Genesis 47:31 - Ohiatonhseratokénti

³¹ Tánon wahén꞉ron, “Takerihwahní꞉rats”; tánon kiʼ wahorihwahní꞉ratshe. Eʼthó꞉ne ne Israel waʼthatsá꞉kete tsi ioʼiotenák꞉tate tsi nokwá ratkonhentáhkhwa.

Genesis 47:31 ပူးပေါင်းရင်းမြစ်များ

Genesis 21:23

ó꞉nenh ká꞉ti kén꞉en raohsèn꞉nakon ne Rawenni꞉io serihwahní꞉rat tsi iáh thahskanowénhten, ne nón꞉ne shá꞉ka ne kheioʼokón꞉ʼa, khéhs ó꞉ni tsi nienhkatwatsí꞉rine. Ók kíʼ tsi niwakerihwató꞉ken tsi naʼteiontiaterihwahsón꞉tere ní꞉se, ó꞉nenk kíʼ tsi í꞉i tentiaterihwahsón꞉teren tánon ne tsi ionhontsá꞉ien tsi nón꞉we ne thihsonhontsá꞉te í꞉ken.”

Genesis 21:24

Wahén꞉ron ne Abraham, “Enkerihwahní꞉rate.”

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 24:26

Eʼthó꞉ne ne rón꞉kwe waʼthatshà꞉kete tánon wahohsèn꞉naien ne Roiá꞉ner,

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 31:53

Aiá꞉wens Ne Raoní꞉io ne Abraham tánon ne Raoní꞉io ne Nahor ne Raotiní꞉io ne ronwatiʼníha, tahshonkeniiaʼtoréhtaʼse tsi naʼtetiátere.” Sók kiʼ ne Jacob waharihwahní꞉rate ne tsi nihotshá꞉nis ne roʼníha Isaac,

Genesis 47:29

Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

Genesis 50:25

Katíʼ ne Só꞉se wahshakaónnien ne Israerʼró꞉nons nahonhrhá꞉ratsteʼ, nahonní꞉ron, “Ne nó꞉nen ne Rawenni꞉io entshisewaiaʼtó꞉renʼne, ientsisewáhawe nakstienʼshón꞉ʼa ne kenh nón꞉we.”

Genesis 50:5

Ne rakeʼníha rakonnién꞉ni nakerihwahní꞉rate; rá꞉wen, ‘Ó꞉nen thó꞉ha akíheie. Ne wakatatshonhonnién꞉ni tsi tionhontsá꞉ien ne Canaan, thóh nón꞉we ienhstiaʼtáta.’ Ó꞉nen kiʼ takeríhon neh nón꞉we iá꞉ke, ne naón꞉ton ahiiaʼtataʼáhnha ne rakeʼníha; eʼthó꞉ne téntke.”

1 Kings 1:47

Sénha kíʼ íshiʼnon tsi nahá꞉wenhne, ne teiehiathorethákwa ronaterihóntons iahónhne ne tahonwanonhweráton ne Ronhnonhtí꞉io Táwit tánon wahonhníron, ‘Aiáwens kíʼ ne Saní꞉io nahahiónhnien ne Solomon sénha ahasenhnowanénhke tsi ní꞉se niʼiohthónhne, tánon aiáwens ne Solomon tsi rononhtí꞉io íken sénha kíʼ ahokwahtsʼtónhake tsi niʼiohthónhne ní꞉se.’ Ethòne ki ne Ronhnonhtí꞉io Táwit watatʼtsákeʼte wahaterénhnaien rahonákʼthaʼke

Hebrews 11:21

Tewehtákwen seh wahahónien ne Jacob wahsakohiatatéristhe ne sahtihiatátʼtions ne Só꞉se sakoienokónhas nohénton narénheie. Raʼoténnits wahatiénawaste tánon wahtononweráhton Rawenni꞉io.