Genesis 42:21 - Ohiatonhseratokénti

²¹ Waʼthontatènhahse, “Átskwiʼ, ionkwakariaʼkonhátie ne ionkwahnhí꞉kon tsi nitshitewaierá꞉se ne tewatateʼkén꞉ʼa; wetewáttoke tsi niió꞉re tsi tehotateʼnikonhrhá꞉rhakwe nó꞉nen wahshonkwaniténhtaʼse, ók iáh kiʼ teionkwatahonhsatá꞉ton. Ne kiʼ aorí꞉wa ó꞉nen waʼtionkwaʼnikonhrhá꞉rhen.”

Genesis 42:21 ပူးပေါင်းရင်းမြစ်များ

Genesis 41:9

Eʼthó꞉ne nohén꞉ton ié꞉rate ne teiontnekontáhkwa raksénhahs wahawènhahse ne Pharaoh, “Sakehiá꞉raʼne tsi naʼtewakaterienʼtawenrié꞉ʼon nón꞉wa wenhniserá꞉te.

Genesis 44:16

Tánon ne Judah wahén꞉ron, “Nahó꞉ten aiakwakwé꞉ni ahshakwahró꞉ri ne atiá꞉nehr? Nahó꞉ten aiakwakwé꞉ni aiakwèn꞉ron? Oh ní꞉ioht tsi aiakwarihwahní꞉rate tsi iáh teionkwahnhí꞉kon? Rawenni꞉io waharihwahtshén꞉ri tsi nihotihnhí꞉kon ne sahnhaʼtsheraʼó꞉konʼs; kenʼ katíʼ iákweʼs, ne natiá꞉nehr raohnhaʼtsheraʼshón꞉ʼahs, nonkwátiaʼke tánon tsi niká꞉ien ne rahá꞉wahkwe ne teionthnekontáhkhwa ne wahonwatshénriaʼse.”

Genesis 45:3

Ne Só꞉se wahshakawènhahse ne rontatekoʼokón꞉ʼahs, “Í꞉i ne Só꞉se. Ne rakeʼníha shé꞉kon kenh nihrónhnhe?” Ók ne sakohtsiʼokón꞉ʼahs iáh tehotikwénion ne tahonwarihwaʼserakwén꞉ni, tsi nihonateronhienhtén꞉ni tsi raohén꞉ton rón꞉nete.

Genesis 50:15

Ronttó꞉kas nétho ne ronwaʼníha tsi rawenhé꞉ion, ne Só꞉se rontateʼkoʼokón꞉ʼa wahonní꞉ron, “Oh nenʼ ne neniá꞉wenʼne tóka shé꞉kon ne Só꞉se shonkwáhswenhs tánon kaná꞉non tsi aonsahshonkwakáriaʼkse akwé꞉kon tsi niwahétken tsi nihtshitewaierá꞉se?”

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

1 Kings 17:18

Wahawénhase ne Elijah, “Rón꞉kwe Ní꞉io rahonkwéta, onhnontséren kíʼ tsi thóh nastséraʼse? Kenʼthonʼnonhtháse nahonsatsehiarákwen ne Rawenni꞉io nakerihwanerahát꞉tseras tánon né wakarihónhni ne rihiénha tsi warénheʼie?”

Proverbs 21:13

Tókaʼ iáh thahsatahónhsatate ne rotí꞉ten tsi iesaʼnekèn꞉ni, nó꞉nen ní꞉se enhsheʼné꞉ken aiesaiaʼtakéhnha iáh ónhka taiakothón꞉teʼne.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 34:17

Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

Jeremiah 4:18

Judah, kwáh iasatátkwahse ne tsi ní꞉ioht tsi sonnhétieʼne tánon tsi nikarihoténsons tsi nishatieráhnion. Sahriwahneraháktshera kí꞉ken éhtho nahkásah ne karonhiakénsehra; kwáh wahthisehrhiasháwehesthe.

Hosea 5:15

Kwáh shé꞉kon thóh iénske tsi nón꞉we tewakatená꞉taien tsi nió꞉re ienhatiriwaní꞉rate tsi rotiní꞉kon tánon enhonhnésake ne kontsá꞉ke. Ne tsi nihotironhiá꞉ken kwáh enhionkanithénthen nahatiié꞉na nakithénrat:

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Matthew 7:2

Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

St. Mark 9:48

Tsinonȣe niah tekonniheions nahotitsinonȣa, nok iotekhaonȣe.

Luke 16:28

Aonsasakororiana ne ȣisk nateiakȣatennontere aontonsseke tosa aiakȣariskon.

Acts 19:18

Iakotiokowánen ne tsiakawetákwen wahakokéthoʼte, onhkwétake ieriwaníratsʼkwe ó꞉ni rontʼróriskwe akwékon tsi nihonatieráhnion.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

1 Sawátis 1:9

Nók tóhka entewariwanírate nonkwariwaneraháktshera rahohénton ne Rawenni꞉io, etnenháiere tsi nahóten rorahrátston tánon ne thóh nenháiere ne tkariwaiéri: ensesonkwanikónrense nonkwariwanerahákʼtsheras tánon ensesontionnakwatáko tsi nahoténsons tahionkwaterientawénreke.

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.