Genesis 41:43 - Ohiatonhseratokénti

⁴³ Ne wahoʼseréhton nahohonwiʼseré꞉sheke ne tekeníhaton ié꞉kate noʼtsónhkwa; tánon waʼthotihén꞉rehte ne raohén꞉ton, “Tesewatentshó꞉ten!” Tánon katiʼ ráonha wahorihón꞉ten ohontsakwé꞉kon ne Egypt.

Genesis 41:43 ပူးပေါင်းရင်းမြစ်များ

Genesis 41:42

Eʼthó꞉ne ne Pharaoh wahanisnonsawiʼtáhshi ne kahiá꞉tonhkwe ne katsihkwènhton ne kanontiióhtshera aoteʼnientáhtshera tánon Só꞉se sahosnònhsawiʼte; ne wahohserónniaʼte ne kwáh waniaʼtarí꞉ioʼs, tánon ohwistanó꞉ron oronkwáhsa wahóhtiake.

Genesis 41:44

Sénha í꞉siʼ nón꞉we ne Pharaoh tsi nahawènhahse ne Só꞉se, “Í꞉i ne Pharaoh, tánon ne iáh thahserihwanonhwé꞉sere iáh ónhka thaionnentshakétsko khés ne ionhsiʼtà꞉ke akénhake tsi niwatonhóntsa ne Egypt.”

Genesis 42:30

“Ne rón꞉kwe, ne ne roiá꞉nehr neh nón꞉we tionhwentsá꞉ien, wahshonkwatewennatshahníhten, tánon wahshonkwarihwáhrho naiakwaterihwatoráthseke neh nón꞉we niionhontsá꞉ien.

Genesis 42:33

Eʼthó꞉ne ne rón꞉kwe, ne raiaʼtakweʼní꞉io ne tsi ionhwentsá꞉ien, wahshonkwènhahse, ‘Ne katiʼ entienteréhstahkwe tsi sewarihwató꞉ken tsón꞉kwe í꞉ken: kén꞉ʼen ré꞉shek shaià꞉ta ne sewatateʼkén꞉ʼa naiakenikwekónhake, ionsasewanatsénhaf tsi nithontonhkáriaʼks ne sewahwá꞉tsire, tánon sasewahtén꞉ti.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 45:26

Tánon wahonwahró꞉ri, “Ne Só꞉se shé꞉kon nihrónhnhe! Kwáh ó꞉ni ráonha rakó꞉ra í꞉ken akwé꞉kon tsi niwatonhóntsa ne Egypt.” Tsi ní꞉ioht ne ostón꞉ha wahaiaʼtakénheie; iáh tehokwénion naontahshakawehtákwen.

Genesis 45:8

Katíʼ iáh í꞉se kén꞉ʼen tetehskwatenniéhton, ók Rawenni꞉io; Ráonha wahakónnien ne kaʼníhsera aká꞉ton raonhá꞉ke ne Pharaoh, tánon atiá꞉nehr akénhake akwé꞉kon ne raonónhskon ó꞉ni nakkó꞉rahsteʼ akwé꞉kon tsi niwatonhóntsa ne Egypt.

Genesis 50:18

Eʼthó꞉ne ó꞉ni ne ráonha rontateʼkoʼokón꞉ʼahs tahón꞉ne raohén꞉ton waʼthontshá꞉kete, tánon wahonní꞉ron, “Tsi kén꞉ʼen iákweʼs ne nahskwatenahskónniaʼte.”

Genesis 50:9

Ne ronnón꞉kwe oʼtsónhkwa rotihonwí꞉sere, ó꞉ni kohsá꞉tens rotihsaténtie ne rahónha. Kwáh í꞉ken tsi kentiokowánen.

Esther 10:3

Kí꞉ken Sitaeró꞉non Mordecai tekeníhaton é꞉neken rotirihón꞉tahkwe; Ronontí꞉io Xerxes khok sénha é꞉neken roterihón꞉tahkwe. Ronwakweniénhsthahkwe ne Mordecai tánon akwé꞉kon nihonwanón꞉weʼskwe ne ronatiaʼkéhshon Sitaeró꞉non. Wahoióʼten ne ioiánere raotirihwà꞉ke ne raonkweʼtaʼshón꞉ʼa tánon skén꞉nen ahonnonhtonniónhake ne takahwatsiratátie.

Esther 3:2

Ronontí꞉io waharí꞉wenhte akwé꞉kon ne ronateríhonte tsi nihá꞉ti ronwaióʼtenhse nahonwakwénienhste ne Haman tahontshà꞉kete tánon tahontentshó꞉ten raohén꞉ton. Akwé꞉kon thó nahatí꞉iere, raonhá꞉ʼaʼk Mordecai, iáh tehothontá꞉ton.

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.

Acts 7:10

tánon akwékon wathohiathohetstánion tsi ní꞉ioht tsi ronwenthorakwenʼníhakwe. Nónen ne Só꞉se rahohénton hiathátaʼne ne Ronnontí꞉ioʼkwe ne Egypt, Rawení꞉io taháwen ne kenténrat ó꞉ni ne atʼthokhátsera, tánon ne Ronnonti꞉io wahokórasʼte ne Só꞉se kanakeraserakwékon ó꞉ni ne kanontiʼiotserákon.

Philippians 2:10

Neh káti aoríwa nenhonwasennáronke ne Ié꞉sos kwá kíʼ onhkwetaʼkwékon tsi teniontentióten, neh karonhiáke, ó꞉ni nonwentsiáke, tánon neh nonwentiokónson.