Genesis 42:23 - Ohiatonhseratokénti

²³ Iáh kiʼ tehonaterièn꞉tare nétho Só꞉se tsi wahshakoʼnikonhraièn꞉taʼne, tiorí꞉wa nó꞉nen tenhatihthá꞉ren ronwatewennakará꞉tatskwe.

Genesis 42:23 ပူးပေါင်းရင်းမြစ်များ

Genesis 11:7

Káts, Ánion ietewátsnent, tánon tetewaniʼtónniaʼt ne raonaronhkhátsheras ne nón꞉we, ne ne tóhsa taonsahotiʼnikonhraién꞉taʼne tsi nihonronhkhaʼtsheró꞉ten.”

Genesis 42:22

Eʼthó꞉ne ne Reuben waʼtehshakorihwaʼserákwahse, “Iáh kenh tekwahró꞉ri ne tóhsa tshisewateweienaksá꞉ten ne tho raksá꞉ʼa? Ók iáh tesewatahonsatá꞉ton. Katiʼ ó꞉nen í꞉ʼi tsonkwakariaʼkonhátie ne raonekwènhsa.”

Genesis 42:24

Ne Só꞉se waʼthatkahrhaté꞉ni tánon wahshakotiaʼtontákwahse iaʼthahsèntho; eʼthó꞉ne tontá꞉re tánon wahshakohtháhrhahse. Tánon Simeon wahoiaʼtará꞉ko tánon raotihén꞉ton waʼthonwanentsterènkhon.

Genesis 45:12

Tánon katíʼ nón꞉wa í꞉se sewakahrà꞉keʼs tánon ne rakahrà꞉ke ne iatiatateʼkén꞉ʼa Benjamin sewatkáhthos tsi kwáh Í꞉i tsikshaká꞉ronte sewahthará꞉ni.

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.