Genesis 42:24 - Ohiatonhseratokénti

²⁴ Ne Só꞉se waʼthatkahrhaté꞉ni tánon wahshakotiaʼtontákwahse iaʼthahsèntho; eʼthó꞉ne tontá꞉re tánon wahshakohtháhrhahse. Tánon Simeon wahoiaʼtará꞉ko tánon raotihén꞉ton waʼthonwanentsterènkhon.

Genesis 42:24 ပူးပေါင်းရင်းမြစ်များ

Genesis 34:25

Nahsénhatonʼ nón꞉ta, shé꞉kon sihonahkará꞉renʼs, tehniiáhse ne Jacob shakoioʼokón꞉ahs, ne ne Simeon tánon ne Levi, ne ne Dinah rontateʼkoʼokón꞉ʼahs, iahníhawe ne raonaʼshareʼkó꞉wa kanà꞉takon niahá꞉ne ne ne kwáh iáh ónhka tetiakohrhá꞉rehkwe, tánon ratikwé꞉kon ne rotiskenʼrakéhte wahonwatinonhwariá꞉kon,

Genesis 42:23

Iáh kiʼ tehonaterièn꞉tare nétho Só꞉se tsi wahshakoʼnikonhraièn꞉taʼne, tiorí꞉wa nó꞉nen tenhatihthá꞉ren ronwatewennakará꞉tatskwe.

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

Genesis 43:23

Waʼtharihwaʼserá꞉ko, “Skén꞉non sewakwekónhak, tóhsa sewáhteronʼn; ne Sewaní꞉io tánon ne ehtshisewaʼníha Raoní꞉io kwáh shóten nohwístaʼs ne sewaiá꞉rakonʼs ne sewarihwá꞉ke; watiená꞉ʼon ne sewakariá꞉kon.” Eʼthó꞉ne Simeon tahoiaʼténhawe tsi nón꞉we nihón꞉neʼs.

Genesis 43:30

Eʼthó꞉ne ne Só꞉se tahanitskwahrákwahte iahahiá꞉kenʼne, tiorí꞉wa tsi waʼthaweriahsaʼnhétskaʼne tsi nahó꞉tenhre ne roʼkén꞉ʼa, tánon ó꞉nen skanó꞉ronʼs tahahséntho. Sók kiʼ ne nó꞉ia tsonà꞉taien niahá꞉re tánon thóh iaʼthahséntho.

Genesis 45:1

Eʼthó꞉ne ne Só꞉se iáh ó꞉nen teshokwénion naonsahotatié꞉nenke ne raotihén꞉ton tsi nihá꞉ti ne raiaʼtákta ratí꞉tahkwe, tánon tshiathohén꞉rehte, “Ratikwé꞉kon é꞉ren saietsiiaʼtenhá꞉wiht tsi nón꞉we ní꞉keʼs.” Katíʼ iáh ónhka tho teshón꞉neʼskweʼ nó꞉nen ne Só꞉se sahatatiaʼtahnó꞉ten raotihén꞉ton ne rontatekoʼokón꞉ʼahs.

Genesis 45:2

Ehʼthó niió꞉re tsi wahotsiʼtowáhnha nétho Egyptró꞉nonʼs iahonathón꞉teʼne, tánon iahonterihwíhewe ne raonónhskon ne Pharaoh.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Luke 19:41

Nok onen akta shire, ȣahatkatho tsi kanataien, akȣa ȣathasentho, ȣahenron:

Romans 12:15

Skátʼne sewathónʼnhare ne ronathonʼnháhere, skát꞉ne tesewaséntho ne tehonsénsthos.

1 Corinthians 12:26

Tóhka énskak tsi nahótenk noierónta akaronhiáken, kwáh kíʼ akwékon noiáson nihiotánion tsi skátʼke enkonthironhiáken; tóhkaʼ knahótenk nénskak khók takonwahrénsaron, kwáh notiakésons tsi wahkontiátaren nahotsennionniátshera.

Hebrews 4:15

Nonkwahtsihenstowáhnen iáh raónha tèken ne iáh taonikonraientáhseke tsi niʼionkwahtsiʼióha. Onk khèkenk, Rahtsihenstowáhnen ionhkwahtsihénstaien kwáh tsík nitiotieráhton tsi tehʼonwahnikonraʼráskwe kwáh né sháka tsi kíʼ ninihionkwahiátawes, nók iáh teorihwáhneren.