Genesis 45:7 - Ohiatonhseratokénti

⁷ Rawenni꞉io ohén꞉ton tahakaténniehte ní꞉se sewarihwá꞉ke ne nakwanónhstate niaʼtaesewatá꞉tenre tsi ionhontsá꞉te, tánon nakanonhstátonke ne tsi iakónhnhe ne naón꞉ton iakentiohkowá꞉nen aieʼniá꞉kenʼne.

Genesis 45:7 ပူးပေါင်းရင်းမြစ်များ

Genesis 45:5

Tánon kiʼ tóhsa nón꞉wa sewaʼnikonhráksen, khehs naesewatatená꞉khwaʼse, tiorí꞉wa tsi kén꞉ʼen nón꞉we niskwatenhní꞉non; aseʼkénh Rawenni꞉io ohén꞉ton tahakató꞉ri ní꞉se sewarihwá꞉ke nakenónhstate tsi iakónhnhe.

Genesis 47:12

Tánon ne Só꞉se tahotká꞉wen ne roʼníha, ó꞉ni ne rontateʼkoʼokón꞉ʼa ne kákhwa, tánon ratikwé꞉kon ne roʼníha raonónhskon ratí꞉teron, tekaiaʼtoréhton ó꞉ni tsi naʼtahonatonhontsó꞉nike ne ratiksaʼokón꞉ʼa.

Genesis 50:20

Eʼthó sá꞉ne wesewatenʼnikonhrón꞉ni nahskwakaré꞉wahte, ne Rawenni꞉io ne ne rotenʼnikonhrón꞉ni ne ioiánere tsi nahá꞉iere, ne ne iakentiohkowá꞉nen ahanónhstate tsi iakónhnhe, tsi kiʼ nón꞉wa nihoierenhátie nón꞉wa wenhniserá꞉te.

1 Chronicles 11:14

ká꞉ti ne rahón꞉a ó꞉ni ne rahonkwetaʼshón꞉as satekahentíʼen nón꞉we wahonhenróten tsi wahonterí꞉io ne Philistiaró꞉nons. Né Roiá꞉ner kowánen natesenniétshera tahá꞉wen.

Psalms 18:50

Rahónha noniká꞉ta í꞉ken ne kaiatakenhátshera raoriwá꞉ke ne raononhtí꞉io, tánon rawenéston ne ioriwató꞉ten kaʼnonronkwáhtshera rahonhá꞉ke ne rohiatará꞉kwen, rahonhá꞉ke ne Táwit ó꞉ni tsi nienhatwatsiríne ne tsi nénhwe enkénhake.

Psalms 44:4

Í꞉se nakenontí꞉io tánon akeʼNí꞉io í꞉ken. Í꞉se tesehiáwi ne atesenhniétshera ne shonkwetaʼshónhas,

Acts 7:35

“Mahís seh neh ronwakenronníʼon ne Israerʼró꞉nons. ‘Ónhka ieshaianerenseráwi naskwahianerenʼserónnien ó꞉ni neh taskwahiathorétaʼse?’ wahatiriwanónton. Rahónhase ne Rawení꞉io thoʼteniéton nasakohianerenserónʼnien nonkwesónhas ó꞉ni nasakoniákente tsi nenhosniénon ne raronhiakerónon tsi nihothotashén꞉ni ne shiʼhiokwiratétkha.

Judges 15:18

Ethòne ónen ne Samson kwáh í꞉ken tsi wahoniatátʼten, sók kíʼ Roiá꞉ner iahonáton tánon wahénron, “Í꞉se táskon kí꞉ken kowánen atesenhniétshera; ónenh káti ken kaniatatʼthentséra enwakeríhiote tánon roʼnónha kí꞉ken iáh tehoneriása Philistiaró꞉nons enhiontiéna?”