Genesis 47:7 - Ohiatonhseratokénti

⁷ Eʼthó꞉ne ne Só꞉se tahoiaʼtínionʼte ne roʼníha Jacob ne tahotenró꞉seron ne Pharaoh, tánon ne Jacob wahoiaʼtaté꞉rihste ne Pharaoh.

Genesis 47:7 ပူးပေါင်းရင်းမြစ်များ

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 35:27

Jacob roʼnihnéha Isaac niahá꞉re ne ne Mamre nón꞉we, khehs ne Kiriath-arba (Ne ne Hebron) tsi nón꞉we ne Abraham tánon ne Isaac iehninákerehkwe.

Genesis 47:10

Eʼthó꞉ne ó꞉nen shé꞉kon ne Jacob sahoiaʼtaté꞉rihste ne Pharaoh, tánon sahaiá꞉kenʼne tsi rèn꞉teron ne Pharaoh.

Genesis 47:8

Ne Pharaoh wahawènhahse ne Jacob, “To naʼtesohseriiá꞉kon?”

2 Samuel 14:22

Ne Joab wahatatsiaʼtiénente kwáh tiaʼʼhakonshótane nonhontsá꞉ke tánon tsi nahá꞉iere ne ne kakwenienstátsera, Ní꞉io iahiatatérist; tánon ne Joab wahén꞉ron, “Ónh꞉wa wenhniseráte waketsénri ne kaiataterítsera ne sahén꞉ton, natiá꞉ner ne ronnontí꞉io, éhʼthoh ne ronnontí꞉io wahathóntate tsi nikeriwanóntons ne kenhátsera.”

2 Samuel 19:39

Eʼthó꞉ne kíʼ ó꞉nenh kwáh kanenhrakwékon wathatiniatarí꞉iake ne Jordan, ó꞉ni ne ronnontí꞉io wathaiáhiake; ne ronnontí꞉io wathonoronhkwánion ne Barzillai tánon wahoiatatériste, tánon thóh nionsáre tsi thonónshoʼte.

2 Samuel 8:10

Ne Toi iahó꞉tori ne roién꞉ha Joram tsi thénteron ne Ronnontí꞉io Táwit, ne ne tahonónweron tánon tahorénhsaron tsioríhwa tsi ronaterí꞉io ne Hadadezer tánon rosénh꞉nion. Nón꞉wa ne Hadadezer iotkáte ronaterí꞉iokwe ne Toi. Joram tahohawíten niaʼtekonshón꞉ahs kawistará꞉kens, owistanó꞉rons, tánon ne athésa niwashokóten karístatsis;

1 Kings 1:47

Sénha kíʼ íshiʼnon tsi nahá꞉wenhne, ne teiehiathorethákwa ronaterihóntons iahónhne ne tahonwanonhweráton ne Ronhnonhtí꞉io Táwit tánon wahonhníron, ‘Aiáwens kíʼ ne Saní꞉io nahahiónhnien ne Solomon sénha ahasenhnowanénhke tsi ní꞉se niʼiohthónhne, tánon aiáwens ne Solomon tsi rononhtí꞉io íken sénha kíʼ ahokwahtsʼtónhake tsi niʼiohthónhne ní꞉se.’ Ethòne ki ne Ronhnonhtí꞉io Táwit watatʼtsákeʼte wahaterénhnaien rahonákʼthaʼke

1 Kings 8:66

Né satekonháton siwenhniserakéhaton ne Solomon shasakotékwahte nonhkweshón꞉as nahonsahonthénhti. Kwáh kíʼ ratikwékon tsi wathonwarénhsaron tánon shonatsenhnonhnihátse tsi sahonthénhti tsioríhwa akwékon ne Roiá꞉ner rahohiathateríhtseras thó꞉wi ne rahonhátsera Táwit ó꞉ni nonhkweshón꞉a Nisraerʼró꞉nonhke.

2 Kings 4:29

Ne Elisha Gehazi iatotkáneren tánon wahénron, “Óksa! Iahá꞉saf nakathénhnits tánon wáhs. Tó꞉sa ónhka teshenónhweron ne tahitsáteraʼne, tánon tó꞉ka ónhka taiesanónhweron, tó꞉sa sathenhníswat ne taserihwaseráko. Kwáh iasatʼthakwahríhshiat ne tsitkanónhshothe tánon nakathénhnits é꞉neken ne tsi rahiatiónhni ne raksáha ístat.”

Exodus 12:32

Iaheʼtshiʼiaténhaf ne sewatsheʼnenhó꞉kons teiotinakaronhtónʼa, kahiatákeras, ó꞉ni ne tionhnónskwahrons, tánon sehwaténti. Káti ó꞉ni sehwaterénhnaien nahontsiathatéristhe ní꞉i.”

Matthew 26:26

Nok tsinikariȣes tehonastskaon, Iesos ȣatrakȣe kanatarok nok ȣahaiatateriste oni ȣathaiake nok iasakaon ne raotiokȣa, nok ȣahenron: Seȣaiena iseȣak nehkehiken nakieronta.

Luke 22:19

Ethone onen kanatarok saharako, ȣahaiatateriste oni neneh, ȣathaiake, tasakaon nok ȣahenron: Neh kehiken nakieronta ne iestsiiateȣentetase; eh naseȣaier nii akeiaratserakon.

Joshua 14:13

Ne Joshua wahohiaʼtaté꞉risthe ne Caleb ne roiénha ne Jephunneh tánon taháwenh ne kanatowá꞉nen Hebron nahowenhkénhake.

Joshua 22:6

Ne Joshua ionshasakotó꞉ri nahonsahonhtén꞉ti ratikwekonhátie ne rahohiathateríhtshera tánon ó꞉ni ne ratikwekonhátie ne kí꞉ken owenhnaʼshón꞉as: “Tsi tsisewathenhtiónhe kwáh í꞉ken tsi sewakwáhtse, iohnatiohkowanenhátie ne konhtiʼtshé꞉nens, kawistará꞉kens, owistanoronshón꞉as, teiotwístharon notsí꞉nekwar karísthatsi, tánon wé꞉so naʼtsherónhnias. Rotihiaʼtháhests nónhne né꞉ne sehsewahiátha tsi nahoʼténhsons ietsikwenhá꞉ton ne tesewataʼtsons.” Ethò꞉ne ó꞉nen thonsahontháhakwe sahonhtén꞉ti. Ne Mahís iehotkà꞉wen nonhóntsa ne nà꞉kon nòkwah ne Jordan né꞉ne satehothitiohkwí꞉ien ne Manasseh rahotirihwà꞉ke, ók nó꞉ia satehothitiohkwí꞉ien ne Joshua né꞉ne iehotká꞉wen ne tsi iaʼtewatséntos nòkwah ne Jordan, né꞉ne ó꞉ia kentióhkwas rahotirihwà꞉ke.

1 Tiér 2:17

Kwáh niaʼtehionkwétake sekweniénstak, senorónkwak nakorénsons ne tiaʼkawetákwen, skweniénstak ne Rawenni꞉io, ó꞉ni skwewniénstak ne Ronnontí꞉io.

1 Samuel 2:20

Eʼthóhʼne kiʼ ne Eli kwáh enhohiatatérisʼte ne Elkanah tánon ne ró꞉ne, tánon ratónhnions, “Aiá꞉wenhs ne Roiá꞉ner ó꞉ia ahonsahiawíron tsi nenhtsowiraiéntaʼne kí꞉ken iónkwe ne tahonsahionatʼtákwen tsi nikáien tsiaʼtonhnaráni ne rahonháke”; tánon eʼthó꞉ne ó꞉nen tsi thotinónhshoʼte nienhénsne.