Genesis 47:29 - Ohiatonhseratokénti

²⁹ Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

Genesis 47:29 ပူးပေါင်းရင်းမြစ်များ

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 24:49

Né katíʼ, tóka tkarihwaié꞉ri tánon orihwiioʼón꞉we tsi tentsaterihwahsónteren ne riioʼténhse, takhró꞉ri; tánon tóka iáh, takhtró꞉ri, né naón꞉ton takatkarhate꞉ti ne tsi keweientehtáhkwen khehs ne skenekwá꞉ti.”

Genesis 27:2

NʼIsaac wahén꞉ron, “Ó꞉nen wakekstén꞉a í꞉ken; iáh tewakaterién꞉tare nentewenhniserá꞉teke nó꞉nen enhkíheie.

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

Genesis 48:21

Eʼthó꞉ne ne Israel wahawènhahse ne Só꞉se, “Ó꞉nen thó꞉ha akíheie, ók kiʼ ensenikwekónhake ne Rawenni꞉io tánon ó꞉ni iensiaiaʼténhawe tsi nón꞉we thóh nonhontsá꞉ien ne shasottsheraʼokonkén꞉ʼen.

Genesis 50:12

Katíʼ ne Jacob raonekenhteronʼtsheraʼshón꞉ʼa tho nahatí꞉iere tsi nihshakohnhá꞉ʼon.

Genesis 50:5

Ne rakeʼníha rakonnién꞉ni nakerihwahní꞉rate; rá꞉wen, ‘Ó꞉nen thó꞉ha akíheie. Ne wakatatshonhonnién꞉ni tsi tionhontsá꞉ien ne Canaan, thóh nón꞉we ienhstiaʼtáta.’ Ó꞉nen kiʼ takeríhon neh nón꞉we iá꞉ke, ne naón꞉ton ahiiaʼtataʼáhnha ne rakeʼníha; eʼthó꞉ne téntke.”

2 Samuel 14:14

Ónenk tsi tewakwé꞉kon entewénheʼie; kwáh thóh nitewahiatóten tsi ní꞉iot niʼionekaweronhtáon ohontsá꞉ke, tsi iáh thahón꞉ton nahonshaienekaróroke. Ók ne Ní꞉io kwáh iáh éhren tahahá꞉wite natónnhets; ne raónha kwáh enhatenikonrónhni káti tó꞉sa ne átste iehonwatiʼiatónhtion ne iahontkóntakwe tsi éhren ahónhnete ne raohén꞉ton.

2 Samuel 2:32

Iahatíhawe ne Asahel raoʼierón꞉ta tánon iaonwahiatháta tsi thóh tsatónkwaien ne roʼníha, thóh nón꞉we Bethlehem. Joab tánon ne raonkweʼtashón꞉ahs wahatenenhraserón꞉ni ashontakwékwe, tánon thóh nón꞉we iahotírenhne Hebron.

2 Samuel 7:12

Nó꞉nenh ensenhéionke tánon skát꞉ne enhiesaiatháta ne sheshotʼthonkonhkénʼen, kwáh saiá꞉ta ne entiénha enhinontí꞉ioste tánon kwáh enkeshaststénhseron ne raonakerásera.

1 Kings 2:1

Nó꞉nen ne Táwit skanórons arénheie, iahó꞉nonhke ne roiénha Solomon tánon tahá꞉wen nonakènkha karesharónhtsera:

Job Tánon ne Raoronhiakensera 14:14

Tó꞉ka ne rón꞉kwe enrenhé꞉ie, kwáh ken shé꞉kon enhsatón꞉nhete? Akwé꞉kon tsi niwakathenhniseraténionskwe ne tsi niwatiohtén꞉en kwáh ki enkaterá꞉rate tsi nió꞉re ienkí꞉heie.

Job Tánon ne Raoronhiakensera 30:23

Wakaterièn꞉tare ní꞉se tsi kwáh ienstiathénhawe ne kenhé꞉iatne, tánon tsi kanónshote iontateweienhtón꞉ni nonkweʼtakwé꞉kon ne iakónnhe.

Job Tánon ne Raoronhiakensera 7:1

“Iáh ken nonkweshón꞉as kwáh tó꞉kenk tsi nikarì꞉wes iontaterahkwé꞉ni naiakoiò꞉ten nakoioténhsera ne tsi ionwenhtsá꞉te, tánon iáh ken tehonwarakwén꞉ni ne kawistá꞉hets ne rónkwe nonwenhtsá꞉ke?

Psalms 49:7

Orihwiʼiohónwe kwáh iáh ónhka taiekwéni nakahonhatsíwa khók ahonsahionthatiatáko, kwáh iáh othènen tekakarhiaktseráien nónhka aiekwéni nahonwaʼkárhiakse ne Rawenni꞉io tsi iakónnhe.

Psalms 49:9

né nahontahiakohiatónhneke notsatón꞉kwa tánon ahiakoríhon tsi nénhwe ahiakón꞉nheke.

Psalms 6:5

Iáh ónhka tahonsaiesehiárake ne iakawenhéion né tsi tionhontsáien né kenhéion ónhka aiekwéni né taiesanonweráton?

Psalms 89:48

Ónhka aiekwéni naiakónnheke tánon iáh nonwénhton taiaiéheʼie? Ónhka aiekwéni nakonwaniákenhse ne kenhé꞉ion? Selah

Deuteronomy 31:14

Ethò꞉ne ne Roiá꞉ner wahawénhase ne Mahís, “Iáh ó꞉nen sóhtsi tekarí꞉wes tetsishathaténron nasónnheke. Iatsínonhk ne Joshua tánon atosehrá꞉kon nonhtaʼtiaténhaf, ne káti nahónton nahontahihiawí꞉hon ne rahohioténhseras.” Mahís tánon ne Joshua atohserá꞉kon niaháne.

Deuteronomy 31:16

Ne Roiá꞉ner wahawénhase ne Mahís, “Kwáh iostó꞉re enshí꞉heie, tánon nó꞉nen ensenheiónhke nonhkweshón꞉a iáh tahonsahothiriwatokénhake nakonhà꞉ke tánon tenhatihiáke nateriwaʼseronhniá꞉tshera ne watʼson skátke ne ronhnónha. Enhionkatewenhthéte tánon ne enskonhwatishén꞉naien ne thikáhiont nihioʼokón꞉as ne tsi ionhontsá꞉ien ne ó꞉nen thóhwa thoniahón꞉ne.

Hebrews 11:22

Tewehtákwen seh wahahónʼnien ne Só꞉se, nónen ákta shiʼrenheiónsere, wahatárahkwe ne Israerʼró꞉nons tsi nishonanahkerákwen ne Egypt, tánon wahaténnhaʼne tsi nakaiéren ne raoierónta.

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

Joshua 2:14

Ne tenónhkwe wakonhwénhase, “Aiá꞉wens ne Rawenni꞉io ieháhaf ne tsi iakenónhne tó꞉ka thóh nenhiakení꞉hiere tsi nenhiakení꞉ron! Tó꞉ka iáh ónhka thaieʼtsirohriáhne tsi nihiatiatiérahkwe, kwáh ki entsiarahrátsten nó꞉nen ne Roiá꞉ner enteshón꞉tion kí꞉ken ionhontsá꞉ien, kwáh ki enhioianeréhake tsi tenhkwarihwasniése.”

Joshua 23:14

“Nón꞉wa ó꞉nen hiaʼkáhewe nakí꞉heie. Kwáh tsi niatétion sewaterièn꞉thare ne sewerianésons ó꞉ni ne tsi tsónnhe né꞉tho Roiá꞉ner Sewaní꞉io orihwakwé꞉kon thetsisewá꞉wi ne ioiáneres né꞉tho rohraratsthánion. Kwáh tsi nahoʼténhsons rorahratsthánion tsi akwé꞉kon thóh nihiawéhen; iáh nénhska tehiosénhse.

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.