Genesis 46:3 - Ohiatonhseratokénti

³ Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

Genesis 46:3 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 15:13

Eʼthó꞉ne ne Roiá꞉ner wahawénhahse ne Abram, “Saterién꞉tarak, kí꞉ken kwáh iorihwí꞉iok, tsi nienhsathwatsí꞉ríne kwáh thihononhontsá꞉te thenkénhake tsi ionhontsá꞉ien né iáh ronónha tehononhóntsa, tánon thóh nón꞉we ratináhskwah enkénháke, tánon kwáh enhonwatironhiá꞉kenʼte ne ne kaié꞉ri tewenʼniáwe niiohserá꞉ke nikarí꞉wes;

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 47:27

Tánon ne Israel Egypt aotonhontsà꞉ke non꞉we nahanà꞉taien, ne ne tsi watonhontsá꞉ien ne Goshen; tánon wahontiénawahste nonhóntsa neh nón꞉we, tánon wé꞉so wahonatónnien tánon kwáh í꞉ken tsi wahonatiohkowáhnha.

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

Genesis 48:19

Ók iáh tehothontá꞉ton ne roʼníha, tánon wahén꞉ron, “Wakaterièn꞉tare; konién꞉ʼa, wakaterièn꞉tare; enhotiohkwaièn꞉take, tánon tsi enhronkweʼtowá꞉nenke, ók kiʼ sá꞉ne ne roʼkén꞉ʼa sénha kiʼ ráonha enhahsennowá꞉nenke tsi ní꞉ioht ne ráonha, tánon tsi nienhathwatsí꞉rine tenhonawèn꞉ro tsi nenhonatióhkwaske.”

Exodus 1:12

Ók né sénha ne Egyptró꞉nons enhonwatiʼronhiákenhte ne lsraeró꞉nonhs, sénha kíʼ wahonahtsiokowáhnah tánon sénha tenhonwanahréniaʼte ne tsi ionhwénhtsaien. Ne Egyptró꞉nons wahonwatiʼtshá꞉nihke ne lsraeró꞉nonhs

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Jeremiah 40:9

Ne Gedaliah wahsahkawénhase, “Wahkeriwahniráhton ne sonháke tsi iáh thaʼtehiothonwenhtióha nahishateronnhísehke nia shaʼtsakwahríshi rononháke ne Babyloniaró꞉nons. Sahtenaktónni ne kénʼen ionhwenhtsiáien, tshiótenhs ne ronnonhtí꞉io ne Babyloniaró꞉non, tánon akwékon tienshahianerásten.

Acts 27:24

tánon wahénron, ‘Thó꞉sa sáteron, Kór! Ónen tsi rahohénton iatenstá꞉ne ne Rakora. Tánon ne Rawenni꞉io tsi nithoriwaiéri ne sonháke kwáh rathikwékon wasakoniákente tsi niháti ne skátʼke sewatʼtsirótatse.’

Acts 7:17

“Neh nónen shakáhewe ne Rawení꞉io ahariwaiérite tsi nihorahrastén꞉ni ne Abraham, nontionʼkwétas ne Egypt non nihatinákere kwáh íken tsi wahonatiokowáhʼnhaʼne.

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Deuteronomy 10:22

Nó꞉nen ne ietsisoʼthonkonhkén꞉en Egypt shiahón꞉ne, tsáta kók nihatihiathásen nihátikwe. Ók ki nón꞉wa ne Roiá꞉ner sewaNí꞉io thóh nió꞉re tsi sewenhtioʼkowanáston tsi ní꞉ioht ne tsi iotsistohkwarón꞉nions ne tsi karonhiá꞉te.

Deuteronomy 26:5

Ethò꞉ne, rahohénton ne Roiá꞉ner ensheshirón꞉nion kí꞉ken owenhnaʼsón꞉as: ‘Ne ratsotkénʼen ronatenháwiskwe Aramró꞉non, ne rahowá꞉tsire Egypt nieshakohiaʼténha thóh nón꞉we ieshatinákereʼkwe. Iáh teshonatioʼkowanénhne ne nón꞉we shahón꞉ne, ók sahonatiohkowá꞉nen tánon sahatishatstenhserowá꞉nah.