Genesis 47:5 - Ohiatonhseratokénti

⁵ Eʼthó꞉ne ne Pharaoh wahawènhahse ne Só꞉se, “Ne iaʼníha tánon ne sewatateʼkoʼokón꞉ʼahs isè꞉ke nontahón꞉ne.

Genesis 47:5 ပူးပေါင်းရင်းမြစ်များ

Genesis 47:4

Wahonwènhahse ne Pharaoh, “Taiákwe kén꞉ʼen nón꞉we nikanakerahserá꞉ien naiakwenʼterón꞉take ne ne kenʼk nakarihwé꞉sonke; aseʼkénh iáh oh thén꞉nen tetsotekhón꞉ni ne tsi shakotiʼterontáhkhwa ne raotitshenenʼó꞉konʼs ne sahnhaʼtsheraʼó꞉konʼs ne tsi wateʼenhrowanén꞉ke tiorí꞉wa natonhkariá꞉kon tsi naʼteiotenonhianíhton ne tsi tionhontsá꞉ien ne Canaan. Ó꞉nen kiʼ kwariʼwanontón꞉nis, sheríhon ne sahnhaʼtsheraʼó꞉konʼs nahontená꞉taien ne tsi ionhontsá꞉ien ne Goshen.”

Genesis 47:6

Ne tsi ionhontsá꞉ien ne Egypt kwáh sahén꞉ton ká꞉ien; shéʼteron ne iaʼníha tánon ne sewatatekoʼokón꞉ʼahs tsi nón꞉we ne kwáh tionhontsí꞉io; sheríhon ratiʼterón꞉tak ne tsi ionhontsá꞉ien ne Goshen; tánon tókaʼ ónhka tsi nihá꞉ti nahotikwénion, sherihón꞉ten nakonwanatenʼnikón꞉raren nakitshenenʼó꞉konʼs.”