Genesis 41:32 - Ohiatonhseratokénti

³² Tánon tsi naʼtekahná꞉ne ne Pharaoh raotetshènhsera kenʼ kiʼ nikén꞉tons nétho naʼkarihó꞉ten tsi Rawenni꞉io tho nihokwatákwen, tánon ne Rawenni꞉io kwáh iostó꞉re tho nenhá꞉iere.

Genesis 41:32 ပူးပေါင်းရင်းမြစ်များ

Genesis 37:7

Tewakwé꞉kon kahentà꞉ke iteweʼskwe, tewentstohkwanerénkhonhskwe ne kanaʼtsiiá꞉kon. Thontaiawénhstsi nakitstóhkwa ontkétsko tánon kwáh onttakwaríhshion; eʼthó꞉ne ní꞉se sewentstóhkwaʼs waʼtkonwatà꞉senhte tsi waʼkonteró꞉roke tsi nón꞉we ní꞉kate nakitstóhkwa, tánon waʼtkonwatentshóthahse nakitstóhkwa.”

Genesis 37:9

Shé꞉kon ó꞉ia sahotétshén꞉én, tánon sahshakohró꞉ri ne rontatekoʼokón꞉ʼa, ratónnions, “Sewatkáhtho, shé꞉kon ó꞉ia sonkatétshen: ne karáhkwa, nahsonthenhnékha karáhkwa, tánon énskat iawén꞉re nikatsistóhkwake kwáh teionatshá꞉kton nakhén꞉ton.”

Genesis 41:25

Eʼthó꞉ne ne Só꞉se wahawènhahse ne Pharaoh, “Ne Pharaoh raotetshénsera tetsá꞉ron ne shá꞉ka tsi nikén꞉tons; Rawenni꞉io wahorihotáhshien ne Pharaoh tsi nenhá꞉iere.

Genesis 41:28

Kwáh tho ní꞉ioht tsi wahihró꞉ri ne Pharaoh; Rawenni꞉io wahorihotáshien ne Pharaoh kwáh tsi nenhá꞉hiere.

Genesis 41:31

Tsi niió꞉kwatskwe kwáh iáh ohthé꞉nen thaonsakaierón꞉nike ne tsi ionhwentsá꞉ien tiorí꞉wa natonhkariá꞉kon enkarihón꞉ni tsi niiawénhsere, aseʼkénh kwáh í꞉ken tsi enioʼserá꞉ʼehste.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Matthew 25:34

Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.

Matthew 25:41

Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.

St. Mark 10:40

Kenh ki kaien ne tsi keȣeientetakon ok neʼsʼ ne skenekȣati aionnistskȣaren, iah neneh ii takheion; nese ok neneh enhiontaton nonka enhiontatatkȣatakȣenni.

1 Corinthians 2:9

Nók-kíʼ, tsi niwáhton ne oriwahtokénti, “Nahóten ne iáh ónka nonwénhton tehiakotʼkáton tóhkaʼ ó꞉ni ahiakhothonthéʼonke, nahóten ne iáh ónka nonwénhton tehiakononthonniónʼon né nahiawénhʼne, né꞉ne kwáh ehʼní꞉ioht ne Rawenni꞉io tsi shakokwahtakwénhni tsi nihiákon ne ronwahnorónkwah.”

2 Corinthians 13:1

Ó꞉nen ne kí꞉ken nahsénhaton nienwaterátste ienskwanatahré꞉nahse. Ne káti tsi niwá꞉ton ne Kahiatonhseratokénhti, “Ne kwáh nitkónha tehniʼiáse tehiotonhontsóha nanirihwaní꞉rate tsi iakohní꞉kon.”

Revelation 9:15

Káti ne kaié꞉ri nihá꞉ti ratironhiakeró꞉nons sahonwanaʼkawe, ronón꞉ha ronwatiienahwákonhne ne thóh nenhkahá꞉wike, nawenhní꞉sera, tsi nenhwenhnì꞉tarake, tánon tsi nenhioserá꞉teke, nenhsakotinonwahrià꞉kon énska énkar nonkwehó꞉kon.