Genesis 41:46 - Ohiatonhseratokénti

⁴⁶ Ne Só꞉se áhsen niwáhsen shaʼtehaohseriiá꞉kon sontahatáhsawen wahoióʼtenhse ne Pharaoh né ronnontí꞉io í꞉ken ne Egypt. Tánon ne Só꞉se iahaiá꞉kenʼne tsi nón꞉we ní꞉res ne Pharaoh, tánon ohontsakwé꞉kon nontá꞉rehte ne Egypt.

Genesis 41:46 ပူးပေါင်းရင်းမြစ်များ

Genesis 37:2

Ne ki꞉ken ne raotikaraʼshón꞉ʼa né Jacob rahowá꞉tsire. Ne Só꞉se, tsá꞉ta iawén꞉re shaʼtehaohseriiá꞉kon, ráonha tánon ne rontateʼkoʼokón꞉ʼa shakotiʼnikonhrarátieʼskwe ne teiotinaʼkarontón꞉ʼa tánon kaiaʼtákeras; shakohshnié꞉nonskweʼ ne aotinekenhteronʼtsheraʼshón꞉aʼhs ne Bilhah tánon ne Zilpah, ne ne roʼníha ró꞉ne; tánon ne Só꞉se ronwaʼnihnéha iaharihwénhawe ne iáh tekarihwí꞉io ne raotirihwá꞉ke.

Genesis 41:47

Tánon ne tsá꞉tak niiohserá꞉ke nikarí꞉wes iaweʼtatshá꞉ni tsi ní꞉ioht tsi takáhawe ne tsi ionhwentsá꞉te.

Genesis 42:8

Eʼthó sá꞉ne ne Só꞉se tsi wahshakoién꞉tereʼne ne rontateʼkoʼokón꞉ʼahs, iáh kiʼ nenʼ neʼ ne ronnónha tehonwaienteré꞉ʼon.

Genesis 45:6

Aseʼkénh natonhkariá꞉kon ó꞉nen ne kí꞉ken teiohserakehátie siwatenaʼtsheranó꞉ron ne tsi iohontsá꞉ien; tánon shé꞉kon wísk niiohserá꞉ke iotatén꞉ron ne iáh thakenʼtarakahrháthonke khehs nakaienthóhkwen.

2 Samuel 5:4

Ne Táwit áhsen niwáhsen satehaoseriʼiákon shontahatásawen nahatenontí꞉ioste, tánon kaié꞉ri niwáhsen niʼioseráke ronontí꞉iokwe.

1 Kings 12:6

Né Ronhnonhtí꞉io Rehoboam washakorihwanónhthonhse ne thotíhions né꞉ne roʼníha Solomon ronhwatenikonhrasonhteránisʼkwe. “Nahó꞉ten tsi takerihwasheráko naskwahtenikonhron nahontatʼkhéhion kí꞉ken onhkweshón꞉as?” washakorihwanónhtonhse.

1 Kings 12:8

Ók iáh kíʼ thèhnen karíhwa tehahonniáton tsi nahonwathenhnikónhron ne thotíhions tánon khèʼkenk thóh nòkwah niahá꞉re né kenhnithotihiónsas né skát꞉ke ronathehiáron tánon ó꞉nen né shonwatenikonhrasonhteránis.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Daniel 1:19

Ne ronnontí꞉io kwáh ratikwé꞉kon tsi wahshakohthárhaʼse, tánon ne Daniel, Hananiah, Mishael, tánon ne Azariah kwáh í꞉siʼ nón꞉we tsi nontahoʼnikonhratihéntho tsi ní꞉ioht ne roná꞉tiaʼke. Eʼ tho ki nontá꞉we tsi wahontiá꞉taren ne kanontiioʼtsherá꞉kon.

Daniel 1:4

Tánon né ne kwáh rontkahthotsherí꞉ios, ronteʼnikonhrattókha, ne kwáh karihonnién꞉ni né ne rotiweientehtàtskon, kwáh ni ó꞉ni iahatiiaʼtaié꞉rike, né ne ahatikwé꞉ni aʼhonwaioʼténhse ne ronnontí꞉io. Ashpenaz enhshakorihónnien ne ahatiwennahnóthake tánon ne ahatihiatónhsheke ne Babyloniaró꞉non raotiwén꞉na.

Numbers 4:3

tánon ratiʼkwékon ashaʼkotisenhnaʼrónhnion ne ronhnónhkwe né꞉ne tsi natetiátere ne áhsen-niwáhsen wísk tánon ne wísk niwáhsen natehonoʼsehrihiákons né꞉ne ratiʼrihwaientéri nahotihióten natohsehrákon tsi nónhwe nihénteron ne Roiá꞉ner.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Luke 3:23

Onen neh nahoten nʼasen sihahoserasenhatie ne Iesos, nok akȣekon ok nonkȣeokon ienrhakȣe Sose roienha, nok ne Sose Heli neneh Roniha.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—

1 Samuel 16:21

Tánon ne Táwit iahá꞉rahwe tsi thénhteron ne Saul, iahatáhwehiaʼte tsi thoʼhioténhstha. Ne Saul kwáh í꞉ken tsi wahonó꞉ronhkwe, tánon ne wahaterihónten nahaháseke ne rateriʼiosthákwas.