Genesis 46:1 - Ohiatonhseratokénti

¹ Nó꞉nen ne Israel tahatáhsawen waʼthatáhakwe iaháhawe akwé꞉kon tsi nahoʼtén꞉shonʼs ró꞉ien tánon iahá꞉rawe Beer-sheba nón꞉we, tánon katshé꞉nen wahoteʼskónthaʼse ne Rawenni꞉io ne ne roʼníha Isaac Raoní꞉io í꞉ken.

Genesis 46:1 ပူးပေါင်းရင်းမြစ်များ

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 21:14

Katí Abraham ohrhonʼkéhstsi wahatkétsko, wahshakokhwahserónnien ne Hagar tsi tenwatháhahkwe, tánon né kanéhon iotiaʼtawí꞉ton ká꞉iare wathnekaráhkhwa kahnenhsà꞉ke wahrotáhrhoke tánon skátne ne raksá꞉ʼa tsi wahshakoté꞉kwahthe. Tánon onhtén꞉ti, tánon thóh nón꞉we iaʼonatenʼawíhson ne iaonwentsathenhá꞉ke ne ne Beersheba nón꞉we.

Genesis 21:31

Ne katí néh nón꞉we ne konwanaʼtónhkhwa Beersheba, tiorí꞉wa tsi tehnitsá꞉ron rotirihwahnirá꞉ton.

Genesis 21:33

Abraham tamarisk naʼkarontó꞉ten waharontaièntho thóh non ne Beersheba, tánon thóh nón꞉we nahohsén꞉naien ne Roiá꞉ner, ne ne Ronhnheʼón꞉we Ní꞉io.

Genesis 22:13

NʼAbraham wahatahrakétsko tánon wahó꞉ken tehonaʼkarontón꞉ʼa rá꞉tsiʼn tsi tehonà꞉karonte non thoiaʼtotahrhé꞉ʼon nokwirò꞉kon. Thóh niahá꞉re tánon tahoiaʼténhawe tánon neʼeh wahotiaʼtátshaʼahte tsi wahó꞉tatshe ne Rawenni꞉io tsi ní꞉ioht ne roièn꞉ʼa.

Genesis 28:10

Ne Jacob Beersheba nón꞉we tahahtén꞉ti tánon Haran nón꞉we iaʼthróiaʼke.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 31:53

Aiá꞉wens Ne Raoní꞉io ne Abraham tánon ne Raoní꞉io ne Nahor ne Raotiní꞉io ne ronwatiʼníha, tahshonkeniiaʼtoréhtaʼse tsi naʼtetiátere.” Sók kiʼ ne Jacob waharihwahní꞉rate ne tsi nihotshá꞉nis ne roʼníha Isaac,

Genesis 33:20

Thoʼnónwe warón꞉ni ne ietsenharáhkwa tánon né꞉ne El-Elohe-Israel wahanátonkwe.

Genesis 35:3

eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

Genesis 4:4

Eʼthó꞉ne ne Abel tahoiaʼténhawe ne tontié꞉renhte wahotewiraièn꞉hahse teiotinaʼkarontón꞉a owí꞉ra wahoʼwéntho tánon né꞉ne kwáh ioʼwahráreʼsen iahá꞉wen ne Roiá꞉ner. Ne Roiá꞉ner kwáh í꞉ken tsi wahawerientí꞉io tánon wahaié꞉na ne Abel tsi nahó꞉tahtshe,

Genesis 45:28

Ne Israel wahén꞉ron, “Thok nikónhak! Ne riién꞉ʼa Só꞉se shé꞉kon nihrónhnhe. Ó꞉nenk tsi thóh ièn꞉ke tánon aonsahí꞉ken nohén꞉ton akíheie.”

Genesis 8:20

Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

Job Tánon ne Raoronhiakensera 1:5

Tánon nó꞉nen ne kakhwárakwe ioteweienhnenhtà꞉on, nétho Job ienhaterihwaniéte tánon enshasakorihwatokentísten. Tánon noronhkè꞉ne nenhatkétsko tánon ne ienhatháte tsi ní꞉kon roteskónte niataʼkaié꞉ri tsi niháti; asè꞉ken ne Job wahèn꞉ron, “Tó꞉ka nakenekenhterontseraʼshón꞉as wahatirihwánerake tánon ahonwhasentenhnike né Rawenni꞉io raonerhiá꞉ne.” Ká꞉ti ne Job kwáh tió꞉konte ki thóh nihaiérakwe.

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Amos 7:9

Ne tsi ionhnontarónhnions tsi nón꞉we ne Isaac raowá꞉tsires nihonterenhnaientáhkwa kwáh ki enkarihwentʼtonhke, tánon ne raotinonsatokentikowátʼtions nʼIsraerʼró꞉nons kwáh ki eʼtake enwatiónke, tánon kwáh kí iekehiatsiatónhti ne rahonkweʼtashón꞉as ne Jeroboam asareʼkó꞉wa én꞉katste.”

Acts 7:15

Ehʼthóhʼne ne Jacob Egypt niaháre, thóh nónwe raónha ó꞉ni ne sakoioʼokónhas iahonníheie.

Joshua 24:4

ók ne Isaac Jacob né wahihionkweton tánon ne Esau. Ne Esau né thahihion ne tsi ionhniaronhnions kanakeraserakeronhs ne Edom nónhwe nahó꞉wenhkonhweke, ók ne tsi sewasot꞉kenʼen Jacob tánon ne sakohiohokonhas Egypt nenhʼne niahónhne.

1 Samuel 3:20

Tánon onkweʼtakwé꞉kon NʼIsraerʼró꞉nonke thóh thontásawenh Dan tsi nió꞉re ne Beer-sheba iakoteriéntaraʼkwe nètho Samuel tsi roriwatóken tsi roteriwanhotánis ne Roiá꞉ner.

1 Samuel 8:2

Tsi nihoʼsenhnó꞉ten ne thakowáhnen roʼiénha ne ne Joel, tánon ne tekeníhaton, Abijah; tsi niriwénhtaʼkwe Beer-sheba nón꞉we.