Genesis 41:42 - Ohiatonhseratokénti

⁴² Eʼthó꞉ne ne Pharaoh wahanisnonsawiʼtáhshi ne kahiá꞉tonhkwe ne katsihkwènhton ne kanontiióhtshera aoteʼnientáhtshera tánon Só꞉se sahosnònhsawiʼte; ne wahohserónniaʼte ne kwáh waniaʼtarí꞉ioʼs, tánon ohwistanó꞉ron oronkwáhsa wahóhtiake.

Genesis 41:42 ပူးပေါင်းရင်းမြစ်များ

Genesis 38:18

Wahén꞉ron, “Nahó꞉ten akatkaraièn꞉tahkwe naontakón꞉ion?” Tánon waʼtkarihwaʼserá꞉ko, “Ne thí꞉ken katsihkwénhton tshèn꞉nare tánon ne sahserí꞉ie, saníhtshien, tánon ne satèn꞉nits ne íhshawe.” Sók kíʼ ne tahawíhon, tánon skátne wahiá꞉rate, tánon ontháwa naiowiraièn꞉taʼne ne ne ráonha tho naháhsa.

Genesis 41:43

Ne wahoʼseréhton nahohonwiʼseré꞉sheke ne tekeníhaton ié꞉kate noʼtsónhkwa; tánon waʼthotihén꞉rehte ne raohén꞉ton, “Tesewatentshó꞉ten!” Tánon katiʼ ráonha wahorihón꞉ten ohontsakwé꞉kon ne Egypt.

Esther 10:3

Kí꞉ken Sitaeró꞉non Mordecai tekeníhaton é꞉neken rotirihón꞉tahkwe; Ronontí꞉io Xerxes khok sénha é꞉neken roterihón꞉tahkwe. Ronwakweniénhsthahkwe ne Mordecai tánon akwé꞉kon nihonwanón꞉weʼskwe ne ronatiaʼkéhshon Sitaeró꞉non. Wahoióʼten ne ioiánere raotirihwà꞉ke ne raonkweʼtaʼshón꞉ʼa tánon skén꞉nen ahonnonhtonniónhake ne takahwatsiratátie.

Esther 3:10

Ronontí꞉io waharíhsi raonihsnónhsawi, ne ioteríhonte ne enhatirístenhte karihwahní꞉rats tsi nahò꞉ten enhatiianerenhserísa, tánon tahó꞉ion ne kwáh shakóhswenhs, Sitaeró꞉non, Haman, Hammedatha roién꞉ʼa eʼthó nithotwatsirí꞉non ne Agag.

Esther 3:12

Tsi ká꞉ti iaʼkáhewe ne áhsen iawén꞉re shískare ne tiontenʼnitatierénhton, Haman wahshakoiaʼtaró꞉roke ne Ronontí꞉io ronwahiatón꞉ni tánon wahaianerenhserísa ne takawennaténionke akwé꞉kon tsi nihatiwennó꞉tens tánon tsi ní꞉ioht tsi ratihiá꞉tons tsi nihonakeráhsera ne ronontí꞉io, tánon akwé꞉kon iahshakonatenniéhten ne ratikoráhshon tánon ne ronaterihón꞉ton. Raohsén꞉nakon ne Ronontí꞉io Xerxes tánon karisténhton ne raonihsnónhsawi.

Esther 8:10

Mordecai iahshakohiá꞉tonse raohsén꞉nakon ne Ronontí꞉io Xerxes, tánon waharíhstenhte ne ronontí꞉io raoteʼnienténhtshera. Ne ká꞉ti wahatiiénhna ne rotirenʼnhá꞉ʼon nahotihsá꞉ten ne teiotí꞉ka, ronontí꞉io raotshenenʼó꞉kon.

Esther 8:15

Mordecai tahaiá꞉kenʼne tsi rén꞉teron ronontí꞉io, ne rotstonhátie ronontí꞉io tsi nihohkweniò꞉ten, oròn꞉ia, karà꞉ken, tánon raoteweiá꞉ra né꞉ne kwáh tkaniaʼtarí꞉io arihwawaʼkonhnéha niwahsohkò꞉ten, tánon é꞉so tsi iohskáhts anòn꞉warore ohwistanó꞉ron. Tsi ká꞉ti iohaténion ne Susa, nón꞉kwe ronatshennón꞉ni tánon tehotihenrehtá꞉ne.

Esther 8:2

Ronontí꞉io waharíhsi raonihsnónhsawi ne raoteʼnienténhtshera wathró꞉ri (ne ká꞉ti kí꞉ken Haman sahóhkhwa) tánon Mordecai sahó꞉ion. Esther wahonwarihón꞉ten Mordecai ahaterihwatsté꞉riste tsi nahò꞉ten roièn꞉tahkwe ne Haman.

Esther 8:8

Nók nahò꞉ten ieioiakén꞉ʼen ne ronontí꞉io raohsén꞉nakon karisténhton raoteʼnienténhtshera iáh kíʼ thaʼtaontónhkete. Enwá꞉ton ne Sitaeró꞉non iaietshihiá꞉tonse, tsi nahò꞉ten tsahská꞉nekʼs tánon akhsén꞉nakon tsi enkaristénhton ne akwateʼnienténhtshera.”

Psalms 73:6

Ne ká꞉ti aoríhwa tsi nihonthatón꞉ni thóh niwaʼtsésen nahiontkáto tsi ní꞉ioht ne ionhnitsiásthaʼ oronkwáhsa tánon tsi iahothènen tehonhnónhni ne kaianerénsera kwáh ne né꞉neʼe ahonatʼtseronhniáton.

Proverbs 1:9

Tsi ká꞉ti nahò꞉ten eniesarihónnien ne sénha ioiánere tsi nenhsonkweʼtoʼténhake tsi shí꞉ken ní꞉ioht ne tiokʼnitioiánere teiontenonhwarahnhákstha tókaʼ niʼ ionnihtiákstha sénha watkahthohtsherí꞉io naiesá꞉ken.

Proverbs 31:22

Iontenaktorókstha iakón꞉nis tánon iakohkwenní꞉ioʼs arihwawaʼkonhnéha niwahsohkò꞉ten ne kwáh kaniaʼtarí꞉ioʼs ionniá꞉ton.

Proverbs 31:24

Ionhkwenión꞉nihs tánon atiaʼtáhnha iakón꞉nis ronwanatkehrón꞉nihs ne rontké꞉rons.

Song of Songs 1:10

Ne senó꞉kwahke tsi niʼioràse tsi nisatsʼtánion nowistanórons, ne seniaráke tsi nikasheriʼietentánion ne tekatsinetarárons.

Song of Songs 4:9

Taseniarotaróʼke nakwéri, tiatenósen, aktsikéta! Taseniarotaróke ne nekwah tateshatʼkarohétsʼtekwe, Kwáh tiotinénhrat khók ne shanitsiástsʼta.

Isaiah 3:23

ne teioshokwátes ahonatsherónhnias, ne waniatarí꞉ios ahonatserónhnias, ne tekontenonwaranátʼtas, tanon ne kontaharoróktas.

Jeremiah 52:33

Káti ne Jehoiachin wahonwahríhon ne tahonsahatháton ne rahotsherónhniat tánon Ronnonhtí꞉io rahotekhwárahne nónhwe natahatskahónsehke ne tshienhathonnhókʼten.

Ezekiel 27:7

Né satʼtsirothákwah oniataráha ne wahonhnónhniate, né꞉ne tewahsehrihiétaron né꞉ne Egypt nónhwe nitsawénon, Watiesenhónwe naiehientérehne nahinonʼnióre. Né wahthoserorókʼthon né nènhne ionhniáton ne kwáh waniatharí꞉io, né꞉ne ariwahkonhnéha niwahsohkóten né꞉ne tsitʼkawè꞉nhote ne Cyprus nónhwe nitsawénon.

Daniel 5:16

Ó꞉nen wakerihwá꞉roke tsi skwénieʼs ne ahserihotáhsi tsi nikéntonhs ó꞉ni ne ahsheʼnikonhraiéntahten ne ioteriʼwahséhton. Tó꞉kaʼ enhskwé꞉ni nahsewennahnó꞉ten ki kahiá꞉ton tánon enhsekró꞉ri nahò꞉ten kéntonhs, ne enhshié꞉na ne kwáh è꞉neken tiótte ne kakwenienhsthátshera tánon ne ensehsatsherónniaʼte ne waʼkóhses ne arihwawaʼkonhnéha niwahsohkó꞉ten, ohwistanó꞉ron enhsaníhtiake, tánon ne tsi kanakerahserá꞉ien ahsénhaton niénhstake tsi ensaterihóntake.”

Daniel 5:29

Kwáh óʼksaʼk ne Belshazzar wahshakóhnhaʼne ne raonhaʼtsheraʼó꞉kon né ne kwáh è꞉neken tiiótte ne kakwenienstáhtshera tsi ahonwakwénienste ne Daniel né ahonwaiá꞉tawiʼte ne arihwawaʼkonhnéha waʼkóhses ó꞉ni né ahonwénhtiake ohwistanó꞉ron oronkwáhsa ó꞉ni ahsénhaton niaʼthótahste tsi wahorihónten ne tsi kanakerahserá꞉ien.

Daniel 5:7

Waʼthohénrehte né ónhkaʼk aontahonwatiiaʼténhawe ne rontaʼénnarahs, niaʼtehotirì꞉wake, ronttsistohkwatkénse, né shontahontáweiaʼte, né ronnontí꞉io wahshakawénhahse, “Nónhka eniekwé꞉ni naiewennahnò꞉ten ki nahò꞉ten kahiá꞉ton ó꞉ni nenionkró꞉ri nahò꞉ten kéntonhs né enshontsherònniaʼte né kwáh kanó꞉ron waʼkóhses né ne arihwawaʼkonhnéha niwahsohkó꞉ten, enhaníhtiake nohwistanó꞉ron né ne kakwenienstáhtshera, tánon ó꞉ni ahsénhaton nienhátake tsi kanontiioʼtsherá꞉ien tsi enhoterihóntake.”

Luke 15:22

Nok ne rokstenha ȣasakonnhane ne kannhatsera: ahontahatihaȣe nok ahonȣaseronniate nakȣa niateseȣakȣenniios, nok ahonȣasnonsaȣite oni tahonȣata.

1 Samuel 18:4

Ne Jonathan wahatiatawitáhsi ne wakó꞉ses rótstonʼne, tánon ne tahá꞉wenh Táwit, ó꞉ni ne raotserón꞉nia rateriʼiosthákwa, iekaní꞉hare ne rahosarehkówa ó꞉ni ne raohén꞉na ó꞉ni ne raotiathána.