Genesis 43:14 - Ohiatonhseratokénti

¹⁴ aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

Genesis 43:14 ပူးပေါင်းရင်းမြစ်များ

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 22:14

Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 39:21

Ók ne Roiá꞉ner nikwé꞉kon ne Só꞉se tánon wahonaʼtón꞉hahse ne iorihwató꞉ken kanoronhkwáhtshera; tánon ne Roiá꞉ner wahaónnien ne shakohnhó꞉tons naontahorihwaié꞉rike tsi nonkwá ne Só꞉se.

Genesis 42:24

Ne Só꞉se waʼthatkahrhaté꞉ni tánon wahshakotiaʼtontákwahse iaʼthahsèntho; eʼthó꞉ne tontá꞉re tánon wahshakohtháhrhahse. Tánon Simeon wahoiaʼtará꞉ko tánon raotihén꞉ton waʼthonwanentsterènkhon.

Genesis 42:36

Tánon ne ronwaʼníha Jacob wahshakawènhahse, “Í꞉ʼi ne wahskwahtón꞉ten ne ratiksaʼokón꞉ʼa: Só꞉se ó꞉nen iáh kén꞉ʼen tésreʼs, tánon ne Simeon ó꞉ni iáh kén꞉ʼen tésreʼs, kiʼ ó꞉nen ientshisewaiaʼténhawe ne Benjamin. Akwé꞉kon kí꞉ken eʼthó niwatiaʼtawén꞉ʼen!”

Genesis 43:13

Iaʼtshisewaiaʼténhahf ne tsisewaʼkén꞉ʼa, tánon shé꞉kon eʼthó ionsásewe tsi thonónhshote nétho rón꞉kwe;

Genesis 44:12

Wahréhsake, ne ne thakowá꞉nen tahotié꞉renhte tánon tsi iaháhsa ne ne kenʼ niehrá꞉ʼa; tánon ne teionthnekontáhkhwah kátshe Benjamin raoià꞉rakon wahatitshén꞉ri.

Ezra 7:27

Ezra wahèn꞉ron, “Tehonwanonhwerá꞉ton ne Roiá꞉ner, ne sháko Ní꞉io ne iethisoʼthonkonhkén꞉en! Wahahónhnien ne rakó꞉ra ne nahonikonhroténhake tsi thóh ki ní꞉ioht tsi ahakwéniensthe ne rahononhsatokentihkó꞉wa ne Roiá꞉ner ne Jerusalem nón꞉we.

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 106:46

Waʼsakahónhnien nahonwaʼtítenhre tsi nikáien ne ronhwaʼtinhó꞉tonkwe.

Psalms 119:41

Takenatónhas tsi nió꞉re tsi takenorónhkwa, Saiá꞉ner, tánon tatiatanónstat tsi thóh nón꞉we nitewé꞉tha tsi nisahrahráts꞉ton.

Psalms 85:7

Takwanatón꞉has ne iorihwaʼtó꞉ken sanoronhkwáhtshera, Ó Saiá꞉ner, tánon tátion ne sáwenk iakonónstats kahienawaʼséhtshera.

Proverbs 1:1

Ne kí꞉ken shaʼtékena ionkwarihonnién꞉nis ne Solomon, thotá꞉ti. Ronontí꞉io ne Israel, Táwit roién꞉ʼa.

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Isaiah 49:13

Tesehwarí꞉wak natonnarátshera, Ó karonhiakésons, tánon satonnáren, Ó ohóntsa; thontasótkaf, Ó tsi ionontarón꞉nions, tesewarí꞉wak! Asèken ne Roiá꞉ner wasakonikonraníraʼte ne rahonkwetashón꞉has, tánon kwáh ensakótenhre tsi nikáien ne rotironhiákens.

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

John 19:22

Tontahenron ne Pilat: tsinahoten ȣakkiaton, kaiaton.

Acts 21:14

Iáh tehionkwakwénion ne tasakwanikonrakénnion, sók kíʼ wahakwátʼkaʼwe tánon wahakwénron, “Káti tsi nithonikonrihióʼon ne Roia꞉ner thóh ni꞉iá꞉wen.”

Acts 7:10

tánon akwékon wathohiathohetstánion tsi ní꞉ioht tsi ronwenthorakwenʼníhakwe. Nónen ne Só꞉se rahohénton hiathátaʼne ne Ronnontí꞉ioʼkwe ne Egypt, Rawení꞉io taháwen ne kenténrat ó꞉ni ne atʼthokhátsera, tánon ne Ronnonti꞉io wahokórasʼte ne Só꞉se kanakeraserakwékon ó꞉ni ne kanontiʼiotserákon.

1 Timothy 1:16

ónk Rawenni꞉io kwáh wahakhìtenre eh nahontáwe ne Kerístos Ié꞉sos nontiérenk ahréh꞉nesthe tsi kwáh rohnikonkátsʼthe tsi nihatiérase, né꞉ne kwáh tewahkenonkwísen sénha tsi ní꞉ioht ne kwáh rotiriwáhneren, tewathenienthénston tsi niháti nonakènke entʼthonwétakwe tánon enhatiʼiéna ne ionnheʼónwe atónnhets.

1 Timothy 1:2

Ne Timothy, ne kwáh riʼiénha ehʼnónwe ne tewetákwen: Aiáwens ne Ní꞉io Kaníhsera ó꞉ni Kerístos Ié꞉sos Sonkwaiáner nahontáhion ne kenténrat, ataniténron, ó꞉ni skénnon.

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.

2 Sawátis 1:3

Aiá꞉wens ne Rawenni꞉io ne Kaʼní꞉sera ó꞉ni ne Ié꞉sos Kerístos, ne Kaʼní꞉sera roiénha, ahontashóntsion ne kenténrat ó꞉ni ne skén꞉nen; aiá꞉wens i꞉i ahionkwawénhake ne tkariwaié꞉ri oni ne kanoronkwáhtsera.