Genesis 47:12 - Ohiatonhseratokénti

¹² Tánon ne Só꞉se tahotká꞉wen ne roʼníha, ó꞉ni ne rontateʼkoʼokón꞉ʼa ne kákhwa, tánon ratikwé꞉kon ne roʼníha raonónhskon ratí꞉teron, tekaiaʼtoréhton ó꞉ni tsi naʼtahonatonhontsó꞉nike ne ratiksaʼokón꞉ʼa.

Genesis 47:12 ပူးပေါင်းရင်းမြစ်များ

Genesis 45:10

Tsi watonhontsá꞉ien ne Goshen nón꞉we nenhsenákereke, tánon katíʼ ákta tsi nón꞉we nikenákere enhsiʼterón꞉take, ní꞉se tánon ne sheioʼokón꞉ʼahs tánon sheiatereʼokón꞉ʼa, satshenenʼó꞉kon teiotinaʼkarontón꞉ʼa, kaiaʼtákeras, tiohnhónskwaronʼs, tánon kwáh tsi nahoʼtén꞉shon noiá꞉shonʼs aesaièn꞉take.

Genesis 45:11

Kwáh entkoniatká꞉wen ne kákhwa neh nón꞉we—aseʼkénh shé꞉kon wísk niiohserá꞉ke iotatén꞉ron natonhkariá꞉kon—ne katíʼ ní꞉se tánon ne sahwá꞉tsire, tánon akwé꞉kon tsi naesaièn꞉take, kwáh tóhsa oh thé꞉nen aesanorónhsten.’

Genesis 45:7

Rawenni꞉io ohén꞉ton tahakaténniehte ní꞉se sewarihwá꞉ke ne nakwanónhstate niaʼtaesewatá꞉tenre tsi ionhontsá꞉te, tánon nakanonhstátonke ne tsi iakónhnhe ne naón꞉ton iakentiohkowá꞉nen aieʼniá꞉kenʼne.

Genesis 47:1

Sók kiʼ ne Só꞉se iahatáweiaʼte nahohró꞉ri ne Pharaoh, “Ne rakeʼníha tánon ne iakwatatekoʼokón꞉ʼahs, shakotiiaʼtenhá꞉wi ne teiotinaʼkarontón꞉ʼa tánon ne kaiaʼtákeras, tánon ne tiohnhónskwaronʼs tánon kwáh tsi nahó꞉ten rotiientahtsherá꞉ien, thóh nontahón꞉ne tsi tionhontsá꞉ien ne Canaan; ó꞉nen kiʼ tsi ionhontsá꞉ien ne Goshen rón꞉neʼs.”

Genesis 47:21

Tsi nokwá nonkwehshón꞉ʼa, waʼtehshakonatahkwatánion ne tsi ienakerénion ne kanatakónhsonʼs, ne ne tsi karistatátie ne Egypt tontáhsawen tsi niió꞉re nó꞉ia tkaristatátiene.

Genesis 47:24

Tsi niieientwákwas ne wískhaton ié꞉ken Pharaoh ne entetshítson, tánon ne kaié꞉ri niiotatén꞉ron í꞉se kiʼ nenʼ neʼeh sewá꞉wenʼk, ne kanenhaʼshón꞉ʼa ne naonsesewaiénthoʼte tánon ne ne sewatená꞉tshera í꞉ken tánon ní꞉se ó꞉ni ne sewahwá꞉tsireʼs, tánon ne ne raonatená꞉tshera ne seienʼokón꞉ʼas.”

Genesis 50:21

Katíʼ tóhsa oh thé꞉nen sewáhteronʼn; Í꞉i tenkwáhshnieʼne ó꞉ni ne ietshiioʼokón꞉ʼa.” Tho katíʼ ní꞉ioht tsi wahshakohrharátsten, kwáh tehowennatsikhé꞉tare tsi shakohthará꞉ni.

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Isaiah 22:24

Tánon rahonhàke enhontsatahnihiónten kwáh tsi nihiótste ne sakosótʼtonkonhkénen tsi rotinónshote, tsi wahawahtsiraʼtátie ó꞉ni tsi nenhóntsere, akwé꞉kon ne katʼtshesónhas, ne teiontʼnekontákwas akwékons ne katshetowánens.

1 Thessalonians 2:7

éhʼtho sáhne tsi Kerístos sakwateriwahnótanis ahiontónʼon ne iatékon akwariwahnontónni. Ónk tionkwariwaiérikwe ne skát꞉ke sítewes, kwá tsi ní꞉ioht ne kanisténsera iakonikónrare nakohiohokónha.

1 Timothy 4:8

Tasatatiatasaráhnie ostónha karihwástha, nók ne karihwiʼiosthóntshera kén náshiere kwáh nèn꞉ne tsík nitiotseráton tsi satèkenah íken, tioríhwa tsi tetsáron tsi ní꞉ioht tsi wahrahrátstha neh꞉ne nónwa tánon ne tsi niahawenonhátie.

1 Timothy 5:4

Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

1 Timothy 5:8

Onk tóhkaʼ ónhkak iáh tathesakotirihwásnieʼse ne rontátenons, sénha ne kwáh ronónha rahothiwáhtsireh, wahkonwathonníhase ne tewethákwen ó꞉ni sénha ronónha rathiweniennáksen tsi ní꞉ioht ne iáh tetiakawetákwen.

Ruth 4:15

Shesá꞉wha iesanorónhkhwa ne sénha iesaiaʼtakéhnhen tsi ní꞉ioht ne tsá꞉ta niháti aiesawiraién꞉take. Tánon nón꞉wa tshateré꞉ʼa saiesá꞉ion. Á꞉se ensrón꞉ni tsi sónhnhe tánon ó꞉ni enthiá꞉ion skén꞉nen ahsanonhtónnionwe nó꞉nen ensaksténhaʼne.”