Genesis 43:34 - Ohiatonhseratokénti

³⁴ Kenʼ nikonhátie tahonwén꞉non ne Só꞉se raotekhwaráhne nontahatíhawe, ók kiʼ ne Benjamin wísk niiorí꞉wake sénha í꞉siʼ nón꞉we wé꞉so í꞉ken tsi ní꞉ioht ne ronátiaʼkes. Katíʼ wahatihnekí꞉ra tánon ronatshennón꞉ni skátne ne ráonha.

Genesis 43:34 ပူးပေါင်းရင်းမြစ်များ

Genesis 35:24

Nakoioʼokón꞉ʼahs ne Rachel ne ne Só꞉se tánon ne Benjamin.

Genesis 45:22

Ne shatiiaʼtátshonʼs wahshakotahkwénion ne ne taonsahontatahkweniaté꞉ni; ók kiʼ ne Benjamin áhsen neʼ tewenʼniáwe kahwistarà꞉kenʼs wahohwíston tánon wísk niioiánakeʼs atahkwénia.

2 Samuel 11:8

Ehʼthóhʼne ne Táwit wahawénhase ne Uriah, “Thóh nionsáhse tsi tisanónshoʼte, tánon sarashitóhare.” Ne Uriah iahahiá꞉kenʼne tsi ronónshoʼte ne ronnontí꞉io, tánon ne rononteratiétaʼne athatawítsera ne rotenietonhátsie ronnontí꞉io.

Proverbs 31:6

Kí꞉ken iohnekahní꞉ron nenʼné꞉ʼe raoná꞉wen ne ronnihé꞉ions tánon rotiʼnikonhráksenʼs.

Ecclesiastes 10:19

Nensahtekónhni entíson nasatʼtsenhnónhni tánon notsítsa enshanikonhkétsko, ók kíʼ tetsáronh iáh tahónton nahisaiéntahne tó꞉ka iáh tesawísthaien.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Habakkuk 1:6

Asè꞉ken satkátho kheketskóhe ne Chaldeans, né꞉tho iotonhkwetát꞉terons ó꞉ni ratiniakátstes kentióhkwa, ronón꞉ha ne tsikʼnónwe nienhatinenrahserón꞉ni tsi ionwenhtsá꞉te enhontié꞉nawatste tsi kanonshó꞉tons ne iáh ronónha tehonáwenk.

Matthew 11:19

Nok ne Niio Roienha tehastskaons ranekirha oni; nok ronton: Shakoȣane, tsionekakaȣe, rontenro oni ne ratikarotasions oni nʼonakȣaiesentasonha. Nok ki tanon ȣene iotonhon natoriȣakȣarisionsera tsinonkȣati ne sakoienhokenha.

John 2:10

Nok ȣahenron: Neh ens niare taiontierente ȣahenekira ne kanekiio; nok akȣa skenenha entkaiothiiate nonen eso iakohnekiren; nok nise sekon neh nisateȣeienton ne kanekiio.

1 Samuel 1:5

ók ne Hannah kwáh ne watahiá꞉sheren tsi tashakáwen, tioríhwa tsi nishakonorón꞉khwa, iaweronhátien ne Roiá꞉ner tsi ronhó꞉ton nahonháke tsi nón꞉we nihiontonniátha nowirá꞉ha.