Genesis 45:15 - Ohiatonhseratokénti

¹⁵ Tánon ratikwé꞉kon waʼtehshakonoronhkwánion ne rontateʼkoʼokón꞉ʼahs tánon tethahsénthos; eʼthó꞉neʼ khók ó꞉nen ne rontateʼkoʼoʼkón꞉ʼahs wahatikwé꞉ni waʼthatihthá꞉ren ne ráonha.

Genesis 45:15 ပူးပေါင်းရင်းမြစ်များ

Genesis 29:11

Eʼthó꞉ne ne Jacob waʼtehshakonoronhkwánion ne Rachel, tánon waʼthahsènthoh kwáh í꞉ken tsi rowén꞉te.

Genesis 29:13

Nó꞉nen né Laban shaharihwá꞉ronke tsi nonkwá ne iatenoʼsénha tsi ne raowahtén꞉ʼa ne Jacob, iaʼtharáhtate niatahóterahte; tánon tahohnià꞉sa tánon waʼthonoronhkwanion꞉ton, tánon raonónhskon niahoiaʼténhawe. Né Jacob orihwakwé꞉kon wahorihó꞉kthahse ne Laban tsi nahoiaʼtawènhseron,

Genesis 33:4

Ók ne Esau hiatarahtate Niatahoterate, tánon tahohiéna, tánon iahoniása tánon wathonoronhkwahniónton, tánon wathasénhtho.

Genesis 42:24

Ne Só꞉se waʼthatkahrhaté꞉ni tánon wahshakotiaʼtontákwahse iaʼthahsèntho; eʼthó꞉ne tontá꞉re tánon wahshakohtháhrhahse. Tánon Simeon wahoiaʼtará꞉ko tánon raotihén꞉ton waʼthonwanentsterènkhon.

Genesis 45:14

Eʼthó꞉ne ó꞉nen iahohnià꞉sa ne roʼkén꞉ʼa Benjamin tánon waʼthahséntho, tho neʼ náhe ne Benjamin rahniaʼsà꞉ke tehahsénthos.

Genesis 45:16

Shahonterihwíhewe ne Pharaoh raonónhskon, “Ne Só꞉se rontatekoʼokón꞉ʼahs ró꞉ti,” ne Pharaoh tánon ne raohnháʼtsheraʼshón꞉ʼahs wahonerienʼtí꞉io.

Genesis 45:2

Ehʼthó niió꞉re tsi wahotsiʼtowáhnha nétho Egyptró꞉nonʼs iahonathón꞉teʼne, tánon iahonterihwíhewe ne raonónhskon ne Pharaoh.

Genesis 46:29

ne Só꞉se wahshakóhnhaʼne ne raohnhaʼtsheraʼó꞉kon nakonwatiiaʼtaniión꞉ten ne kohsá꞉tenʼs ne tékeni teiokahkwèn꞉tonte oʼtsónhkwa tánon ne wahohonwí꞉sere ne iaʼtahiatátken ne roʼníha Israel ne Goshen nón꞉we. Ne shiaʼthiatátken, ne Só꞉se iahohniá꞉sa ne roʼníha tánon kwáh karí꞉wes waʼthahséntho.

2 Samuel 14:33

Ehʼthóhʼne ne Joab ronnontí꞉ioʼke niaháre tánon wahoró꞉ri; tánon iahó꞉nonke ne Absalom. Káti iahá꞉rawe ronnontí꞉ioke tánon wahatatsiatiénenhte tsiahakonshótane ohontsá꞉ke raohén꞉ton ne ronnontí꞉io; tánon ne ronnontí꞉io watonoronkwáhnion Absalom.

Psalms 77:4

Ashontakwékon ratiéwaʼte; thóh nió꞉re tsi tewaʼkanikónhrare iáh tewátons nakatáti.

Exodus 4:27

Kènk nikaríwes ne Roiá꞉ner wahoró꞉ri ne Aaron, “Wáhs kahentaʼkeʼkó꞉wa niahàse tsi tahiʼtsatátken ne Mahís.” Káti thoʼniaháre ne iathahiatátken ne tsi tiononhtaʼtokénti; tánon nó꞉nen sahthiaʼtátʼken, wathoʼnoronhkwáhnion.

Luke 15:20

Tonsahatane, sahatenti ronineha niionsare. Sekon ok ihnon satontare; ok naha tahoken ne Roniha, ȣathoniatasiharane tsi nahotenre; iathoterate nok iahoniasa oni ȣathonoronkȣanionton.

Acts 20:37

Rathikwékon tehonséntʼthos tsi wahonwaniása tonsahonwanonronkwánion tsi sahaténti.

Ruth 1:14

Sók á꞉re tonsatiahséntho. Thó꞉ne Orpah waʼtiakonoronkwá꞉nion nakosá꞉wha tánon tho nionsá꞉ien tsi nón꞉ tienakeréhkwe. Sók ne Ruth iaʼontatié꞉na ne Naomi.

Ruth 1:9

Tànon ne Roiá꞉ner aontónsheke aontatshitsatenniéhten ne tetsà꞉ron aonseseníniake tánon aieseniién꞉taʼne tsi nón꞉ aieseniʼterón꞉take.” Naomi waʼtkonwatinoronhkwánion tsi ó꞉nen waʼtkontekáhsi. Sók tetsá꞉ron wattiahséntho.

1 Samuel 10:1

Samuel wahtatʼtshétaʼkwe ne wateienará꞉kwa tánon ranontsíne ne Saul tareienáweron, tánon watonoronkwánion; wahén꞉ron, “Ne Roiá꞉ner wahiaʼiataráko nashehéntenhse raonkwetaʼshón꞉ʼahs Israerʼró꞉nons. Í꞉se kwáh ensheʼiateriwatsʼterístase ne raonkwetaʼshón꞉áhs ne Roiá꞉ner tánon í꞉se kwáh enshenónsthate tsi nòkwah ne rontsanákes ne ronwatíswenhs natʼtatsesónhas ratinakeréhnion. Nón꞉wa neh kí꞉ken nenhshenréstaʼkwe nètho Roiá꞉ner tsi í꞉se iahíaʼtarákwen nasheʼiateriwatsʼterístaʼse ne raonkwetaʼshón꞉ʼahs Israerʼró꞉non. Í꞉se kwáh iahiaʼtaráhkwen—nasheʼiateriwatsʼterístaʼse neh kwáh raón꞉ha rahonkwetaʼshón꞉ʼahs:

1 Samuel 20:41

Kwáh tsi niʼiostó꞉reh ne raksá꞉a thóh wárehte, ne Táwit thonahátahne ákta tsi ionenhiáts꞉tokote tánon wahathatshiatié꞉nenhte tsehakón꞉shote ohontsáke. Waʼtatʼtiákete áhsen niʼiorihwáke, tánon wahthiaʼtatenoronhkwáhnion, tánon skát꞉ne wathiaʼsénhtho; Táwit kiʼ sén꞉ha wathaséntʼtho.