, tánon ki ethòne entsítheʼne.” Elijah watharihwaseráko, “Thoʼniʼiáwenh, wáhsʼkiʼ thóh nionhshá꞉se. Iáh tekonhné꞉se!”

Ecclesiastes 12:3

Ethòne ne sehnenhtsakésons, né tisaná꞉hon, tenhionwíhshonkwe, ó꞉ni ne tsi nakéshons, nónwa konhtishástsʼtes, enhiotitsihióhaʼne Sóhtsi kénk níkonh ensehsheʼnhotsó꞉take ne thasatskáhon, tánon sóhtsi skharátsenh nahiohkénhtonke nasatkató꞉sehke.

Isaiah 59:1

Satʼkátho, né Roiá꞉ner ratsaná꞉ke iáh shó꞉tsi kentehiónhsa nahiaʼkonónsthate, khés ne rahontàke ne tahahontakwéʼkonhke ne iáh nahothónhteʼke.

Isaiah 6:10

Shenikonrónhnien kí꞉ken onkweókons ne tahotiʼnikonhrihiókete, tánon tesehiahontákwent, tesekará꞉set, ne káti ne tó꞉sa ahatikwé꞉ni ne tahatiʼkaneráke, tánon nahontahonsatáte, tánon nahonthaʼtenikonraientáten, tánon tahonsahontkaráteni tánon ahonsahonwatítsienhte.”

Deuteronomy 34:7

Ne Mahís enskatewenhniáwe tánon tewáhsen shatehahoserihià꞉kon sharenhé꞉ie; kwáh shé꞉kon thóh nihashátsteʼkwe ne tsi nitsiotónhne, tánon shé꞉kon sihakarí꞉io.

1 Samuel 3:2

Nètho shiʼkaháwi Eli, ne raká꞉rake thontáshawen nahakarák꞉senhne neká꞉ti iáh tesewátonsʼkwe ne thènen ahonsahakʼkátho, thóh rahiatiónhnikwe tsi ranonwètstha;

1 Samuel 4:15

Ó꞉nen ne Eli tióhton niwáhsen-shaʼté꞉kon shihahoserákwen tánon iáh teshakarí꞉io, káti iáh tsiaʼtesakaraién꞉tas.