Genesis 47:19 - Ohiatonhseratokénti

¹⁹ Nontiéren tsi kthaʼtehská꞉nere thóh aiakwénheie, nonkwátiaʼkeʼs tánon nontionhóntsa? Takwaiaʼtahninónnion tánon nontionhontsaʼshón꞉ʼa ne taiakwatatawístahkwe ne kákhwa. Iakwakwé꞉kon tánon nontionhontsaʼshón꞉ʼa iakwanáhskwa eniakwá꞉ton raonhá꞉ke ne Pharaoh; nek khók táhstion ne kanenhaʼshón꞉ʼa, ne katiʼ naón꞉ton aiationhnheke tánon tóhsa aiakwènheie, tánon nétho ohóntsa tóhsa aionhontsaiéhsha.”

Genesis 47:19 ပူးပေါင်းရင်းမြစ်များ

Genesis 41:36

Nétho kákhwa kwáh enkanonhstá꞉tonke ne tsi kanakerahserá꞉ien aorihwá꞉ke ne ne tsá꞉tak niiohserá꞉ke atonhkariá꞉kon tsi tá꞉we ne tsi ionhontsá꞉ien ne Egypt, ne katíʼ nonhóntsa tóhsa akaiésha tsi iaʼtenióhtkaʼwe natonhkariá꞉kon.”

Genesis 47:15

Ne nó꞉nen nonkwehshón꞉ʼa ne tsi ionhontsá꞉ien ne Egypt tánon ne tsi ionhontsá꞉ien ne Canaan akwé꞉kon ronátston ne raotihwísta tsi rotinatsahninón꞉ton, ratikwé꞉kon ne Egyptró꞉nons Só꞉se wahonwatkenʼsé꞉ra, tánon wahonní꞉ron, “Takwakhwá꞉nonʼt! Nontié꞉ren tsi sahén꞉ton aiakwénheie? Aseʼkénh iáh ó꞉nen oh thé꞉nen tetsonkwahwístaien.”

Genesis 47:18

Tánon nó꞉nen shiahontohserókten, sahonwatkenʼsé꞉ra tsohsera ohnaʼkèn꞉ke, tánon wahonwènhahse, “Iáh thaiakwakwé꞉ni nahshakwariʼwáhsehte ne shonkwaiá꞉nehr tsi ní꞉ioht nonkwahwísta tsi watiesáhton; ne teiotinaʼkarontón꞉ʼa, kaiaʼtákeras, tánon ne tiohnhónskwaronʼs shonkwaiá꞉nehr ne raotshenenʼó꞉kon. Iáh kiʼ oh thé꞉nen tetsotatén꞉ron raohén꞉ton ne shonkwaiá꞉nehr ne khók ne iakwaieròn꞉ke tánon nontionhontsaʼshón꞉ʼahs.

Genesis 47:20

Katíʼ ne Só꞉se akwé꞉kon wahronhontsahninónnion ne Egypt ne ne Pharaoh raorihwá꞉ke. Ratikwé꞉kon ne Egyptró꞉nons wahontenhninónnion ne raotihehtaʼshón꞉ʼa, tiorí꞉wa natonhkariá꞉kon tsi naʼteiotenonhianíhton rotirá꞉ʼon; tánon nonhontsaʼshón꞉ʼa Pharaoh raó꞉wenʼk ón꞉ton.

Job Tánon ne Raoronhiakensera 2:4

Ethò꞉ne Sakoriwaros wathorihwaserákwahse ne Roiá꞉ner, “Ne rónkwe kwáh akwé꞉kon enhatiakwarí꞉shi tsi nahó꞉ten ahoiéntake oʼnaiá꞉wenhne narónnheke.

Lamentations 1:11

Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

Lamentations 5:6

Na iakwatsénri ne kákhwa niatakaiérike nahiatiónʼnheke, Egypt tánon Assyria non niahákwe tehionkwatʼtiaritehátie.

Lamentations 5:9

Shakonasétas ronahtatewennihioháties neh kahetakésons; thóh hiationnáhere nó꞉nen iakwakwísaks.

Matthew 16:26

Nahoten naha oni ahatsennonniatakȣe ne ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?