Genesis 45:5 - Ohiatonhseratokénti

⁵ Tánon kiʼ tóhsa nón꞉wa sewaʼnikonhráksen, khehs naesewatatená꞉khwaʼse, tiorí꞉wa tsi kén꞉ʼen nón꞉we niskwatenhní꞉non; aseʼkénh Rawenni꞉io ohén꞉ton tahakató꞉ri ní꞉se sewarihwá꞉ke nakenónhstate tsi iakónhnhe.

Genesis 45:5 ပူးပေါင်းရင်းမြစ်များ

Genesis 37:28

Nó꞉nen ne Midianró꞉nons rontké꞉rons ronatohetstonhátie, tontahonwaiaʼtaráthenhste ne Só꞉se ne tsi iohontsaká꞉ronte, tánon ne ne Ishmaelró꞉nons wahonwaiaʼtahní꞉non tewáhsen nikahwístake kahwistarà꞉ke wahatikáriaʼke. Tánon Egypt niahonwaiaʼténhawe ne Só꞉se.

Genesis 47:25

Wahonní꞉ron, “Wahsenónhstate tsi iatiónnhe; aiá꞉wenʼs ahawerienʼtí꞉io ne shonkwaiá꞉nehr, kwáh kiʼ iakwanáhskwa eniakwá꞉ton tsi nonkwah ne Pharaoh.”

Genesis 50:19

Nok ne Só꞉se wahshakawènhahse, “Tóhsa sewáhteronʼn! Iáh thakkwé꞉ni ne Í꞉i thóh takatáttahsteʼ ne Rawenni꞉io raonaktà꞉ke.

Genesis 50:20

Eʼthó sá꞉ne wesewatenʼnikonhrón꞉ni nahskwakaré꞉wahte, ne Rawenni꞉io ne ne rotenʼnikonhrón꞉ni ne ioiánere tsi nahá꞉iere, ne ne iakentiohkowá꞉nen ahanónhstate tsi iakónhnhe, tsi kiʼ nón꞉wa nihoierenhátie nón꞉wa wenhniserá꞉te.

Genesis 50:21

Katíʼ tóhsa oh thé꞉nen sewáhteronʼn; Í꞉i tenkwáhshnieʼne ó꞉ni ne ietshiioʼokón꞉ʼa.” Tho katíʼ ní꞉ioht tsi wahshakohrharátsten, kwáh tehowennatsikhé꞉tare tsi shakohthará꞉ni.

2 Samuel 12:12

Asèken ní꞉se nashiá꞉tiere athaséhtonke; ók kíʼ ní꞉i kwáh thóh nénhtiere kiʼ nahorihóten akohénton NʼIsraeró꞉nons, tánon ohénton tsi kará꞉kwahre.”

2 Samuel 17:14

Ne Absalom tánon ratikwé꞉kon ne ronnónkwe NIsraerʼronónke wahonhní꞉ron, “Tsi nahatenikonráieste ne Hushai ne Archró꞉non sénha ioiá꞉nere tsi ní꞉iot ne Ahithophel.” Asèken ne Roiá꞉ner roriwahniráton neh tó꞉sa ne hahatísehre ne ioiá꞉nere tsi nihothenikonráwi ne Ahithophel, káti ne nètho Roiá꞉ner nontsiérent neh enhohérase nahokarónhni Absalom.

Esther 4:14

Tóka iáh thé꞉nen thahsì꞉ron ón꞉wa nikahá꞉wi karonhià꞉ke ki néntewe ne kaiaʼtakehnháhtshera raotirihwà꞉ke ne Sitaeró꞉non, tánon enhatiʼniá꞉kenʼne, ók ní꞉se enshí꞉heie tánon iaʼníha raohwá꞉tsire enhonwanáhtonʼte. Ónhka ó꞉ni iakoterién꞉tare—tóka nón꞉wa ne waʼkarihón꞉ni tsi wesanontí꞉ioʼne!”

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Luke 23:34

Ratonhakȣe ne Iesos: Rakeni! Shetenr! Katiken ronaterientare tsini hontierha. Ethone oni onen ȣahontatiakhonhase ne raoȣenksonha, nok ȣahatiȣastotsi.

2 Corinthians 2:11

Né: aorihwà꞉ke ne tóhsa ne ótkon né꞉ʼe è꞉neken ahaterihwà꞉rahkwe, ionkwaterién꞉tare wáhi tsi nihaʼnikonhrò꞉ten.

2 Corinthians 2:7

Ónen, ki aowenk sahtshisewaʼnikónhrhens sahtshisewanikonranirat, oh naiá꞉wen ne tóhsa sótsi ahoʼnikonhráksen tsi niió꞉re ne kwáh ahaʼnikonhrò꞉kten.

Philemon 1:15

Thóh kanónwah né꞉tho Onesimus kenk nikarí꞉wes aʼhé꞉ren rahwehtónʼne ne tiahʼtákta né káti nahkarihwéhson tsi ahonshatié꞉na.

1 Samuel 1:19

Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.