Genesis 47:9 - Ohiatonhseratokénti

⁹ Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

Genesis 47:9 ပူးပေါင်းရင်းမြစ်များ

Genesis 11:11

tánon ne Shem wísk-tewenʼniáwe nihiosehrá꞉ke sróhnhehkweʼ ó꞉nen sihonakerá꞉ton ne Arpachshad tánon ó꞉ia ronekenteronʼtsheraién꞉takweʼ ó꞉ni rowiraién꞉takwe ne tsonathonwí꞉sen tánon eʼthó꞉ne warénheie.

Genesis 35:28

Nón꞉wa ne Isaac énska tewenʼniáwe tánon shaʼté꞉kon niwáhsen niiohserá꞉ke nikarí꞉wes rónhnhehkwe.

Genesis 47:28

Tánon ne Jacob tsá꞉ta-iawén꞉re niiohserá꞉ke Egypt nón꞉we nihanákerehkwe, tsi niió꞉re nénska tewenʼniáwe tánon kaié꞉ri niwáhsen-tsá꞉ta niiohserá꞉ke nihrónhnheskwe.

Genesis 47:8

Ne Pharaoh wahawènhahse ne Jacob, “To naʼtesohseriiá꞉kon?”

Genesis 50:26

Katíʼ ne Só꞉se wahrénheie, ne ne énska tewenʼniáwe tánon oié꞉ri shaʼtehaohseriiá꞉kon. Wahonweionʼtahserón꞉ni tánon karontoʼtsherá꞉kon wahonnéta ne raoierón꞉ta thóh Egypt nón꞉we.

1 Chronicles 29:15

Sateriéntare, Ó Saiá꞉ner, tsi iatsiónnhe thóh ní꞉ioht tsi iotohestonhátse tsi shí꞉ken ní꞉ioht né ionhkerekwáhton tánon thiʼiákwahte í꞉ken, tsi kíʼ né nihotiʼiéren ne iakhisotʼthonhkonkénʼen. Né tsi hionkwahtenhniseraténion thóh ní꞉ioht tsi iotohestonhátse tsi shí꞉ken ní꞉ioht nahiothasátarahke, tánon iáh thahónton naiakwahniákenhse ne kenhéion.

Job Tánon ne Raoronhiakensera 14:1

“Nonkweshón꞉as, iónkwe iakonakeratston, kenk nihiakawenhniserésons tánon ne tsi iakón꞉nhe kwáh titkáhere tsi tehiakonikòn꞉rare,

Psalms 119:19

Thiwakenatárehne tsi kénʼen í꞉kes tsi ionwenhtsáte; tó꞉sa takaséhten ne satsiawenhrátseras.

Psalms 119:54

Tsi nikaríwes wakenataré꞉nenh kí kénʼen ionhontsáte wahkerenhnarastánion ne saianerénhseras aorihwáke.

Psalms 39:12

“Satthóntek nakwahterénhnaient, Ó Saiá꞉ner, tánon satahón꞉satat tsi natekaséntʼthos; tó꞉sa ne iáh othènon karíhwa thashónhniane natkashíʼri Asèken kwáh nék khók tsi waʼkatohestonhátsie tsi waʼkenataré꞉nen, thiwaʼkonhontsiáte, tsi ní꞉ioht ne khesotʼthonkonhkénʼen.

Psalms 39:13

Tó꞉sa ó꞉nenh séhkon thontakatkenhsehrénhten né nahónton ahonhtiénhtahne nattsenhnonhniátshera, nohénton akíheie.”

Psalms 39:5

Tsi nió꞉re tsi kentʼnishónston ne tsi kónnhe, Né sahénton ne tsi kón꞉nhe kwáh iáh othènon thakénhake. Kwáh ónhte ne tsi iakón꞉nhe ne niatehionkwétake iáh sénha ó꞉ia tèhiot tsi ní꞉ioht ne tsi iahó꞉te iahiontónhrie, Selah

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 7:7

Né sahtatiʼtháren ne Ronhnonhtí꞉io, né Mahís 80 sahtehaʼhoserihiá꞉kon, ók ne Aaron 83 satehaʼhosehrihiá꞉kon.

2 Corinthians 5:6

Tiókonte sewaʼnikonhrahnirónhak! Tsi náhe shé꞉kon tewakwé꞉kon nonkwaierón꞉ta iáh tewá꞉tons naitewakwekónhake ne Roiá꞉ner, tsi nentewaié꞉na ne karonhiaʼkéhkha oierón꞉ta thó꞉ne enwá꞉ton entewakweʼkháhne ne Roiá꞉ner.

Deuteronomy 34:7

Ne Mahís enskatewenhniáwe tánon tewáhsen shatehahoserihià꞉kon sharenhé꞉ie; kwáh shé꞉kon thóh nihashátsteʼkwe ne tsi nitsiotónhne, tánon shé꞉kon sihakarí꞉io.

Hebrews 13:14

Asèken iáh tsehiotʼkontákwenh tsi kanátaien ne kén꞉en onwenhtsiáke nonkwahʼriwáhke; né tewéshaks ne kanáta tsi nénwahwe.

Ne꞉ne Sák Rohiaton 4:14

Ahkwékon iáh tesateriéntare onʼní꞉ioht tsi ensónnheke nenhiórenʼne! Né tishisewatséren ne kwáh hiotsenkwarón꞉ni, kénk nikaríwes tsi wèh꞉ne sók totʼkhók tenwáthon.

Joshua 24:29

Sonhtó꞉hesthe, ne Roiá꞉ner rahonhátsera Joshua né roiénha ne Nun warenheie énska tewenhniáwe tánon oieri satehahosehrihiakon.

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.