Genesis 43:2 - Ohiatonhseratokénti

² Tánon nó꞉nen sihonatekhwíson nonátsa tsi nithotíha ne Egypt, ne ronwaʼníha wahshakawènhahse, “Wáhs shé꞉kon thóh ionsásewe, ostón꞉ha saskwatenaʼtsherahninonʼsé꞉ra.”

Genesis 43:2 ပူးပေါင်းရင်းမြစ်များ

Genesis 43:1

Nón꞉wa natonhkariá꞉kon tsi naʼteiotenonhianíhton ne tsi ionhontsá꞉ien.

Genesis 43:20

Wahonní꞉ron, “Oh, tatiá꞉nehr, sontontié꞉renhte taiákwe ne naiakwatenaʼtsherahní꞉non;

Genesis 43:3

Ók Judah wahawènhahse, “Tho rón꞉kwe kwáh tho tsi nahshonkwahronká꞉ten, rá꞉ton, ‘Iáh thaonsaskwakónhsaken nek khók tókaʼ ken ne sewatateʼkén꞉ʼa entisewakwekonhátie.’

Genesis 43:4

Tókaʼ ientshiaténniehte ne iakwatateʼkén꞉ʼa naiákwe, tho kiʼ ientsákwe tánon enkwatenaʼtsherahninonʼsé꞉ra;

Genesis 44:25

Tánon nó꞉nen sahén꞉ron ne shakwaʼníha, ‘Wáhs shé꞉kon tho ionsásewe, ostón꞉ha saskwatenaʼtsherahninonʼsé꞉ra,’

Proverbs 15:16

Ne sénha ioiánere naiesenténhton tánon atshetshaníhsheke ne Roiá꞉ner tsi niʼiot ne aiesakwatshéhake tánon taiesaʼnikonhrhá꞉rake.

Proverbs 16:18

Kanaiéhtshera eniakohshá꞉rine tsi nonkwá ne karihwaiesáhtshera, tánon atkenronniáhtshera ehtà꞉ke ieniakoiaʼténhas.

Proverbs 31:16

Iakéhsaks onhwéntsa tánon waʼehní꞉non, ne wá꞉ʼontste ohwísta ne akaónha teiakotèn꞉tshon ó꞉ni skahéhta oʼnénhare waʼeiéntho.

1 Timothy 5:8

Onk tóhkaʼ ónhkak iáh tathesakotirihwásnieʼse ne rontátenons, sénha ne kwáh ronónha rahothiwáhtsireh, wahkonwathonníhase ne tewethákwen ó꞉ni sénha ronónha rathiweniennáksen tsi ní꞉ioht ne iáh tetiakawetákwen.