Genesis 44:1 - Ohiatonhseratokénti

¹ Eʼthó꞉ne ne Só꞉se wahóhnhaʼne ne raohnhá꞉tshera ne raonónhskon roióte, “Thontásraht atená꞉tshera ne ronnón꞉kwe raotiiareʼshón꞉ʼa, kwáh tsi nenhatikwé꞉ni niaonsahatíhawe, tánon thóh sasewatárion ne shatiiaʼtátshons ne rón꞉kwe raohwís꞉ta é꞉neken ne kaiárakon.

Genesis 44:1 ပူးပေါင်းရင်းမြစ်များ

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 42:25

Ne Só꞉se eʼthó꞉ne ó꞉nen wahaténhnahʼne onátsa ratinahnónkhon ne raotí꞉iareʼs, tánon tho shonnéta ne shatiiaʼtátshonʼs ne ronnón꞉kwe raotihwístaʼs raotiiá꞉rakon, tánon wahonwaʼtíkhon niaonsahatíhawe tsi nionaháhehs. Thóh katiʼ kí꞉ken nahonwanatié꞉raʼse.

Genesis 42:35

Tsi nihatiiarakahrhateniónkwas ne raotiiaré ʼshon꞉ʼahs, eʼthó꞉ne ne skaiarátshonʼs wá꞉tahkwe kanohkwakweʼnón꞉ni nohwísta. Nó꞉nen ne ronónha ó꞉ni ne ronwaʼníha sahontkátho ne kenthohkonniánion nohwístas, wahotíhteronʼne.

Genesis 43:16

Nó꞉nen ne Só꞉se shahó꞉ken ne Benjamin ronnónha ron꞉ne, wahawènhahse ne kanónhskon rahnhá꞉tshera, “Taietshiiaʼtínionʼt nétho ronnón꞉kwe, tánon sewaʼwèntho katshé꞉nen tánon seweienèn꞉taʼn, aseʼkénh ne ronnón꞉kwe teniakwá꞉tonte néntie nenká꞉rake.”

Genesis 43:19

Katíʼ iahonttakwaríhshiaʼte tsítreʼs ne rahnhá꞉tshera roteríhonte ne Só꞉se raonónhskon tánon tsi ieiontaweiaʼtáhkhwa ne kanónhskon nón꞉we naʼthatihthá꞉ren.

Genesis 43:2

Tánon nó꞉nen sihonatekhwíson nonátsa tsi nithotíha ne Egypt, ne ronwaʼníha wahshakawènhahse, “Wáhs shé꞉kon thóh ionsásewe, ostón꞉ha saskwatenaʼtsherahninonʼsé꞉ra.”

Genesis 44:2

Sewáta nakétshe teionthnekontáhkhwa, ne kahwistarà꞉ken í꞉ken, thóh é꞉neken ne kaiá꞉rakon ne kenʼ niehrá꞉ʼa raó꞉iare, skát꞉ne ne raohwís꞉ta ne onátsa ahohninón꞉ton.” Tánon tho kiʼ nahá꞉iere tsi kiʼ nihohró꞉ri ne Só꞉se.

Isaiah 3:1

Asèken Nón꞉wa ne Ronontí꞉io ne Sakoiá꞉ner, ne ronterí꞉ios ratironhiakeró꞉nons, Seshakokwenhátie ne Jerusalem ó꞉ni ne Judah tsi nihonwatisnié꞉nons tánon ne kentsiókwas— akwé꞉kon tsi nihatiʼieniahésen ne kanátaro, tánon akwé꞉kon tsi nihatiniahésen nonékanos—