Genesis 44:2 - Ohiatonhseratokénti

² Sewáta nakétshe teionthnekontáhkhwa, ne kahwistarà꞉ken í꞉ken, thóh é꞉neken ne kaiá꞉rakon ne kenʼ niehrá꞉ʼa raó꞉iare, skát꞉ne ne raohwís꞉ta ne onátsa ahohninón꞉ton.” Tánon tho kiʼ nahá꞉iere tsi kiʼ nihohró꞉ri ne Só꞉se.

Genesis 44:2 ပူးပေါင်းရင်းမြစ်များ

Genesis 42:20

tánon tatshisewaiaʼténhahf ne kenʼniehrá꞉ʼa tshi sewaʼkén꞉ʼa nakonhá꞉ke. Tho ní꞉ioht ne sewawén꞉na tsi enkarihwahnirá꞉tonke, tánon iáh kiʼ thaesewénheie.” Tánon kiʼ wahatirihwanón꞉weʼne neh nahatí꞉iere.

Genesis 42:25

Ne Só꞉se eʼthó꞉ne ó꞉nen wahaténhnahʼne onátsa ratinahnónkhon ne raotí꞉iareʼs, tánon tho shonnéta ne shatiiaʼtátshonʼs ne ronnón꞉kwe raotihwístaʼs raotiiá꞉rakon, tánon wahonwaʼtíkhon niaonsahatíhawe tsi nionaháhehs. Thóh katiʼ kí꞉ken nahonwanatié꞉raʼse.

Genesis 43:32

Ne Só꞉se kwáh raonhá꞉ak khók sewatekhwahrá꞉tshera tsi nón꞉we nahonwakhwahéhrhahse neh non ne shá꞉ka ne rontatekoʼoʼkón꞉ʼahs, neh non ne shá꞉ka ne Egyptró꞉nons ne tehonatón꞉ton, tiorí꞉wa ne Egyptró꞉nons iáh thaón꞉ton ne skátne tahón꞉tonte ne Hebrews, aseʼkénh ne raotirihwiiohstónhtshera ne Egyptró꞉non iáh tehonwaná꞉wis ne skátne tahón꞉tonte ne Hebrews.

Genesis 44:1

Eʼthó꞉ne ne Só꞉se wahóhnhaʼne ne raohnhá꞉tshera ne raonónhskon roióte, “Thontásraht atená꞉tshera ne ronnón꞉kwe raotiiareʼshón꞉ʼa, kwáh tsi nenhatikwé꞉ni niaonsahatíhawe, tánon thóh sasewatárion ne shatiiaʼtátshons ne rón꞉kwe raohwís꞉ta é꞉neken ne kaiárakon.

Genesis 44:12

Wahréhsake, ne ne thakowá꞉nen tahotié꞉renhte tánon tsi iaháhsa ne ne kenʼ niehrá꞉ʼa; tánon ne teionthnekontáhkhwah kátshe Benjamin raoià꞉rakon wahatitshén꞉ri.

Genesis 44:3

Kwáh tsi niiostó꞉re waʼtioswátheʼne nohrhonʼké꞉ne, ne ronnón꞉kwe sahonwanaté꞉kwahte skátne ne raotitshenenʼó꞉konʼs tewahónhtes.

Matthew 10:16

Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.

2 Corinthians 8:8

Iáh tekwatoktahkwén꞉ni ne tho naiesewá꞉iere, kwáh nek tsi kwateʼniéntha tó: niiorihwató꞉ken ne sewanoronhkhwáhtshera ne tákeren notiaʼkéhshon tsi nihotiié꞉ren.

Deuteronomy 13:3

tó꞉sa othé꞉nen thaieʼtsiriwásnies. Ne Roiá꞉ner sewaNí꞉io ne shakotstonhátie naʼtsisewateʼnién꞉ten, nahatkátho tó꞉ka ken seweriasakwé꞉kon tsisewanorónhkwa.

Deuteronomy 8:16

Ne iahonwentsathèn꞉ken nón꞉we wahiá꞉nonhthe, né꞉ne kákhwa ne iáh nonhwenton ne ietsisotʼthonkonhkenʼen tehó꞉nekon. Thatsisewatenié꞉then ne karonhiá꞉kensera natsisewatenién꞉ten, ne káti ne tsi ieiotót꞉the nahónton natsisewahiathatéristhe né꞉ne kwáh ioiáneres nahoténsonhs íken.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.