Genesis 42:15 - Ohiatonhseratokénti

¹⁵ Kenʼ kiʼ ní꞉ioht tsi enietshiiateniénhten: Tsi nihrónhnhe ne Pharaoh, iáh thaonsesewahtén꞉ti ne kenh nón꞉we tsik ne tshisewaʼkén꞉ʼa kén꞉ʼen nèntre!

Genesis 42:15 ပူးပေါင်းရင်းမြစ်များ

Genesis 42:12

Ók wahshakawènhahse, “Iáh, ne tesewatkenʼsé꞉re tókaʼ kenh nonhwéntsa iáh tewatenʼnikonhrará꞉ton!”

Genesis 42:14

Ók kiʼ ne Só꞉se wahshakawènhahse, “Kwáh kiʼ tsi niwá꞉ken; sewaterihwató꞉rats!

Genesis 42:16

Ónhkaʼk ne tsi nítson thóh ionsásewe tánon tatshisewaiaʼténhahf ne sewatateʼkén꞉ʼa, tho ná꞉he ne sewá꞉tiaʼkeʼs ensewatehnhó꞉ton, ne naón꞉ton nétho sewawén꞉naʼs naonteniénhtenke, tó꞉kaʼ kehn orihwí꞉io í꞉ken ne tsonhá꞉ke; khehs ne iáh, tsi kiʼ nihrónhnhe ne Pharaoh, orihwiioʼón꞉we tsi sewaterihwató꞉rats.”

Genesis 42:20

tánon tatshisewaiaʼténhahf ne kenʼniehrá꞉ʼa tshi sewaʼkén꞉ʼa nakonhá꞉ke. Tho ní꞉ioht ne sewawén꞉na tsi enkarihwahnirá꞉tonke, tánon iáh kiʼ thaesewénheie.” Tánon kiʼ wahatirihwanón꞉weʼne neh nahatí꞉iere.

Genesis 42:30

“Ne rón꞉kwe, ne ne roiá꞉nehr neh nón꞉we tionhwentsá꞉ien, wahshonkwatewennatshahníhten, tánon wahshonkwarihwáhrho naiakwaterihwatoráthseke neh nón꞉we niionhontsá꞉ien.

Genesis 42:34

Tatshisewaiaʼténhahf ne kenʼ niehrá꞉ʼa tsi sewaʼkén꞉ʼa nakonhá꞉ke, tánon kwáh kiʼ enwakaterièn꞉taraʼne tsi iáh tesewaterihwató꞉rats ók titsonhkweʼtaié꞉ri. Eʼthó꞉ne kiʼ enshiiáhtkaʼwe ne sewatateʼkén꞉ʼa naonsesewakwékhane, tánon ensewatatewenní꞉ioke ne taesewatawènrie ne tsi ionhwentsá꞉ien.’”

Genesis 42:7

Nó꞉nen ne Só꞉se sahshakó꞉ken ne rontateʼkoʼokón꞉ʼa, wahshakoièn꞉tereʼne, ók tho nahá꞉iere tsi sí꞉ken ní꞉ioht ne iáh thahshakoienté꞉rike tánon wahshakotewennatshahníhten. “Kaʼnitisewé꞉non wahariʼwanón꞉ton?” Wahonní꞉ron, “Tsi tionhontsá꞉ien ne Canaan, naiakwatenaʼtsherahní꞉non.”

Genesis 43:3

Ók Judah wahawènhahse, “Tho rón꞉kwe kwáh tho tsi nahshonkwahronká꞉ten, rá꞉ton, ‘Iáh thaonsaskwakónhsaken nek khók tókaʼ ken ne sewatateʼkén꞉ʼa entisewakwekonhátie.’

Genesis 43:5

ók tókaʼ iáh tshiatshiaténniehte, iáh kiʼ tho tshiaonsaiákwe, aseʼkénh tho rón꞉kwe shonkwahró꞉ri, ‘Tsi iáh thaonsaskwakónhsaken, nek khók tókaʼ ken sewakwekonhátie ne sewatateʼkén꞉ʼa.’”

Jeremiah 5:2

Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

Jeremiah 5:7

Ne Roiá꞉ner wahariwahnónhton, “Onh nonhtiéren tsi ahonsakkhenikónhrense nakonhkwetahshón꞉a raotiriwahnerahákʼtsheras? Ionkatewenhtheʼton tánon né konhwahthisénhnaien ne kahiathónnis ne iáh tekonhnónnhe. Nónenh khenónhten nahkonhkwetaʼshón꞉a tsi nióreh ne kwáh hiathotihiériseh, ók wahontenahkwahiéshaʼte tánon ne wahontʼkáhionsthe ne iothiriwahiathaʼthónʼhons.

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Ne꞉ne Sák Rohiaton 5:12

Ne kwáh éneʼken iothohetsʼtákwen, tewatenrosónhas, tóh꞉sa ne íhsas ne kariwahniráhtsera ne nó꞉nen thé꞉nen ensahráhraste. Tóh꞉sa ne karonhiakékha tóh꞉ka ó꞉ni nonwentsiákha né꞉ne áhsatsthe nahseriwaníratsʼte khés nó꞉iah nahorihoténsons. Kwá nék khók ne tsíron “Hén” nónen neh thènen tsítons ne hén, tánon “Iáh” nónen neh tsítons ne iáh, ehʼthó꞉ne iáh né tahisanonthánakʼte ne Rawenni꞉io rahohiatorethátsera.

1 Samuel 1:26

Tánon wakén꞉ron ne Hannah, “Ó, Atiá꞉ner, tsi nishón꞉nhe, Atiá꞉ner, Í꞉i ne kón꞉kwe ne kén꞉en ít꞉tawe sahén꞉ton, wakaterenhnaién꞉taʼkwe rahonháke ne Roiá꞉ner.

1 Samuel 17:55

Nó꞉nen ne Saul sahó꞉ken ne Táwit iahahiákenhne niahotiatónhti ne Philistiaró꞉non, ne raón꞉ʼa wahawénhase ne Abner, ne ne rateriʼioserakweʼní꞉io ne raotsió꞉kwah ronterí꞉ios, “Ne Abner ónhka ronhwahʼién꞉a kí꞉ken kén nithoiónha?” Ne Abner wahén꞉ron, “Ne satónnhets tsi nihión꞉nhe, Ó Sanontí꞉io, Iáh tewakateriéntare.”

1 Samuel 20:3

Ók kiʼ ne Táwit kwáh ó꞉ni waharihwanírate, “Ne ianí꞉ha roteriéntare ioiá꞉nere tsi roterién꞉tare ní꞉se tsi takenón꞉wes; tánon tsi nihanontónhnions, ‘Tó꞉sa rotókens ne Jonathan kíʼ, khéhs kwáh í꞉ken tsi enonikonrahkaréhwate.’ Ók oriwiʼiohónwe, tsi nihioʼriwí꞉io ne Roiá꞉ner tsi nirón꞉nhe tánon ní꞉se tsi nishón꞉nhe, thóh nón꞉we ók tsokháhak khók natehiatiátere tánon ne kenhé꞉ion.”