Genesis 41:35 - Ohiatonhseratokénti

³⁵ Sheríhon ratikhwaró꞉rok ne kí꞉ken enkaiánerahste ne taiohseratátie, karohrónhak tánon nonátsa wateweienʼtónhak thóh raoʼshatstenhserá꞉kon ne Pharaoh ne nahotitkhwaièn꞉take ne kanà꞉takonʼs tánon tehontekhwanonhiá꞉nite.

Genesis 41:35 ပူးပေါင်းရင်းမြစ်များ

Genesis 41:34

Tsheríhon ne Pharaoh nahshakoiaʼtará꞉ko nonkwehshón꞉ʼa nahontenʼnikón꞉raren nohóntsa, tánon rateweièn꞉ton ne wískháton enkénhake kwáh tsi ní꞉kon tsi enhatiientkwá꞉ko ne tsi ionhontsá꞉ien ne Egypt tsi nikarí꞉wes ne tsá꞉ta niiohserá꞉ke ne wé꞉so enkanákerenʼne.

Genesis 41:36

Nétho kákhwa kwáh enkanonhstá꞉tonke ne tsi kanakerahserá꞉ien aorihwá꞉ke ne ne tsá꞉tak niiohserá꞉ke atonhkariá꞉kon tsi tá꞉we ne tsi ionhontsá꞉ien ne Egypt, ne katíʼ nonhóntsa tóhsa akaiésha tsi iaʼtenióhtkaʼwe natonhkariá꞉kon.”

Genesis 41:56

Tánon natonhkariá꞉kon tsi naʼtewaré꞉ni nonhontsakwé꞉kon, né Só꞉se wahahnhotonkwenhá꞉ton akwé꞉kon tsi nón꞉we nihanatsaientáhkhwah, tánon wahshakotenhní꞉nonʼse ne Egyptró꞉nonʼs, aseʼkénh tsi naʼteiotenonhianíhton natonhkariá꞉kon ne tsi ionhontsá꞉ien ne Egypt.

Exodus 4:13

Ók watariwahsehráko ne Mahís, “Ó Atiá꞉ner, asaʼthontátsheke ónhkak akòren iasehiató꞉ri.”