Genesis 43:25 - Ohiatonhseratokénti

²⁵ wahatiweienén꞉taʼne natatawíhtshera ne thonwahawihtén꞉ni nahón꞉ion ne Só꞉se néntie nenká꞉rake énsrawe, aseʼkénh rotirihwahrón꞉ken tsi tho nón꞉we skátne naʼtenhontská꞉hon.

Genesis 43:25 ပူးပေါင်းရင်းမြစ်များ

Genesis 43:11

Eʼthó꞉ne ne ronwaʼníha Israel wahshakawènhahse, “Tókaʼ ó꞉nenk tsi tho neniohtónhake: ken kiʼ naʼsewá꞉iehr: sewaiá꞉rakonʼs sewatárion iaʼsewáhahf ne kwáh tekaiehstahshiónkwen ne ionkhwákwen tsi ionhontsá꞉ien, tánon tho nón꞉we iaʼsewáhahf ne iahtshítion ne rón꞉kwe—ostón꞉ha kén꞉ie, ostón꞉ha otsiʼnahkontahkwá꞉ne otsikhé꞉ta, ne iohnehtokhá꞉ʼon, ne orontákeri, iontiaʼtakonʼonhstáhkhwa, tánon niaʼtekahsó꞉kwakeʼs.

Genesis 43:15

Sók kiʼ ne ronnón꞉kwe iahatíhawe natatawíhtshera, tánon waʼthatiiá꞉sere nohwísta iahatíhawe, iahonwaiaʼténhawe nen ne ʼeh ne Benjamin. Eʼthó꞉ne kiʼ ó꞉nen wahontén꞉ti Egypt niahón꞉ne, tánon raohén꞉ton ne Só꞉se waʼthatí꞉taʼne.

Genesis 43:16

Nó꞉nen ne Só꞉se shahó꞉ken ne Benjamin ronnónha ron꞉ne, wahawènhahse ne kanónhskon rahnhá꞉tshera, “Taietshiiaʼtínionʼt nétho ronnón꞉kwe, tánon sewaʼwèntho katshé꞉nen tánon seweienèn꞉taʼn, aseʼkénh ne ronnón꞉kwe teniakwá꞉tonte néntie nenká꞉rake.”