Genesis 45:24 - Ohiatonhseratokénti

²⁴ Eʼthó꞉ne ó꞉nen ionsahshakotó꞉ri ne rontateʼkoʼokón꞉ʼahs naonsahonhtén꞉ti, tánon tsi nishonhtentiónhene wahshakawènhahse, “Tóhsa tesewariʼwakéhnha tsi nisewaháhhes.”

Genesis 45:24 ပူးပေါင်းရင်းမြစ်များ

Genesis 37:22

Ne Reuben wahshakawènhahse, “Tóhsa etshitewanékhwaʼt; ietshitewaiaʼtón꞉ti ne kén꞉en iohontsaká꞉ronte ne kén꞉en iaonwentsathén꞉ken, ók tóhsa kíʼ iaʼtetshitewanihsnonhsá꞉ren”—ne naón꞉ton ne ráonha aonsahoʼniá꞉kenhte taonsahshakohshiotaríhsi tánon roʼninéha niaonsahoiaʼténhawe.

Genesis 45:23

Tsi nokwá ne roʼníha kenʼ nahoʼtén꞉shonʼs iahotenniéhten: oié꞉ri nihá꞉ti tewahónhteʼs rotihrieʼnakéhte ne kwáh tioiánereʼs ne Egypt nón꞉we nikáhsonʼs, tánon oié꞉ri nikón꞉ti tewahónhteʼs iotihrieʼnakéhte nonátsaʼs, kanà꞉taro, tánon natená꞉tshera ná꞉rake ne ne roʼníha raorihwá꞉ke tsi naʼtenhatháhahkwe tsi nénthre ne Egypt.

Genesis 45:25

Katíʼ iahón꞉ne sahatiiá꞉kenʼne ne Egypt tánon ionsahón꞉newe tsi thén꞉teron ne ronwaʼníha Jacob ne tsi tionhontsá꞉ien ne Canaan.

1 Thessalonians 5:13

Taietʼtsihiateweientónhas ne kwáh tsiorihowáhnen ne kaʼkwenienstátʼtshera ó꞉ni kanoronkwáhtshera tioríwah tsi nihotihiotenseróten. Kwáh skénnon kénhak ne tionháke.