Genesis 41:39 - Ohiatonhseratokénti

³⁹ Katiʼ ne Pharaoh wahawènhahse ne Só꞉se, “Tsik sénhak ne Rawenni꞉io tsi akwé꞉kon nieianaʼtón꞉ni kí꞉ken, tsi iáh ónhka tho niió꞉re ne thé꞉nen iaieièn꞉tereʼne tánon naionteʼnikonhrattókhake tsi ní꞉se ní꞉ioht.

Genesis 41:39 ပူးပေါင်းရင်းမြစ်များ

Genesis 41:16

Ne Só꞉se Waʼthorihwaʼserákwahse ne Pharaoh, “Iáh í꞉i té꞉ken; Rawenni꞉io kwáh enthá꞉wen ne Pharaoh nahawerienʼtí꞉io tsi ní꞉ioht tsi enhaʼnikonhraièn꞉tahte.”

Genesis 41:25

Eʼthó꞉ne ne Só꞉se wahawènhahse ne Pharaoh, “Ne Pharaoh raotetshénsera tetsá꞉ron ne shá꞉ka tsi nikén꞉tons; Rawenni꞉io wahorihotáhshien ne Pharaoh tsi nenhá꞉iere.

Genesis 41:28

Kwáh tho ní꞉ioht tsi wahihró꞉ri ne Pharaoh; Rawenni꞉io wahorihotáshien ne Pharaoh kwáh tsi nenhá꞉hiere.

Genesis 41:33

Nón꞉wa tsheríhon ne Pharaoh ahoiaʼtíhsake rón꞉kwe ne ne roʼnikonhraientá꞉tskon tánon rateʼnikonhrattókha, tánon tho róʼteron ne nahaterihwatsté꞉rihste tsi watonhontsá꞉ien ne Egypt.

Ezra 7:25

“Í꞉se, Ezra, shasthonhátie nateʼnikonhrathokhá꞉tshera ne Saní꞉io thiá꞉wi, ne nashehiatharakwenhá꞉ton ne shakonaterihwatsterísthase tánon ne rathirihwénhtas nashakonatkórasthe nonhkweshón꞉as ne tsi iaʼtewatséntos nokwá꞉ti ne Euphrates tsi niká꞉ien ne rathísere tsi nihoianerenhseró꞉te ne Saní꞉io. Ó꞉nenk tsi ensherihónhnien né꞉tho kaianerénhsera nónhka ne iáh tehiakoterièn꞉tare.

Proverbs 12:8

Tókaʼ tesaʼnikonhráthe, eniesahsennakará꞉tate; tókaʼ iáh tesateʼnikonhrattókha, nón꞉kwe ehtà꞉ke eniehsón꞉ni.

Isaiah 19:11

Né sakotiʼhenténhse ne Zoan iaʼtetsokétote tsi thonatónhnót꞉te; ne rontenikonratʼtókhas ne ronwaʼtenikonrashonteránis ne Pharaoh teʼiotenonwaroʼríhtonʼte tsi niʼsakonatenikonráwis. Ónh ní꞉ioht tsi aksró꞉ri ne Pharaoh, “í꞉i ne tionkwéta ne kaʼtenikonratʼthókha, ehʼnitewakatwatsiríhnon ne thoʼtí꞉ionskwe rotiʼnontí꞉ios”?

Daniel 2:11

Tsi nahò꞉ten ne Sanontiióʼtshera rariʼwanóntha tsi niwentó꞉re iáh ónhka thaiekwé꞉ni eʼtho naié꞉iere kwáh nék ne ratiwenniioʼó꞉kon, tánon iáh nen né꞉ʼe ón꞉kwe skátne tehatinákere.”

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.