Genesis 42:28 - Ohiatonhseratokénti

²⁸ Wahshakawènhahse ne rontateʼkoʼokón꞉ʼahs, “Nakhwísta kén꞉ʼen skáten; kén꞉ʼen í꞉wa atià꞉rakon!” Waʼthoneriasíshonhkwe tánon waʼthontkahrhaté꞉ni rotiiaʼtishónhkwa ne shatiiaʼtátshonʼs, rontónnions, “Nahó꞉ten kíʼ꞉ken ne Rawenni꞉io tsi nahshonkwaié꞉raʼse?”

Genesis 42:28 ပူးပေါင်းရင်းမြစ်များ

Genesis 27:33

Eʼthó꞉ne ne Isaac kwáh í꞉ken tsi wahoiaʼtíʼshonhkwe, tánon wahén꞉ron, “Ónhka ká꞉ti, rotorathón꞉ne tánon taionkhawítaʼse, tánon akwé꞉kon wá꞉keke nohén꞉ton sontahsatáweiaʼte, tahí꞉ion wahiiaʼtatérihste?—Tanon kíʼ enhoiaʼtateríhstonke.”

Genesis 42:29

Shionsahón꞉newe ne ronwaʼnihnéha Jacob ne tsi tionhontsá꞉ien ne Canaan, kwáh orihwakwé꞉kon wahonwahró꞉ri tsi nahotiià꞉tawen, rontónnions,

Genesis 42:36

Tánon ne ronwaʼníha Jacob wahshakawènhahse, “Í꞉ʼi ne wahskwahtón꞉ten ne ratiksaʼokón꞉ʼa: Só꞉se ó꞉nen iáh kén꞉ʼen tésreʼs, tánon ne Simeon ó꞉ni iáh kén꞉ʼen tésreʼs, kiʼ ó꞉nen ientshisewaiaʼténhawe ne Benjamin. Akwé꞉kon kí꞉ken eʼthó niwatiaʼtawén꞉ʼen!”

Genesis 43:23

Waʼtharihwaʼserá꞉ko, “Skén꞉non sewakwekónhak, tóhsa sewáhteronʼn; ne Sewaní꞉io tánon ne ehtshisewaʼníha Raoní꞉io kwáh shóten nohwístaʼs ne sewaiá꞉rakonʼs ne sewarihwá꞉ke; watiená꞉ʼon ne sewakariá꞉kon.” Eʼthó꞉ne Simeon tahoiaʼténhawe tsi nón꞉we nihón꞉neʼs.

1 Kings 10:5

Onhtkátho ne kákhwa rothikwáhere ne rahothekwáhraʼne, ne rahonanitskwahrasónhas ne rahonkwetaʼshón꞉as, tsi naʼtehatirihwásnie ne rahonhatserasónhas, ne rahonatʼtserónhnias, ne ratikwahé꞉ra, tánon tsi nihateskonthákwah nononsatokentiʼkówaʼne. Kwáh tsi ní꞉ioht nonhtonhniseráton tánon wahorihwaneráko.

Psalms 61:2

Ahí꞉non nón꞉we níkes ne tsi nikanakerasehráien tsi iakonhnáton, iáh tatkwéni nahonsakatakáts꞉thate. Iatakasárih tsi nón꞉we ostenhrohhárakeh né꞉ne sénha tsonitsténhrate tsi ní꞉ioht ní꞉i;

Song of Songs 5:6

Waʼhinonhtónhkwase ne riʼnorónhkwa, ók ne riʼnorónkwa teshotkaraténion kakʼtseshawenon. Ne tsi kónnhe ontakénheie nó꞉nen shontahatáti. Watʼkaʼkatónhnionwe, ók iáh kíʼ tehíken; Iaʼhináhton, ók iáh thatethoriwaʼserákwen.

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Lamentations 2:17

Ónen ne Roiá꞉ner thóh naháiere tsi nihoterónkwen; Kwáh iáh kanèka ne kenténron tsi ní꞉ioht tsi wasonkwasénni, tsi nihthotʼróri ne wahónnise tsi náhe. Tasakáwen neh hionkíʼshons natesenniétsera, tasakáwen natʼtsenónniat tsi wahonkhisénni.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Luke 21:26

Eh nonhiakoiataȣen nonkȣe tsiniiot nonen iahiheions neh tsinenhiakoteronseke, nok oni tsienhiakorhareke oh nenhiaȣensere nonȣentsiakȣekon. Aseken onen tenȣatkarenron ne Karonhiakekha ahosaststensera.

Deuteronomy 28:65

Kwáh iáh okáneka tahisehwaktshén꞉ri ne skén꞉non, iáh káneka nahisewanahthónkwen í꞉se sehwáwenk; ne Roiá꞉ner kwáh ne enthiaró꞉rokte ne tahisonhnaríhkon, iáh thé꞉nen tahonshasehrihwástonhke, tánon enshewaʼnikonrók꞉ten.