Genesis 47:6 - Ohiatonhseratokénti

⁶ Ne tsi ionhontsá꞉ien ne Egypt kwáh sahén꞉ton ká꞉ien; shéʼteron ne iaʼníha tánon ne sewatatekoʼokón꞉ʼahs tsi nón꞉we ne kwáh tionhontsí꞉io; sheríhon ratiʼterón꞉tak ne tsi ionhontsá꞉ien ne Goshen; tánon tókaʼ ónhka tsi nihá꞉ti nahotikwénion, sherihón꞉ten nakonwanatenʼnikón꞉raren nakitshenenʼó꞉konʼs.”

Genesis 47:6 ပူးပေါင်းရင်းမြစ်များ

Genesis 13:10

Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 13:9

Iáh kenh onhwentsakwé꞉kon ne sahén꞉ton thiká꞉ien? Takatiaʼtontákwas. Tóka sehsenekwá꞉ti nonkwá nienhense, ethó né kʼiʼ skeweientehtáhkwen nonkwá nienhénhke; khés sehseweientehtáhkwen nonkwá nienhénhse, eʼthó꞉ne kíʼ skhenekwá꞉ti nonkwá nienhén꞉ke.”

Genesis 20:15

Ne Abimelech wahén꞉ron, “Nakonhóntsa sahén꞉ton ká꞉ien; satenatón꞉ti kwáh tsi nón꞉we nenhsatenatanón꞉weʼne.”

Genesis 34:10

Eʼthó꞉ne ní꞉se enwá꞉ton ne kén꞉ʼen ahsiʼterón꞉take nonkwanakerahserá꞉kon skátne nonkwátiaʼkeʼs; kwáh tsi nentehsaská꞉neke tsi nón꞉we nahsiʼterón꞉take, kwáh satatewenní꞉io nahsatenhninonhseró꞉ten, tánon naesonhontsaièn꞉take.”

Genesis 45:10

Tsi watonhontsá꞉ien ne Goshen nón꞉we nenhsenákereke, tánon katíʼ ákta tsi nón꞉we nikenákere enhsiʼterón꞉take, ní꞉se tánon ne sheioʼokón꞉ʼahs tánon sheiatereʼokón꞉ʼa, satshenenʼó꞉kon teiotinaʼkarontón꞉ʼa, kaiaʼtákeras, tiohnhónskwaronʼs, tánon kwáh tsi nahoʼtén꞉shon noiá꞉shonʼs aesaièn꞉take.

Genesis 46:34

kwáh iorihwiióhak tsi ehtshisewahró꞉ri ‘kwáh tsi nitiónhnhes tsi katshé꞉nen iethiʼnikón꞉rare, iakwakwé꞉kon tánon ne iakhisothokonʼkénhen’—ne katíʼ naón꞉ton tsi ionhontsá꞉ien ne Goshen nón꞉we naesewenʼterón꞉take, tiorí꞉wa ne Egyptró꞉nons kwáh iáh oh thé꞉nen tehon꞉nehre tahonterihwahsónteren ne teiotinaʼkarontón꞉ʼa shakotí꞉nonhne.”

Genesis 47:11

Eʼthó꞉ne ó꞉nen ne Só꞉se wahóʼteron ne roʼníha ó꞉ni ne rontateʼkoʼokón꞉ʼahs, tánon wahshaká꞉wen ne kwáh tionhontsí꞉io ne Egypt, ne ne tsi watonhontsá꞉ien ne Rameses, tsi kiʼ nihotenhnhá꞉ʼon ne Pharaoh.

Genesis 47:16

Tánon ne Só꞉se waʼtehshakorihwaʼserákwahseʼ, “Taietshiiaʼténhaf ne sewatsheneʼó꞉kon: Kákhwa énttion ne taetewatatawístahkwe tókaʼ iáh thé꞉nen tetsisewahwístaien.”

Genesis 47:4

Wahonwènhahse ne Pharaoh, “Taiákwe kén꞉ʼen nón꞉we nikanakerahserá꞉ien naiakwenʼterón꞉take ne ne kenʼk nakarihwé꞉sonke; aseʼkénh iáh oh thén꞉nen tetsotekhón꞉ni ne tsi shakotiʼterontáhkhwa ne raotitshenenʼó꞉konʼs ne sahnhaʼtsheraʼó꞉konʼs ne tsi wateʼenhrowanén꞉ke tiorí꞉wa natonhkariá꞉kon tsi naʼteiotenonhianíhton ne tsi tionhontsá꞉ien ne Canaan. Ó꞉nen kiʼ kwariʼwanontón꞉nis, sheríhon ne sahnhaʼtsheraʼó꞉konʼs nahontená꞉taien ne tsi ionhontsá꞉ien ne Goshen.”

Genesis 47:5

Eʼthó꞉ne ne Pharaoh wahawènhahse ne Só꞉se, “Ne iaʼníha tánon ne sewatateʼkoʼokón꞉ʼahs isè꞉ke nontahón꞉ne.

1 Kings 11:28

Né Jeroboam kén nithohiónha tánon akwékon tiehokwénion, tánon nó꞉nen ne Solomon wahát꞉thoke tsi niehát꞉resks nó꞉nen enhohióten, rahón꞉ha wahorihónhten akwékon ahathenhnikonhráren tsi nikahiothenhseroténsons kahiothenhseráiens ne tsi wathonhontsáiens ne Manasseh tánon ne Ephraim nónhwe.

2 Chronicles 26:10

Kwáh ó꞉ni wahatenikatonhniánion ne kahetakésons nonwésons tánon wahasonhionhniánion wé꞉sos tsi nón꞉we nahontnekaráhkwahke, tsioríhwa tsi ionatsiokowánen ronaskwahiéntakwe né tsi iatewatʼtsénthos nòkwahti onontakónhsons tánon ne tsi iohontsakwénhtarons. Tsioríhwa tsi nihahonweskwaníhaʼkwe nahatiotʼtenserónhni, iesakonikonhrahrkeskwe nonhkweʼshón꞉as naʼienenharahientʼthóseke tánon nahontsientʼthoserónhni tsi nón꞉we nihiohontsí꞉ios.

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Exodus 18:25

tánon waʼshakohiaʼtarahkwenháton ne rohnathonkweʼthakwahríshions tsi natehónteres ne lsraerʼró꞉nons. Waʼshakorihontónhnion nashakotiʼhéntense ne tewenhniawehetʼtserásens, wískʼson niwásens, tánon nʼoierísons nahaʼtíʼhake.

Exodus 9:10

Káti ianíko ne waʼkenronhtákwenh tánon rahoʼhénton ne ronhnonhtí꞉io waʼnitaʼne; ne Mahís tsi iowehráhre iahó꞉ti, tánon ne thakahá꞉we ne tsi wahaʼkokkarotaʼkwaronhtásehron tánon wahá꞉kokarahrasten nonhkweshón꞉ʼa ó꞉ni ne konhtiʼtshénens.

Exodus 9:21

Ótsiakes, kíʼ ó꞉ni, iáh othènnen kariwahtehonónhni tsi nasahkoronhkáten ne Roiá꞉ner tánon áhste thasakonahkaʼwe ne rahotinhatsherashónhas ó꞉ni ne rahotiʼtsenenhókonhs.

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Jeremiah 40:4

Nónhwa, enskeronhkwatsheʼranerénhsi ne sehnenhtsiawíthake tánon enskonhiátkaʼwe. Tó꞉ka énsehre nahítehne ne Babylonia nónhwe, enhwáton né náhshieʼre, tánon enkhonhiatennikonhráhren. Ók tó꞉ka iáh tèsehreh ne hiáseh, iáh teshaʼterihwahiénni. Kahnahkerahsehrowáhnenh nahshaʼthateráhkwahse, tánon kwáh tsit nikaháwi iaháse tsi nenhteshaskánehke.”

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

1 Samuel 21:7

Nón꞉wa ronkwetatóken ne ne raonhá꞉tshera Saul thóh í꞉reskwe ne thóh shiʼwenhniserátekwe, ne ne éhren ronwaiatenhawíton raohénton ne Roiá꞉ner, Doeg ronwáiats ne ne Edomró꞉non, ne ohénton iehátahkwe ne Saul raonkwetaʼshón꞉ahs ne teiotinakaronhtón꞉ʼa sakotinhikonráhrakwe.