Genesis 47:21 - Ohiatonhseratokénti

²¹ Tsi nokwá nonkwehshón꞉ʼa, waʼtehshakonatahkwatánion ne tsi ienakerénion ne kanatakónhsonʼs, ne ne tsi karistatátie ne Egypt tontáhsawen tsi niió꞉re nó꞉ia tkaristatátiene.

Genesis 47:21 ပူးပေါင်းရင်းမြစ်များ

Genesis 41:48

Tánon akwé꞉kon wahanatsaró꞉roke ne tsá꞉ta niiohserá꞉ke nikarí꞉weskwe neʼthó tsi watonhontsá꞉ien ne Egypt tánon kanatakónhsons nón꞉we wahatahkweniá꞉ien. Tánon kwáh tsi niaʼtekaná꞉take nonátsaʼs neʼthó aktóntieʼs kahentaièn꞉tonʼs kaientwákwen tho nón꞉we nahatahkweniá꞉ien.

Genesis 47:20

Katíʼ ne Só꞉se akwé꞉kon wahronhontsahninónnion ne Egypt ne ne Pharaoh raorihwá꞉ke. Ratikwé꞉kon ne Egyptró꞉nons wahontenhninónnion ne raotihehtaʼshón꞉ʼa, tiorí꞉wa natonhkariá꞉kon tsi naʼteiotenonhianíhton rotirá꞉ʼon; tánon nonhontsaʼshón꞉ʼa Pharaoh raó꞉wenʼk ón꞉ton.

Genesis 47:22

Ne khók ne ratitsihènhstatsiʼs raononhontsáshón꞉ʼa iáh tehohní꞉non; aseʼkénh ne Pharaoh iorihwató꞉kenhkwe tsi ní꞉kon tehshakó꞉wiskwe ne ratitsihènhstatsiʼs natená꞉tshera, tánon ne ratitsihènhstatsiʼs ne ronnonhnhéhkwen tsi ní꞉kon tehshakó꞉wiskweʼ ne Pharaoh; ne katíʼ aorí꞉wa iáh tehonatenhní꞉non ne raononhóntsa.